ಬ್ಯೂನಸ್ ಐರಿಸ್: ಅರ್ಜೇಂಟೀನಾದ ಆನಾ ಒಬಾರಿಯೋ ಡೆ ಪೆರೇರಾ ಇರೋಲಾ ಅವರು ಜಗತ್ತಿನ ಹಿರಿಯ ಟೆನಿಸ್ ಚಾಂಪಿಯನ್ ಎಂಬ ಖ್ಯಾತಿಗೆ ಭಾಗಿಯಾಗಿದ್ದಾರೆ.
ಆನಾ ಅವರು ಗಂಡನ ಆಸೆಯಂತೆ ಮಕ್ಕಳ ಲಾಲನೆ-ಪಾಲನೆಗಾಗಿ 1949ರಲ್ಲಿ ಟೆನಿಸ್ ಆಡುವುದನ್ನು ಬಿಟ್ಟಿದ್ದರು. ಇದೀಗ ತಮ್ಮ ಇಳಿವಯಸ್ಸಿನಲ್ಲಿ ತಮ್ಮ ಚಾಂಪಿಯನ್ ಕನಸನ್ನು ಈಡೇರಿಸಿಕೊಂಡಿದ್ದಾರೆ.
ಆನಾ ತಮ್ಮ 83ನೇ ವಯಸ್ಸಿನಲ್ಲಿ ದೇಶದ ಸೀನಿಯರ್ ಮಾಸ್ಟರ್ಸ್ ಟೆನಿಸ್ ಚಾಂಪಿಯನ್ ಆಗಿದ್ದಾರೆ. ಆನಾ ಟೆನಿಸ್ ಬಿಟ್ಟ ಬಳಿಕ ಮುಂದಿನ 20 ವರ್ಷಗಳ ಕಾಲ ತಮ್ಮ 10 ಮಕ್ಕಳನ್ನು ಬೆಳೆಸುವುದರಲ್ಲೇ ಕಳೆದರು. ಈಗ ಅವರಿಗೆ 37 ಮೊಮ್ಮಕ್ಕಳಿದ್ದು ಅವರ ಸಮ್ಮುಖದಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.
1940ರ ದಶಕದಲ್ಲಿ ಸಂಪ್ರದಾಯವಾದಿ ಅರ್ಜೇಂಟೀನಾದಲ್ಲಿ ಹೆಣ್ಣಮಕ್ಕಳು ಟೆನಿಸ್ ಆಡುವುದು ಸುಲಭವಿರಲಿಲ್ಲ. 18ನೇ ವರ್ಷದಲ್ಲಿ ಮದುವೆಯಾದ ಇರೋಲಾ ಆ ಬಳಿಕ ಟೆನಿಸ್ ನಿಂದ ಹಿಂದೆ ಸರಿದಿದ್ದರು.
