ರಷ್ಯಾದಲ್ಲಿ ಟರ್ಕಿಯ ಮಿಲಿಯನೇರ್ ಉದ್ಯಮಿಯನ್ನು ಬಂಧಿಸಲಾಗಿದೆ ಎಂಬ ಸುದ್ದಿಯ ಹಿನ್ನೆಲೆಯಲ್ಲಿ ಟರ್ಕಿ ಈ ಪ್ರತಿಕ್ರಿಯೆ ನೀಡಿದೆ. ಈ ನಡುವೆ ಟರ್ಕಿಯ ಜೊತೆಗಿನ ವೀಸಾ ಮುಕ್ತ ಯಾನ ಒಪ್ಪಂದವನ್ನು ತಾನು ರದ್ದುಗೊಳಿಸಿರುವುದಾಗಿ ರಷ್ಯಾ ಹೇಳಿಕೊಂಡಿದೆ. ಅಲ್ಲದೆ, ಶುಕ್ರವಾರ ಹೇಳಿಕೆಯೊಂದನ್ನು ಬಿಡುಗಡೆಗೊಳಿಸಿರುವ ರಷ್ಯಾದ ಪ್ರವಾಸೋದ್ಯಮ ಇಲಾಖೆ, ಟರ್ಕಿಯಲ್ಲಿರುವ ಸುಮಾರು 9,000 ರಷ್ಯನ್ನರು ಡಿಸೆಂಬರ್ ಅಂತ್ಯದೊಳಗಾಗಿ ಸ್ವದೇಶಕ್ಕೆ ಹಿಂದಿರುಗಬೇಕೆಂದು ಆಗ್ರಹಿಸಿದೆ.
