ಸ್ಯಾನ್ ಫ್ರಾನ್ಸಿಸ್ಕೊ: ದಕ್ಷಿಣ ಕೊರಿಯಾದ ಪ್ರತಿಷ್ಠಿತ ಸ್ಯಾಮ್ ಸಂಗ್ ಕಂಪನಿ ಫೋಲ್ಡೆಬಲ್ ಸ್ಮಾರ್ಟ್ ಫೋನ್(ಮಡಚುವ ಫೋನ್) ಅನ್ನು ಗುರುವಾರ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.
ಸ್ಯಾಮ್ ಸಂಗ್ ಕಂಪನಿ ಇಂದು 4.6 ಇಂಚಿನ 'ಗ್ಯಾಲಕ್ಷಿ ಪೋಲ್ಡ್ ' ಎಂಬ 5 ಜಿ ಮೊಬೈಲ್ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದ್ದು, ಇದು ಮೊದಲ 5ಜಿ ನೆಟ್ ವರ್ಕ್ ಮೊಬೈಲ್ ಎಂಬ ಗೌರವಕ್ಕೆ ಪಾತ್ರವಾಗಿದೆ.
ಸ್ಯಾಮ್ಸಂಗ್ ಕಂಪೆನಿಯ ‘ಗ್ಯಾಲಕ್ಷಿ ಪೋಲ್ಡೆಬಲ್ ಸ್ಮಾರ್ಟ್ ಫೋನ್‘ ಎರಡು ಡಿಸ್ಪ್ಲೇ ಹೊಂದಿದ್ದು, ಮೊದಲನೆಯ ಡಿಸ್ಪ್ಲೇ4.6 ಇಂಚು, ಎರಡನೇ ಡಿಸ್ಪ್ಲೇ 7.3 ಇಂಚನ್ನು ಹೊಂದಿದ್ದು, ಇದನ್ನು ಪುಸ್ತಕ ರೀತಿ ಮಡಚಬಹುದಾಗಿದೆ.
ಗ್ಯಾಲಕ್ಷಿ ಪೊಲ್ಡೇಬಲ್ ಸ್ಮಾರ್ಟ್ ಫೋನ್ ಸ್ನ್ಯಾಪ್ ಡ್ರಾಗನ್ 855 SoC ಯಿಂದ ಕಾರ್ಯ ನಿರ್ವಹಿಸುತ್ತಿದೆ. 8 ಜಿಬಿ ರ್ಯಾಮ್ ಹೊಂದಿದ್ದು, ಇದಕ್ಕೆ ಎರಡು ಬ್ಯಾಟರಿಯನ್ನು ಜೋಡಿಸಲಾಗಿದೆ.
ಏಪ್ರಿಲ್ 26 ರಿಂದ ಈ 'ಗ್ಯಾಲಕ್ಷಿ ಪೋಲ್ಡ್ ' ಮಾರುಕಟ್ಯೆಯಲ್ಲಿ ಲಭ್ಯವಿರಲಿದೆ. ಇದರ ಬೆಲೆ 1,980 ಅಮೆರಿಕನ್ ಡಾಲರ್ ಎಂದು ಕಂಪನಿ ತಿಳಿಸಿದೆ.
