ಲಖನೌದ ಗೌರವ್ ತನ್ನ ಕಥಕ್ ನೃತ್ಯದ ಹೊರತಾಗಿಯೂ ಸೂಫಿ ಸಿದ್ಧಾಂತದಲ್ಲಿ ಆಸಕ್ತಿ ಬೆಳೆಸಿಕೊಂಡ. ನಂತರ ಅದೇ ವಿಷಯದ ಮೇಲೆ ಪಿಎಚ್ಡಿಗೆ ತೊಡಗಿದ. ಹೆಣ್ಣು- ಗಂಡುಗಳೆಂಬ ಭೇದವನ್ನೂ ಮೀರಿದ ಅಸೀಮ ಪ್ರೇಮವನ್ನು ಕುರಿತ ಅದರ ವ್ಯಾಖ್ಯಾನ, ಧೋರಣೆಗಳಿಗೆ ಮನಸೋತಂತೆಯೇ ವಿಷಯದ ಚರ್ಚೆಗೆ ಆನ್ ಲೈನ್ನಲ್ಲಿ ಪರಿಚಿತನಾದ ವ್ಯಕ್ತಿಗೂ ಮನಸೋತ. ಆ ಪರವಶತೆ ಅಂತಿಮವಾಗಿ ಆತನಿಲ್ಲದೆ ತಾನು ಬದುಕಿರಲಾರೆ ಎಂಬ ಮಟ್ಟಕ್ಕೆ ಹೋದಾಗ, ಇಬ್ಬರೂ ಪರಸ್ಪರ ಸಂಗಾತಿಗಳಾಗಲು ನಿರ್ಧರಿಸಿದರು.