ಸಿನಿಮಾ ಮತ್ತು ಟಿವಿಗಳಲ್ಲಿ ಕ್ಯಾಮೆರಾ ಕಂಡ ತಕ್ಷಣ ಪ್ರೇಕ್ಷಕರು ಟಾಟಾ ಮಾಡುವುದೇಕೆ ?

ವಿ.ಹೇಮಂತಕುಮಾರ್, ಬೆಂಗಳೂರು
    ಮರ ಸುತ್ತಿದರೆ ಮಕ್ಕಳಾಗುತ್ತವೆಯೇ ?
    - ಆಗಬಹುದು, ಆಸ್ಪತ್ರೆ, ದೇವಸ್ಥಾನ ಸುತ್ತುವುದಕ್ಕಿಂತ ಖರ್ಚು ಕಡಿಮೆ !

    ಓಂ ಚನ್ನೇಶ್ ಅರಬಿಳಚಿ ಕ್ಯಾಂಪ್, ಭದ್ರಾವತಿ
    ರಾಜಕಾರಣಿಗಳೇಕೆ ಮಠಗಳಿಗೇ ಹೆಚ್ಚು ಹಣವನ್ನು ದಾನವಾಗಿ ಕೊಡ್ತಾರೆ ?
    - ಮಠಕ್ಕೆ ಕೊಟ್ಟಿದ್ದು 'ಮತ' ಕ್ಕೆ ಕೊಟ್ಟ ಹಾಗೆ !

    ಹರಳಹಳ್ಳಿ ಪುಟ್ಟರಾಜು, ಪಾಂಡವಪುರ
    ಹಾಲು ಸಕ್ಕರೆ ಸೇರಿದರೆ ಟೀ, ಪ್ರೀತಿ ಪ್ರೇಮ ಸೇರಿದರೆ ?
    - ಅಂಡರ್ ಟ್ರೀ !

    ಕೆ.ಶ್ರೀನಿವಾಸರಾವ್, ಹರಪನಹಳ್ಳಿ
    ಸಿನಿಮಾ ಮತ್ತು ಟಿವಿಗಳಲ್ಲಿ ಕ್ಯಾಮೆರಾ ಕಂಡ ತಕ್ಷಣ ಪ್ರೇಕ್ಷಕರು ಟಾಟಾ ಮಾಡುವುದೇಕೆ ?
    - ಅದೇ ರಿಯಾಲಿಟಿ ಷೋ !

    ಪೇಂಟರ್ ಪಾಪು, ಸಂತೇಮರಹಳ್ಳಿ
    ಈ ಹುಡುಗರು ಹುಡುಗಿಯರಿಗಾಗಿ ಏನೆಲ್ಲಾ ಮಾಡುತ್ತಾರೆ ಯಾಕೆ ?
    - 'ಟ್ವೆಂಟಿ - ಟ್ವೆಂಟಿ' ಮ್ಯಾಚ್ ಆಡಬೇಕೇ ಹೊರತು, ಟ್ವೆಂಟಿ ಸಿಕ್ಸ್ಟೀ, ಟ್ವೆಂಟಿ ಸೆವೆಂಟಿ ಮ್ಯಾಚ್ ಆಡಕ್ಕಾಗುತ್ತಾ ?

    ಜಿ.ಆರ್.ಆದಿನಾರಾಯಣಮುನಿ,
    ಶ್ರೀಕೋಡಿಹಳ್ಳಿ ಮಠ
    ದೀಪದ ಕೆಳಗೆ ಕತ್ತಲೆ ಇರಲೇಬೇಕೆಂಬ ನಿಯಮವೇನೇದರೂ ಇದೆಯೇ ?
    - ಬೆತ್ತಲೆಯಾಗಿಯೂ ಇರಬಹುದು !

    ಬಾನಂದೂರು ಮಂಜುಳಾ, ದೇವದುರ್ಗ
    ಚಾಂಪಿಯನ್ ಆಟಗಾರ್ತಿಯರಿಗೆ ದೇಹ ಸೌಂದರ್ಯ ಮುಖ್ಯವಲ್ಲ ಎಂದು ಸಾನಿಯಾ ಮಿರ್ಜಾ ಹೇಳಿದ್ದಾಳಲ್ಲ?
    - ಇದೊಂದು ರೀತಿ ಓಪನ್ ಸೀಕ್ರೆಟ್ !

ಹರಳಹಳ್ಳಿ ಪುಟ್ಟರಾಜು, ಪಾಂಡವಪುರ
    ಕನಸುಗಳಿಂದ ಹೊಟ್ಟೆ ತುಂಬುವಂತಿದ್ದರೆ ಹೇಗಿರುತ್ತಿತ್ತು ?
    - ನಿದ್ರೆಯಲ್ಲಿ ಗೊರಕೆ ಬದಲು ತೇಗು ಬರ್ತಿತ್ತು !