ಸರ್ಚ್ ಕ್ವಾಲಿಟಿ ತಂಡದ ನೇತೃತ್ವದಲ್ಲಿ ಪ್ರತೀ ವಾರವೂ ಅಲ್‌ಗೋರಿಥಂನಲ್ಲಿ ಬದಲಾವಣೆಗಳನ್ನು ಮಾಡಲ್ಪಡುತ್ತವೆ. ಉದಾಹರಣೆಗೆ ಲಾಲಿಪಾಪ್ ಎಂದು ಯಾರಾದರೂ ಸರ್ಚ್ ಮಾಡಿದರೆ ಅದು ಲಾಲಿಪಾಪ್ ಸಿಹಿತಿಂಡಿಯೋ ಅಥವಾ ಆಂಡ್ರಾಯ್ಡ್ ವರ್ಶನ್ ಬಗ್ಗೆ ಹುಡುಕಿದ್ದೋ ಎಂದು ಅರಿಯುವ ಸಾಮರ್ಥ್ಯ ಆ ಅಲ್‌ಗೋರಿಥಂಗೆ ಇರಬೇಕು. ದಿನ ನಿತ್ಯ 112 ಭಾಷೆಗಳಲ್ಲಿ, ಕೋಟಿಗಟ್ಟಲೆ ಜನರು, ಬಿಲಿಯನ್‌ಗಟ್ಟಲೆ ಪೇಜ್‌ಗಳನ್ನು ಹುಡುಕುತ್ತಿರುತ್ತಾರೆ. ಇದಕ್ಕೆಲ್ಲದಕ್ಕೂ ಗೂಗಲ್ ಉತ್ತರಿಸಬೇಕು. ಅಷ್ಟೇ ಅಲ್ಲ buganizer ಎಂಬ ಆಂತರಿಕ ವ್ಯವಸ್ಥೆ ಮೂಲಕ ಗೂಗಲ್ ಸಂಸ್ಥೆಯ ಉದ್ಯೋಗಿಗಳೇ ಸರ್ಚ್ ಬಗ್ಗೆ ದೂರು ನೀಡುವ ವ್ಯವಸ್ಥೆಯಿದೆ. ಇದಕ್ಕೆಲ್ಲಾ ಉತ್ತರಿಸುವ ಹೊಣೆ ಸಿಂಘಾಲ್‌ದ್ದು.
