ತನ್ನ ಸಾಧನೆ ಕುರಿತಂತೆ ಮಾತನಾಡಿರುವ ಅಗಸ್ತ್ಯ ಜಸ್ವಾಲ್, 2ನೇ ವಯಸ್ಸಿನಲ್ಲಿ ನಾನು 300 ಪ್ರಶ್ನೆಗಳಿಗೆ ಉತ್ತರಿಸಿದ್ದೆ, 6ನೇ ವಯಸ್ಸಿನಲ್ಲಿ 3 ಸಾವಿರ ಪ್ರಶ್ನೆಗಳಿಗೆ ಉತ್ತರಿಸಿದ್ದೆ, 8ನೇ ವಯಸ್ಸಿನಲ್ಲಿಯೇ ನಾನು 10ನೇ ತರಗತಿಯಲ್ಲಿ ತೇರ್ಗಡೆ ಹೊಂದಿದ್ದೆ. ನಾನು ಯಾವುದನ್ನು ಕಂಠಪಾಠ ಮಾಡುವುದಿಲ್ಲ. ಓದಿದ್ದನ್ನು ಅರ್ಥಮಾಡಿಕೊಳ್ಳುತ್ತೇನೆ. ನಂತರ ಬರೆಯುತ್ತೇನೆ. ಓದುವುದು ನನಗೆ ಆಟದ ವಾತಾವರಣದಂತಿರುತ್ತದೆ. ನಾನು ಪ್ರತಿನಿತ್ಯ ಶಾಲೆಗೆ ಹೋಗುವುದಿಲ್ಲ. ನನ್ನ ಪೋಷಕರೇ ಮನೆಯಲ್ಲಿ ಹೇಳಿಕೊಡುತ್ತಾರೆ. ಐಎಎಸ್ ಅಧಿಕಾರಿಯಾಗಬೇಕೆಂಬುದು ನನ್ನ ಆಸೆಯಾಗಿದೆ ಎಂದು ಹೇಳಿದ್ದಾನೆ.