ಸೋಫಿಯಾ: ರಷ್ಯಾದ ಟೆನಿಸ್ ರೂಪಸಿ ಹಾಗೂ ಐದು ಬಾರಿಯ ಗ್ರಾಂಡ್‍ಸ್ಲಾಮ್ ಪ್ರಶಸ್ತಿ ವಿಜೇತೆ ಮರಿಯಾ ಶರಪೋವಾ ಪ್ರೇಮ ವೈಫಲ್ಯಕ್ಕೆ ಗುರಿಯಾಗಿದ್ದಾರೆ.
ವಿಶ್ವದ ನಂ.1 ಶ್ರೀಮಂತ ಮಹಿಳಾ ಕ್ರೀಡಾ ಅಥ್ಲೀಟ್ ಜತೆಗಿನ ಮೂರು ವರ್ಷಗಳ ಗೆಳೆತನಕ್ಕೆ ಬಲ್ಗೇರಿಯಾ ಆಟಗಾರ ಗ್ರಿಗೊರ್ ಡಿಮಿಟ್ರೊವ್ ಕೊನೆ ಹಾಡಿದ್ದಾರೆ ಎಂದು ಐಬಿಎನ್‍ಲೈವ್ ವೆಬ್ ತಾಣ ವರದಿ ಮಾಡಿದೆ. ``ನಮ್ಮ ಹಾದಿ ಭಿನ್ನವಾಗಿದೆ'' ಎಂದು 24 ವರ್ಷದ ಹಾಗೂ ಎಟಿಪಿ ರ್ಯಾಂಕಿಂಗ್‍ನಲ್ಲಿ ಹದಿನಾರನೇ ಶ್ರೇಯಾಂಕಿತ ಆಟಗಾರ ಡಿಮಿಟ್ರೊವ್ ತಿಳಿಸಿದ್ದಾರೆ. ``ನಾವಿಬ್ಬರೂ ಅನ್ಯೋನ್ಯವಾಗಿದ್ದ ದಿನಗಳು ಸುಂದರವಾಗಿದ್ದವು. ಭವಿಷ್ಯದ ಆಕೆಯ ವೃತ್ತಿ ಬದುಕು ಹಾಗೂ ಜೀವನ ಸಂತಸದಿಂದ ಕೂಡಿರಲೆಂದು ಹಾರೈಸುತ್ತೇನೆ'' ಎಂದು ಡಿಮಿಟ್ರೋವ್ ಹೇಳಿದ್ದಾರೆ.
ಡೆನ್ಮಾರ್ಕ್ ನ ಕೆರೋಲಿನ್ ವೋಜ್ನಿಯಾಕಿ ಕೂಡ ತನ್ನ ಪ್ರಿಯತಮ ಹಾಗೂ ಗಾಲ್ಫ್
ಪಟು ಮೆಕಿಲ್ರಾಯಾ ಅವರಿಂದ ಉಪೇಕ್ಷೆಗೆ ಒಳಗಾಗಿದ್ದರು.
