ಸ್ವಾವಲಂಬಿ ಬದುಕಿಗೆ ಕಾಯಕಲ್ಪ: ಸಾವಯವ ಕೃಷಿ ಮೂಲಕ ರೈತರ ಬದುಕು 'ಹಸಿರು' ಮಾಡಲೊರಟಿದೆ 'ಅಕ್ಷಯಕಲ್ಪ'!

ತಿಪಟೂರು: ಕೃಷಿ ರೈತ ಮತ್ತು ಮಣ್ಣಿನ ನಡುವೆ ಬಾಂಧವ್ಯ ಹೆಚ್ಚಿಸುತ್ತದೆ. ಆದರೆ ಇಂದಿನ ಯಾಂತ್ರೀಕೃತ ಬದುಕಿನಲ್ಲಿ ಸಮಯ ಹಾಗೂ ವೃತ್ತಿಯ ಬಗೆಗಿನ ಆಸೆಯಿಂದ ಇಂದಿನ ಯುವಜನರು ತಮ್ಮ ಪೂರ್ವಜರು ಬೇಸಾಯ ಮಾಡಿದ ಭೂಮಿಯನ್ನು ತ್ಯಜಿಸುತ್ತಿದ್ದಾರೆ.

ಹೀಗಾಗಿ ಕೃಷಿಯನ್ನು ಪುನರುಜ್ಜೀವನಗೊಳಿಸುವ ಉದ್ದೇಶದಿಂದ 2010 ರಲ್ಲಿ ಅಕ್ಷಯ ಕಲ್ಪ ಆರ್ಗ್ಯಾನಿಕ್ ಫಾರ್ಮಿಂಗ್ ಅಸ್ತಿತ್ವಕ್ಕೆ ಬಂತು. ಪಶುವೈದ್ಯ ಮತ್ತು ಸಾಮಾಜಿಕ ಉದ್ಯಮಿ ದಿವಂಗತ ಡಾ.ಜಿ.ಎನ್.ಎಸ್ ರೆಡ್ಡಿ ಮತ್ತು ಶಶಿಕುಮಾರ್  ಅವರಿಂದ ಸ್ಥಾಪಿತವಾದ ಅಕ್ಷಯಕಲ್ಪವು ಮರಳಿ ಮಣ್ಣಿಗೆ ಎಂಬ ಪರಿಕಲ್ಪನೆಯೊಂದಿಗೆ ಆರಂಭಗೊಂಡಿತು.

ರೈತರೊಂದಿಗೆ ಕೆಲಸ ಮಾಡುವುದು, ಅವರ ಸಮಸ್ಯೆಗಳನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಅವರಿಗೆ ಸಹಾಯ ಮಾಡುವುದು ಇದರ ಪ್ರಮುಖ ಧ್ಯೇಯವಾಗಿತ್ತು,  ಹೀಗಾಗಿ  ಅವರ ಸಮಸ್ಯೆಯು ಆಳವಾಗಿದೆ ಎಂದು ನಾವು ಶೀಘ್ರದಲ್ಲೇ ಅರಿತುಕೊಂಡೆವು.

ನಾವು ಎರಡು ಸಮಸ್ಯೆಗಳನ್ನು ಪರಿಹರಿಸಲು ಪ್ರಾರಂಭಿಸಿದ್ದೇವೆ - ರೈತರ ಹಣದ ಹರಿವು, ಮತ್ತು ಪರಿಣಾಮಕಾರಿ ಮಣ್ಣಿನ ನಿರ್ವಹಣೆ. ಅಕ್ಷಯಕಲ್ಪ ಮೂಲಭೂತವಾಗಿ ಮಣ್ಣು ನಿರ್ವಹಣಾ ಕಂಪನಿಯಾಗಿದೆ,” ಎಂದು ಸಿಇಒ ಶಶಿಕುಮಾರ್ ಹೇಳಿದ್ದಾರೆ.

ತುಮಕೂರು ಮತ್ತು ಹಾಸನ ಜಿಲ್ಲೆಗೆ ಹೊಂದಿಕೊಂಡಿರುವಂತಹ ಕೋಡಿಹಳ್ಳಿಯಲ್ಲಿರುವ ಕಂಪನಿಯ ಆರ್ & ಡಿ ಕೇಂದ್ರದಲ್ಲಿ ಮಾತನಾಡಿದ ಶಶಿಕರಿಮಾರ್, ಕೃಷಿ ಮೇಲಿನ ಪ್ರೀತಿಯಿಂದ ತಮ್ಮ ಐಟಿ ಉದ್ಯೋಗವನ್ನು ತೊರೆದಿದ್ದಾಗೆ ಹೇಳಿದರು..

ಅಕ್ಷಯಕಲ್ಪ ರೈತರಿಗೆ ಮಾರುಕಟ್ಟೆ ಪ್ರವೇಶಿಸಲು ಸಹಾಯ ಮಾಡುತ್ತದೆ, ಅವರನ್ನು ಬೆಂಬಲಿಸುತ್ತದೆ, ಹೊಸ ತರಬೇತಿ ಮತ್ತು ಸಾವಯವ ಕೃಷಿ ತಂತ್ರಗಳಿಗೆ ಮತ್ತು ನವೀನ ವೆಚ್ಚ-ಪರಿಣಾಮಕಾರಿ ಆರ್ಥಿಕ ಮಾದರಿಗಳನ್ನು ತಿಳಿದುಕೊಳ್ಳಲು ಅವಕಾಶ ಮಾಡಿಕೊಡುತ್ತದೆ. ಇದು ಉತ್ತಮ ಫಸಲು ಮತ್ತು ಆದಾಯವನ್ನು ನೀಡುತ್ತದೆ.

ಇದನ್ನೂ ಓದಿ: ತೆಂಗು ಬೆಳೆಗಾರರಿಗೆ ವರದಾನ 'ಕಲ್ಪರಸ': ಮಾರುಕಟ್ಟೆಯಲ್ಲಿ ರಸಕ್ಕೆ ಭರ್ಜರಿ ಬೇಡಿಕೆ; ಕಲಿಯುಗದ 'ಅಮೃತ'ದ ಯಶೋಗಾಥೆ!

ಈ ಯೋಜನೆಗಳನ್ನು ಕಾರ್ಯಗತಗೊಳಿಸುತ್ತಾ, ಅಕ್ಷಯಕಲ್ಪವು ಡೈರಿ ವಿಭಾಗಕ್ಕೆ ತೊಡಗಿಸಿಕೊಂಡಿತು. ಕ್ಲೋಸ್ಡ್-ಲೂಪ್ ಮಾದರಿಯ ವಿಧಾನವನ್ನು ರೂಪಿಸಿತು. 28 ಎಕರೆ ವಿಸ್ತೀರ್ಣದ ಆರ್ & ಡಿ ಕೇಂದ್ರದ ಮಾದರಿ ಫಾರ್ಮ್‌ಗಳನ್ನು ಸ್ಥಾಪಿಸಿತು. ಹಸುಗಳನ್ನು ಕಟ್ಟಿ ಹಾಕುವ ಬದಲು ತೆರೆದ ಗದ್ದೆಗಳಲ್ಲಿ ಅವುಗಳನ್ನು ಬಿಡಲಾಗುತ್ತದೆ.

ಹಾಲು ಸಂಸ್ಕರಣೆ ಮತ್ತು ಪ್ಯಾಕೇಜಿಂಗ್ ಕೇಂದ್ರ, ತರಕಾರಿ ತೋಟಗಳು ಮತ್ತು ರೈತ ತರಬೇತಿ ಕೇಂದ್ರಗಳನ್ನು ಹೊಂದಿರುವ ಈ ಕೇಂದ್ರವು ಅಕ್ಷಯಕಲ್ಪದ ದೀರ್ಘಾವಧಿಯ ದೃಷ್ಟಿಯನ್ನು ಎತ್ತಿ ತೋರಿಸುತ್ತದೆ.

ಅಕ್ಷಯಕಲ್ಪ ಡೈರಿಯಾಗಿ ಪ್ರಾರಂಭವಾಯಿತು. ಇದು ರೈತರಿಗೆ ಎರಡು ಬಾಗಿಲುಗಳನ್ನು ತೆರೆಯಿತು  ಹಾಲು ಮಾರಾಟ ಮಾಡುವ ಮೂಲಕ, ದೈನಂದಿನ ಹಣದ ಹರಿವು ಹೆಚ್ಚಿಸಿತು.

ಎರಡನೆಯದಾಗಿ, ಹಸುಗಳಿಂದ ಉತ್ಪತ್ತಿಯಾಗುವ ಸಗಣಿಯು ಮಣ್ಣಿನಲ್ಲಿ ಪೋಷಕಾಂಶವನ್ನು ಹೆಚ್ಚಿಸಲು ಸಮೃದ್ಧಬೆಳೆ ಬೆಳೆಯಲು ಸಹಕಾರಿಯಾಯಿತು. ಸಾವಯವ ಗೊಬ್ಬರದಿಂದ ಭೂಮಿಯ ಫಲವತ್ತತೆ ಮತ್ತು ಗುಣಮಟ್ಟವನ್ನು ಸುಧಾರಿಸುತ್ತದೆ ಎಂದು ಅಕ್ಷಯಕಲ್ಪ ಕಾರ್ಯಕ್ರಮದ ನಿರ್ದೇಶಕ (ಪ್ರಾಣಿ ಪೋಷಣೆ) ಡಾ ಸಾದತ್ ಪಾಷಾ ಹೇಳಿದ್ದಾರೆ.

ಅಕ್ಷಯ ಕಲ್ಪ ಮಾದರಿ ಡೈರಿ ಫಾರ್ಮ್ ಅತ್ಯಾಧುನಿಕ ಮೂಲಸೌಕರ್ಯವನ್ನು ಹೊಂದಿದೆ, ಪ್ರಾಣಿಗಳಿಗೆ ಶೂನ್ಯ ಒತ್ತಡವಿರುತ್ತದೆ ಮತ್ತು ಹೆಚ್ಚಿನ ಹಾಲು ಇಳುವರಿ ಬರುತ್ತದೆ.

ಸ್ವಚ್ಛತೆ ಮತ್ತು ಉತ್ತಮ ಹಸುಗಳ ಆರೋಗ್ಯಕ್ಕೆ ಹೆಚ್ಚು ಒತ್ತು ನೀಡುತ್ತದೆ.  ಹೆಚ್ಚಾಗಿ ಸ್ಥಳೀಯ ಅಮೃತ್ ಮಹಲ್ ಮತ್ತು ಹಳ್ಳಿಕಾರ್ ತಳಿಗಳು ಮತ್ತು ಮಿಶ್ರ ತಳಿ ಹೋಲ್‌ಸ್ಟೈನ್ ಫ್ರೈಸಿಯನ್ ಮತ್ತು ಜರ್ಸಿ ತಳಿಗಳಿಗೆ ಸೇರಿದವುಗಳಾಗಿವೆ.

ಹಸುಗಳನ್ನು ಎಂದಿಗೂ ಕಟ್ಟಿಹಾಕಲಾಗುವುದಿಲ್ಲ. ಅವುಗಳಿಗೆ ಹಸಿರು ಮೇವು, ಸೈಲೇಜ್, ಒಣ ಮೇವು, ಜೋಳದ ಪುಡಿ, ಪ್ರೋಟೀನ್ ಕೇಕ್‌ಗಳು, ಅಡಿಗೆ ಸೋಡಾ, ಖನಿಜಗಳು ಮತ್ತು ಉಪ್ಪು - ಸಮತೋಲಿತ ಆಹಾರಕ್ಕಾಗಿ ಸರಬರಾಜು ಮಾಡಲಾಗುತ್ತದೆ. ಅವುಗಳು ಬಯಸಿದಾಗ ನೀರು ಕುಡಿಯಬಹುದು ಮತ್ತು ಬೇಕಾದಾಗ ಆಹಾರ ತಿನ್ನಲು ವ್ಯವಸ್ಥೆ ಮಾಡಲಾಗಿದೆ. ಹಸುಗಳು ಮರಗಳ ಕೆಳಗೆ ವಿಶ್ರಾಂತಿ ಪಡೆಯಬಹುದು. ಯಂತ್ರ ಬಳಸಿ ಹಾಲು ಕರೆಯಲಾಗುತ್ತದೆ.

 ಉತ್ಪಾದಿಸಿದ ಹಾಲನ್ನು ಬೆಂಗಳೂರು, ಚೆನ್ನೈ, ಹೈದರಾಬಾದ್, ಮುಂಬೈ, ಪುಣೆ ಮತ್ತು ದಕ್ಷಿಣ ಭಾರತದ 50 ಶ್ರೇಣಿ-2 ಪಟ್ಟಣಗಳಲ್ಲಿನ ಮಾರುಕಟ್ಟೆಗಳಿಗೆ ಆರ್ & ಡಿ ಕೇಂದ್ರದಲ್ಲಿ ಮಾರಾಟ ಮಾಡಲಾಗುತ್ತಿದೆ. ಸಂಸ್ಕರಿಸಿ ಪ್ಯಾಕ್ ಮಾಡುವ ಮೊದಲು ಕಠಿಣ ಪರೀಕ್ಷೆಗಳಿಗೆ ಒಳಗಾಗುತ್ತದೆ.

ಇದನ್ನೂ ಓದಿ: ಸಿಎ ಓದು ಬಿಟ್ಟು, ಕೃಷಿಯಲ್ಲಿ ಯುವತಿ ಸಾಧನೆ: 30 ಗುಂಟೆಯಲ್ಲಿ ಮೆಣಸಿನಕಾಯಿ ಬೆಳೆದು, ಲಕ್ಷ ಲಕ್ಷ ಗಳಿಸುತ್ತಿರುವ ಸಾಧಕಿ

ನಾವು ಭಾರತದಲ್ಲಿ ಸಾವಯವ ಹಾಲಿನ ವರ್ಗದಲ್ಲಿ ಅತಿದೊಡ್ಡ ಮಾರಾಟಗಾರರಾಗಿದ್ದೇವೆ. 900 ರೈತರ ಮೂಲಕ ದಿನಕ್ಕೆ 85,000 ಲೀಟರ್ ಹಾಲನ್ನು ಉತ್ಪಾದಿಸುತ್ತೇವೆ. ಒಂದು ಸಾಮಾನ್ಯ ಡೈರಿಯಲ್ಲಿ, ಅದೇ ಪ್ರಮಾಣದಲ್ಲಿ ಹಾಲು ಉತ್ಪಾದಿಸಲು ಸುಮಾರು 70,000 ರೈತರು ಬೇಕಾಗುತ್ತಾರೆ. ನಾವು ವಿಭಿನ್ನ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತೇವೆ. ನಮ್ಮ ಪ್ರತಿಯೊಬ್ಬ ರೈತರು 150-200 ಲೀಟರ್ ಹಾಲು ಉತ್ಪಾದಿಸುತ್ತಾರೆ ಎಂದು ಶಶಿ ಕುಮಾರ್ ಹೇಳುತ್ತಾರೆ, ತುಮಕೂರು, ಹಾಸನ, ಮಂಡ್ಯ, ಮೈಸೂರು, ಚಿಕ್ಕಮಗಳೂರು ಮತ್ತು ಚಿತ್ರದುರ್ಗದ ರೈತರು ಹೆಚ್ಚಾಗಿ 30 ವರ್ಷ ವಯಸ್ಸಿನವರು ಎಂದು ಮಾಹಿತಿ ನೀಡಿದ್ದಾರೆ.

ಸಾವಯವ ಕೃಷಿ:

ಸಾವಯವ ಕೃಷಿಯ ಬಗ್ಗೆ ವಿವರಿಸಿದ ಕುಮಾರ್, ಇದು ಸುಸ್ಥಿರ ಮಾರ್ಗವಾಗಿದೆ ಎಂದಿದ್ದಾರೆ.  ಹಸುಗಳು ರೈತನಿಗೆ ಲಾಭ  ತರುವ ಹಾಲನ್ನು  ಕೊಡುವುದರ ಜೊತೆಗೆ ಜೈವಿಕ ಅನಿಲ ಮತ್ತು ಗೊಬ್ಬರದ ಉತ್ಪಾದನೆಗೆ ಹೋಗುವ ಸಗಣಿಯನ್ನು ಒದಗಿಸುತ್ತವೆ, ಇದು ಮಣ್ಣನ್ನು ಪುನರುತ್ಪಾದಿಸುತ್ತದೆ, ಆಹಾರ ಕೃಷಿಗೆ ದಾರಿ ಮಾಡಿಕೊಡುತ್ತದೆ. ನಮ್ಮ ವಿಧಾನವೆಂದರೆ 1-ಎಕರೆ (42,000 ಚದರ ಅಡಿ) ಜಮೀನಿನಲ್ಲಿ, ನಾವು 12,000 ಚದರ ಅಡಿಗಳನ್ನು ಕೃಷಿಗಾಗಿ ಮೀಸಲಿಟ್ಟಿದ್ದೇವೆ, ಆದರೆ 8,000 ಚದರ ಅಡಿಗಳನ್ನು ವಾಕಿಂಗ್ ಪಾತ್‌ಗಳಿಗೆ ಮೀಸಲಿಡಲಾಗಿದೆ. ಉಳಿದವು ಜೈವಿಕ ದ್ರವ್ಯರಾಶಿ ಉತ್ಪಾದನೆಗೆ, ಗೊಬ್ಬರ ತಯಾರಿಕೆಗೆ ಮೀಸಲಿಟ್ಟ ಪ್ರದೇಶವಾಗಿದೆ.

ರೈತರ ಮಾಸಿಕ ಆದಾಯವನ್ನು ಎಕರೆಗೆ 1 ಲಕ್ಷಕ್ಕೆ ಸುಧಾರಿಸುವ ಆಲೋಚನೆ ಇದೆ. ಇದಕ್ಕೆ ಸರಿಯಾದ ಬೆಳೆ ಯೋಜನೆ, ಕಡಿಮೆ ಬಂಡವಾಳ ಹೂಡಿಕೆ ಮತ್ತು ಬಾಳೆ, ಪಪ್ಪಾಯಿ, ಕರಿಬೇವು, ಸೇರಿದಂತೆ  ಆಯಾ ಪ್ರದೇಶದ ವಾತಾವರಣಕ್ಕೆ ಒಗ್ಗುವಂತ ಬೆಳೆಗಳ ಅಗತ್ಯವಿದೆ. ಗಡಿಭಾಗದ ಬೆಳೆಗಳು ಗದ್ದೆಯ ಸುತ್ತಲೂ ಜೈವಿಕ ಬೇಲಿಯಾಗಿ ಕಾರ್ಯನಿರ್ವಹಿಸುತ್ತವೆ, ಗಾಳಿಯನ್ನು ತಡೆದುಕೊಳ್ಳುತ್ತವೆ ಎಂದು ಅಕ್ಷಯಕಲ್ಪದ ವ್ಯವಸ್ಥಾಪಕ (ಪ್ರತಿಭೆ ತೊಡಗಿಸಿಕೊಳ್ಳುವಿಕೆ ಮತ್ತು ಅಭಿವೃದ್ಧಿ ಮತ್ತು ಸರಕು) ಮಂಜಪ್ಪ ಹೊನ್ನಪ್ಪನವರ್ ಹೇಳುತ್ತಾರೆ.

ಮೂಲಂಗಿ, ಬದನೆ, ಎಲೆಕೋಸು, ನುಗ್ಗೇಕಾಯಿ, ಬೆಂಡೆಕಾಯಿ, ಪುದೀನ ಮತ್ತು ಟೊಮೆಟೊ ಸೇರಿದಂತೆ ತರಕಾರಿಗಳು ಮತ್ತು ಸೊಪ್ಪಿನ  ವೈವಿದ್ಯಗಳಿವೆ, ತುಂತುರು ನೀರಾವರಿ ಮೂಲಕ ನೀರುಹಾಕಲಾಗುತ್ತದೆ. ಯಾವುದೇ ಸಮಯದಲ್ಲಿ 26 ಬೆಳೆಗಳನ್ನು ಬೆಳೆಯಲಾಗುತ್ತದೆ. ಈ ವ್ಯವಸ್ಥೆಯನ್ನು ರೈತರು ತಮ್ಮ ಜಮೀನುಗಳಲ್ಲಿಯೂ ಅಳವಡಿಸಿಕೊಂಡಿದ್ದಾರೆ.

ಆರ್ & ಡಿ ಸೆಂಟರ್‌ನಿಂದ ಸ್ವಲ್ಪ ದೂರದಲ್ಲಿ ತಿಪಟೂರು ತಾಲೂಕಿನ ಮಾವಿನಕೆರೆಯಲ್ಲಿರುವ ಸಿದ್ದಲಿಂಗಸ್ವಾಮಿ ಅವರ 10 ಎಕರೆ ಜಮೀನು ಹೊಂದಿದ್ದಾರೆ. 38 ವರ್ಷದ ಈ ಪದವೀಧರರು ತಮ್ಮ ಪತ್ನಿಯ ನೆರವಿನಿಂದ ಅಕ್ಷಯಕಲ್ಪ ಪದ್ಧತಿಯ ಆಧಾರದ ಮೇಲೆ ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಅವರ 20 ಹಸುಗಳು 185 ಲೀಟರ್ ಹಾಲು ನೀಡುತ್ತವೆ.  ದಿನಕ್ಕೆ 1,000 ಲೀಟರ್ ಗಂಜಲ ಉತ್ಪಾದಿಸುತ್ತವೆ.

ಅಕ್ಷಯಕಲ್ಪದಿಂದ ಪಡೆದ ತರಬೇತಿಯಿಂದಾಗಿ ನನ್ನ ಪ್ರಾಣಿಗಳು ರೋಗ ಮುಕ್ತವಾಗಿವೆ ಮತ್ತು ನನ್ನ ಡೈರಿ ವ್ಯವಹಾರವು ಸುಗಮವಾಗಿ ನಡೆಯುತ್ತಿದೆ ಎಂದು ಸಿದ್ದಲಿಂಗಸ್ವಾಮಿ ಹೇಳಿದ್ದಾರೆ. ಇಂದು, ನಾನು  ನುಗ್ಗೇಕಾಯಿ, ಪಪ್ಪಾಯಿ, ಬಾಳೆ ಮತ್ತು ಕರಿಮೆಣಸನ್ನು ಬೆಳೆಯುತ್ತೇನೆ, ಏಕೆಂದರೆ ನಾನು ನನ್ನದೇ ಆದ ಸ್ಲರಿಯನ್ನು ಉತ್ಪಾದಿಸಲು ಸಮರ್ಥನಾಗಿದ್ದೇನೆ - ಹೆಚ್ಚು ಅಗತ್ಯವಿರುವ ನೈಸರ್ಗಿಕ ಗೊಬ್ಬರವು ಸಿಗುತ್ತದೆ ಎಂದಿದ್ದಾರೆ.

ಇದನ್ನೂ ಓದಿ: ಕಬ್ಬನ್ ರೀಡ್ಸ್: ಪ್ರಕೃತಿ ಮಡಿಲಲ್ಲಿ ಪುಸ್ತಕ ಪ್ರೇಮಿಗಳು; ಬನ್ನಿ, ಇಷ್ಟವಾದದ್ದನ್ನು ಒಟ್ಟಿಗೆ ಕೂತು ಓದೋಣ!

6,000 ಎಕರೆ ಭೂಮಿಯನ್ನು ಕೃಷಿ ಮಾಡುತ್ತಿರುವ ರೈತರ ಜೀವನದ ಗುಣಮಟ್ಟವನ್ನು ಸುಧಾರಿಸಿದೆ, ಸಾವಯವ ಕೃಷಿಯಲ್ಲಿ ಜೇನು ಸಾಕಾಣಿಕೆ ಮತ್ತು  ಕೋಳಿ ಸಾಕಾಣಿಕೆಯಂತಹ ಸಂಬಂಧಿತ ಚಟುವಟಿಕೆಗಳು ಜೇನು ಮತ್ತು ಮೊಟ್ಟೆಗಳ ಸ್ಥಿರ ಪೂರೈಕೆ ನಡೆುತ್ತದಿ. ಇವೆಲ್ಲವನ್ನೂ ಅಕ್ಷಯಕಲ್ಪದಿಂದ ಪ್ಯಾಕ್ ಮಾಡಿ ಚಿಲ್ಲರೆಯಾಗಿ ಮಾರಾಟ ಮಾಡಲಾಗುತ್ತದೆ, ಇದು ತಮ್ಮ ಸ್ವಂತ ಜಮೀನುಗಳಲ್ಲಿ ಹಸಿರು ಹುಲ್ಲುಗಾವಲುಗಳನ್ನು ಕಂಡುಕೊಂಡ ಈ ರೈತರಿಗೆ ಆದಾಯವನ್ನು ತರುತ್ತದೆ.

ವಿವಿಧ ಚಟುವಟಿಕೆ

ಇಂದು, ಹಾಲಿನೊಂದಿಗೆ ಪ್ರಾರಂಭವಾದ ಅಕ್ಷಯಕಲ್ಪ, ಸಾವಯವ ಕೃಷಿ ವಿಧಾನಗಳನ್ನು ಬಳಸಿಕೊಂಡು  ತುಪ್ಪ, ಮೊಸರು, ಪನೀರ್ ಮತ್ತು ಇತರ ಡೈರಿ ಉತ್ಪನ್ನಗಳನ್ನು ಒಳಗೊಂಡಿದೆ. ಪಾಲಕ್, ಟೊಮ್ಯಾಟೊ, ಮೆಣಸಿನಕಾಯಿ, ಬೆಂಡೆಕಾಯಿ, ಮಾವು ಮತ್ತು ಬಾಳೆಹಣ್ಣುಗಳಂತಹ ಗ ತರಕಾರಿಗಳನ್ನು ಹೊರತುಪಡಿಸಿ, ಬಟರ್ ಬ್ರೆಡ್, ಜೇನುತುಪ್ಪ, ತೆಂಗಿನಕಾಯಿ ಮತ್ತು ಮೊಟ್ಟೆಗಳಂತಹ ಡೈರಿಯೇತರ ಉತ್ಪನ್ನಗಳನ್ನು ಮಾರಾಟ ಮಾಡುತ್ತಿದೆ. ಇವುಗಳನ್ನು ಇಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳು, ಸ್ಟೋರ್‌ಗಳು ಮತ್ತು ಆಹಾರ ವಿತರಣಾ ಅಪ್ಲಿಕೇಶನ್‌ಗಳ ಮೂಲಕ ಮಾರಾಟ ಮಾಡಲಾಗುತ್ತದೆ.

ಗ್ರಾಹಕ ಶಿಕ್ಷಣ ಕಾರ್ಯಕ್ರಮ

ಅಕ್ಷಯಕಲ್ಪ ಸಂಸ್ಥೆ ಗ್ರಾಹಕ ಶಿಕ್ಷಣ ಕಾರ್ಯಕ್ರಮವನ್ನು ನಡೆಸುತ್ತದೆ, ಅಲ್ಲಿ ಅದರ ಗ್ರಾಹಕರು ತಾನು ಕೆಲಸ ಮಾಡುವ ಫಾರ್ಮ್‌ಗಳಿಗೆ ಭೇಟಿ ನೀಡಬಹುದು ಮತ್ತು ರಾತ್ರಿಯಿಡೀ ಉಳಿಯಬಹುದು. ಅವರ ಆಹಾರವನ್ನು ಸಾವಯವವಾಗಿ ಹೇಗೆ ಉತ್ಪಾದಿಸಲಾಗುತ್ತದೆ ಎಂಬುದನ್ನು ಸ್ವತಃ ನೋಡಬಹುದು. ಉಚಿತವಾದ ಈ ಕಾರ್ಯಕ್ರಮದ ಏಕೈಕ ಉದ್ದೇಶವೆಂದರೆ ಗ್ರಾಹಕರು ತಮ್ಮ ಆಹಾರದೊಂದಿಗೆ ಸಂಪರ್ಕ ಸಾಧಿಸುವುದು. ಅಲ್ಲದೆ, ಕಂಪನಿಯು ಹಾಲಿನ ಪ್ಯಾಕೆಟ್‌ಗಳನ್ನು ಮರುಬಳಕೆ ಮಾಡುತ್ತದೆ, ಅದನ್ನು ಗ್ರಾಹಕರು ಹಿಂತಿರುಗಿಸುತ್ತಾರೆ.

ರೈತರ ಮಿತ್ರ

ಸಾವಯವ ಕೃಷಿ ಪದ್ಧತಿಯನ್ನು ಅಳವಡಿಸಿಕೊಳ್ಳಲು ಅಕ್ಷಯಕಲ್ಪ ರೈತರಿಗೆ ತರಬೇತಿ ಮತ್ತು ತಾಂತ್ರಿಕ ಬೆಂಬಲವನ್ನು ನೀಡಲಾಗುತ್ತದೆ. ಕಂಪನಿಯು ತನ್ನ ರೈತರು ಉತ್ಪಾದಿಸುವ ಹಾಲಿಗೆ ನ್ಯಾಯಯುತ ಬೆಲೆಯನ್ನು ನೀಡುತ್ತದೆ ಮತ್ತು ಅವರಿಗೆ ಮಾರುಕಟ್ಟೆ ಮಾಹಿತಿಗೆ ಪ್ರವೇಶವನ್ನು ಒದಗಿಸುತ್ತದೆ. ಅವರಿಗೆ ಸಾಲ ನೀಡಲು ಕಂಪನಿಯು ಹಣಕಾಸು ಸಂಸ್ಥೆಗಳೊಂದಿಗೆ ಟೈ-ಅಪ್‌ಗಳನ್ನು ಹೊಂದಿದೆ. ಪಶುವೈದ್ಯಕೀಯ ಚಿಕಿತ್ಸೆಗಳು, ಬೀಜ ಮತ್ತು ಸಸಿ ಸಂಗ್ರಹಣೆ, ಮೇವಿನ ಚೀಟಿಗಳು, ತೆರೆದ ಗದ್ದೆ ವ್ಯವಸ್ಥೆಯನ್ನು ಸ್ಥಾಪಿಸುವುದು, ಜೇನುಸಾಕಣೆ, ಕೋಳಿ ಸಾಕಣೆ, ತರಕಾರಿ ತೋಟಗಳಂತಹ ಸಮಗ್ರ ಕೃಷಿ ಚಟುವಟಿಕೆಗಳನ್ನು ಸ್ಥಾಪಿಸಲು ಸಹಾಯದಂತಹ ಇತರ ಸೇವೆಗಳನ್ನು ಸಹ ಒದಗಿಸುತ್ತಿದೆ.