ಪವಾರ್ ಪರ ಎಂಸಿಎ ಬ್ಯಾಟಿಂಗ್

ಮುಂಬೈ: ಬಿಸಿಸಿಐ ಆಡಳಿತ ಸುಧಾರಣೆಗಾಗಿ ನಿವೃತ್ತ ನ್ಯಾ. ಆರ್.ಎಂ. ಲೋಧಾ, ಇತ್ತೀಚೆಗೆ ಸುಪ್ರೀಂ ಕೋರ್ಟ್‍ಗೆ ಸಲ್ಲಿಸಿರುವ ಶಿಫಾರಸುಗಳಲ್ಲಿ ಬಹುತೇಕ ಅಂಶಗಳನ್ನು ವಿರೋಧಿಸಿ ಸರ್ವೋಚ್ಛ ನ್ಯಾಯಾಲಯ ದಲ್ಲಿ ಮೇಲ್ಮನವಿ ಸಲ್ಲಿಸಲು ಮುಂಬೈ ಕ್ರಿಕೆಟ್ ಸಂಸ್ಥೆ (ಎಂಸಿಎ) ನಿರ್ಧರಿಸಿದೆ ಎಂದು ಎಂಸಿಎ ಜಂಟಿ ಕಾರ್ಯದರ್ಶಿ ಪಿ.ವಿ. ಶೆಟ್ಟಿ ತಿಳಿಸಿದ್ದಾರೆ. ಲೋಧಾ ಸಮಿತಿಯ ಶಿಫಾರಸಿನಲ್ಲಿ 70 ವಯಸ್ಸು ದಾಟಿದ ವ್ಯಕ್ತಿಗಳಿಗೆ ಬಿಸಿಸಿಐ ಅಧೀನ ಕ್ರಿಕೆಟ್ ಸಂಸ್ಥೆಗಳ ಆಡಳಿತ ಮಂಡಳಿಗಳಿಂದ ಹೊರಗಿಡಬೇಕೆಂದು ಸೂಚಿಸಿದೆ. ಇದು ಜಾರಿಯಾದರೆ, 75 ವರ್ಷ ವಯಸ್ಸಿನ ಶರದ್ ಪವಾರ್‍ಗೆ ಎಂಸಿಎ ಅಧ್ಯಕ್ಷ ಪದವಿ ತಪ್ಪಲಿದೆ. ಈ ಹಿನ್ನೆಲೆ ಯಲ್ಲಿ ಎಂಸಿಎ, ಲೋಧಾ ಸಮಿತಿ ಶಿಫಾರಸು ಪ್ರಶ್ನಿಸಿ, ಶರದ್ ಪವಾರ್ ಅವರಿಗೆ ಶೇ. 101ರಷ್ಟು ಬೆಂಬಲ ನೀಡುವುದಾಗಿ ಶೆಟ್ಟಿ ತಿಳಿಸಿದ್ದಾರೆ.