ಗತಕಾಲದ ವೈಭವ ನೆನಪಿಸುವ ಜಾವಾ ಬೈಕ್ ಮತ್ತೆ ಮಾರುಕಟ್ಟೆಗೆ ಲಗ್ಗೆ; ಮೊತ್ತ, ವಿಶೇಷತೆಗಳೇನು?

ಮುಂಬೈ: ಪಡ್ಡೆ ಹುಡುಗರಲ್ಲಿ ಸಾಕಷ್ಟು ನಿರೀಕ್ಷೆ ಹುಟ್ಟು ಹಾಕಿದ್ದ ಗತಕಾಲದ ವೈಭವವನ್ನು ಮತ್ತೆ ನೆನಪಿಸುವ ಜಾವಾ ಬೈಕ್ ಗಳು ಮಾರುಕಟ್ಟೆಗೆ ಲಗ್ಗೆ ಇಟ್ಟಿವೆ.

ಮಹೀಂದ್ರಾ ಸಂಸ್ಥೆ ಬೈಕ್ ಪ್ರಿಯರ ಕನಸು ನನಸಾಗಿಸಿದ್ದು ಜಾವಾ ಬ್ರಾಂಡ್ ನ ಮೂರು ಬೈಕ್ ಗಳನ್ನು ಮಾರುಗಟ್ಟೆಗೆ ಬಿಡುಗಡೆ ಮಾಡಿದೆ. ಇನ್ನು ಜಾವಾ ಬೈಕ್ ನ ಬ್ರಾಂಡ್ ಕಾಪಾಡುವ ನಿಟ್ಟಿನಲ್ಲಿ ಸಂಸ್ಥೆಯ ಅದೇ ಲುಕ್ ಕಾಪಾಡಿಕೊಂಡಿದೆ. ಸ್ಪೀಡಾ ಮೀಟರ್, ಡೂಮ್ ನ ಕ್ಲಾಸಿಕ್ ಲುಕ್ ಹಾಗೇ ಉಳಿಸಲಾಗಿದೆ. ಟೂಲ್ ಬಾಕ್ಸ್ ಅನ್ನು ಹೊಸದಾಗಿ ಸೇರಿಸಿ ಅದರ ಅಂದ ಹೆಚ್ಚಿಸಲಾಗಿದೆ. 

ನೂತನ ಜಾವಾ ಬೈಕ್ ಗಳು ಆರು ಗೇರ್ ಗಳನ್ನು ಹೊಂದಿದ್ದು 293ಸಿಸಿ ಎಂಜಿನ್ ಹೊಂದಿದೆ. 14 ಲೀಟರ್ ಪೆಟ್ರೋಲ್ ಟ್ಯಾಂಕ್ ಇದೆ. ಜಾವಾ 42 ಮತ್ತು ಪೆರಾಕ್ ನಲ್ಲಿ ಒಂದೇ ಎಂಜಿನ್ ಬಳಕೆಯಾಗಿದ್ದರೂ, ಪೆರಾಕ್ ವೇರಿಯಂಟ್ ನಲ್ಲಿ ದೊಡ್ಡ ಬೋರ್ ಗಳನ್ನು ಬಳಸಲಾಗಿದೆ. ಈ ಬೈಕ್ 332ಸಿಸಿ ಎಂಜಿನ್ ಹೊಂದಿದೆ. 

ಜಾವಾ -1,64 ಲಕ್ಷ ರುಪಾಯಿ

ಜಾವಾ 42 - 1.55 ಲಕ್ಷ ರುಪಾಯಿ

ಜಾವಾ ಪೆರಾಕ್ - 1.89 ಲಕ್ಷ ರುಪಾಯಿ

(ಎಕ್ಸ್ ಶೋ ರೂಂ ಬೆಲೆ)