ನವದೆಹಲಿ: ದೇಶಾದ್ಯಂತ 2.9 ದಶಲಕ್ಷ ಗ್ರಾಹಕರನ್ನು ಹೊಂದಿರುವ ಮಾರುತಿ ಸುಝುಕಿ ಕಂಪನಿ, ಡಿಸೈರ್, ಎಸ್-ಕ್ರಾಸ್, ಸ್ವಿಫ್ಟ್ ಹಾಗೂ ವಿಟಾರಾ ಬ್ರೀಝಾದ ಡೀಸೆಲ್ ಕಾರುಗಳಿಗೆ 5 ವರ್ಷ ಹಾಗೂ 1 ಲಕ್ಷ ಕಿಮೀವರೆಗಿನ ವಾರಂಟಿ ಘೋಷಿಸಿದೆ.
ದೇಶಾದ್ಯಂತ 1,893 ಪಟ್ಟಣ ಹಾಗೂ ನಗರಗಳಲ್ಲಿ ಡೀಲರ್ ಗಳನ್ನು ಹೊಂದಿರುವ ಕಂಪನಿ, ಹೊಸ ಖರೀದಿದಾರರಿಗೆ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ಈ ಯೋಜನೆಯನ್ನು ಒದಗಿಸುತ್ತಿದೆ. ಈ ಕುರಿತು ಹೇಳಿಕೆ ನೀಡಿರುವ ಮಾರುತಿ ಸುಝುಕಿ ಇಂಡಿಯಾ ಲಿ. ನ (ಮಾರುಕಟ್ಟೆ ಮತ್ತು ಮಾರಾಟ) ಕಾರ್ಯನಿರ್ವಾಹಕ ನಿರ್ದೇಶಕ ಶಶಾಂಕ್ ಶ್ರೀವತ್ಸ, 'ಕೇವಲ ಒಂದು ಕಂಪನಿಯಾಗಿದ್ದ ಮಾರುತಿ ಝುಕಿಯನ್ನು ಭಾರತದ ಆಟೊಮೊಬೈಲ್ ಉದ್ಯಮವನ್ನಾಗಿ ಬದಲಾಯಿಸುವಲ್ಲಿ ಡಿಸೈರ್, ಎಸ್-ಕ್ರಾಸ್, ಸ್ವಿಫ್ಟ್ ಹಾಗೂ ವಿಟಾರಾ ಬ್ರೀಝಾ ವಾಹನಗಳ ಪಾತ್ರ ಮಹತ್ವದ್ದು. ಈ ಬ್ರಾಂಡ್ ಗಳನ್ನು ಲಕ್ಷಾಂತರ ಗ್ರಾಹಕರು ಮೆಚ್ಚಿದ್ದಾರೆ. ಇವುಗಳು ಭವಿಷ್ಯದಲ್ಲಿಯೂ ಕಂಪನಿಯ ಪ್ರಗತಿಯಲ್ಲಿ ಪ್ರಮುಖ ಪಾತ್ರ ವಹಿಸಲಿವೆ ' ಎಂದಿದ್ದಾರೆ.
Advertisement