ವಿಶ್ವಾದ್ಯಂತ 251,000 ಬೈಕ್ ಗಳನ್ನು ಹಿಂಪಡೆದ ಹಾರ್ಲೆ ಡೇವಿಡ್ ಸನ್!

ಚಿಕಾಗೊ: ಅಮೆರಿಕದ ಖ್ಯಾತ ದ್ವಿಚಕ್ರ ವಾಹನ ತಯಾರಕ ಸಂಸ್ಥೆ ಹಾರ್ಲೆ ಡೇವಿಡ್ ಸನ್ ವಿಶ್ವಾದ್ಯಂತ ಸುಮಾರು 251,000 ಬೈಕ್ ಗಳನ್ನು ವಾಪಸ್ ಪಡೆದಿದ್ದು, ಬ್ರೇಕ್ ವೈಫಲ್ಯ ಇದಕ್ಕೆ ಮುಖ್ಯ ಕಾರಣ ಎನ್ನಲಾಗುತ್ತಿದೆ. 

ಸಿವಿಒ ಟೂರಿಂಗ್ ಹಾಗೂ ವಿಎಸ್ಆರ್ ಸಿ ಬೈಕ್ ಗಳನ್ನು ಹಿಂಪಡೆಯಲಾಗಿದ್ದು, ಈ ಬೈಕ್ ಗಳಲ್ಲಿ ಆಂಟಿ ಲಾಕ್ ಬ್ರೇಕ್ ಸೌಲಭ್ಯ ಒದಗಿಸಲಾಗಿತ್ತು. ಬೈಕ್ ಗಳನ್ನು ಹಿಂಪಡೆಯುತ್ತಿರುವುದರ ಬಗ್ಗೆ ಸಂಸ್ಥೆಯ ಕೇಂದ್ರ ಕಚೇರಿ ಸ್ಪಷ್ಟನೆ ನೀಡಿದ್ದು, 2008-2011 ಆವೃತ್ತಿಗಳನ್ನು ವಾಪಸ್ ಪಡೆಯಲಾಗುತ್ತಿದೆ ಎಂದು ಸಂಸ್ಥೆ ತಿಳಿಸಿದೆ. 

ಸುಮಾರು 175,000 ದೋಷಪೂರಿತ ಬೈಕ್ ಗಳನ್ನು ಅಮೆರಿಕಾದಲ್ಲಿ ಮಾರಾಟ ಮಾಡಲಾಗಿದ್ದು, ಬೈಕ್ ಗಳನ್ನು ಹಿಂಪಡೆಯುತ್ತಿರುವುದರಿಂದ ಸಂಸ್ಥೆ 29.4 ಮಿಲಿಯನ್ ಡಾಲರ್ ಹೆಚ್ಚುವರಿ ಹೊರೆ ಬೀಳಲಿದೆ ಎಂದು ಸಂಸ್ಥೆ ತಿಳಿಸಿದೆ.