ಈ ಬಾರಿ ಪತ್ತೆಯಾಗಿರುವ ಅಂಶಗಳು ಬೆರಗು ಮೂಡಿಸುವಂಥದ್ದಾಗಿದ್ದು, ಈ ಹಿಂದೆಂದೂ ಇಂತಹ ಸಂಶೋಧನಾ ಫಲಿತಾಂಶ ಕಂಡುಬಂದಿರಲಿಲ್ಲ ಎಂದು ಸಂಶೋಧನೆಯಲ್ಲಿ ತೊಡಗಿಸಿಕೊಂಡಿದ್ದ ಪ್ರೊಫೆಸರ್ ಅಲನ್ ಡಫ್ಫಿ ಹೇಳಿದ್ದಾರೆ. ಮಂಗಳ ಗ್ರಹ ಕನಿಷ್ಠ 3.6 ಬಿಲಿಯನ್ ವರ್ಷಗಳ ಹಿಂದೆ ಹಲವು ಸರೋವರಗಳನ್ನು ಹೊಂದಿತ್ತು. ಈಗ ಶೀಥಲ ವಾತಾವರಣ ಹೊಂದಿದ್ದು ಈ ಹಿಂದೆ ಬೆಚ್ಚಗಿನ ಹಾಗೂ ಒದ್ದೆಯ ವಾತಾವರಣ ಹೊಂದಿತ್ತು. ಆದರೆ ಈಗ ಪತ್ತೆಯಾಗಿರುವ ನೀರನ್ನು ಕುಡಿಯುವುದಕ್ಕೆ ಸಾಧ್ಯವಿಲ್ಲ, ಮಂಜುಗಡ್ಡೆ ಮುಚ್ಚಿರುವ ವಾತಾವರಣದಿಂದ ಸುಮಾರು 1.5 ಕಿ.ಮೀ ನಷ್ಟು ಆಳದಲ್ಲಿ ನೀರು ಪತ್ತೆಯಾಗಿದ್ದು ಅದರಲ್ಲಿ ಸೂಕ್ಷ್ಮಜೀವಿಯ ರೂಪಗಳು ಇವೆಯೋ ಇಲ್ಲವೋ ಎಂಬುದೂ ಸಹ ಚರ್ಚೆಯ ವಿಷಯ ಎನ್ನುತ್ತಿದ್ದಾರೆ ವಿಜ್ಞಾನಿಗಳು.