5ನೇ ಪರಮಾಣು ಪರೀಕ್ಷೆಗೆ ಮುಂದಾದ ಉತ್ತರ ಕೊರಿಯಾ

ಪ್ಯೊಂಗ್ಯಾಂಗ್: ಸತತ 4 ಬಾರಿ ಅಣ್ವಸ್ತ್ರ ಪರೀಕ್ಷೆ ಮಾಡಿ ವಿಶ್ವ ಸಮುದಾಯದ ಕೆಂಗಣ್ಣಿಗೆ ಗುರಿಯಾಗಿದ್ದ ಉತ್ತರ ಕೋರಿಯಾ ಇದೀಗ ಐದನೇ ಬಾರಿಗೆ ಪರಮಾಣ ಪರೀಕ್ಷೆಗೆ ಮುಂದಾಗಿದೆ ಎಂದು  ಅಮೆರಿಕ ಚಿಂತಕರ ಛಾವಡಿಯ ತಜ್ಞರು ತಿಳಿಸಿದ್ದಾರೆ.

ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ನ ಪರಮಾಣು ದಾಹ ಮಿತಿ ಮೀರಿದ್ದು, ಪರಿಮಿತಿ ದಾಟಿರುವ ಉತ್ತರ ಕೊರಿಯಾ ಮತ್ತೆ ಅಣುಬಾಂಬ್ ಪರೀಕ್ಷೆಗೆ ಮುಂದಾಗಿದೆ. ಇದು ಉತ್ತರ ಕೊರಿಯಾ  ನಡೆಸುತ್ತಿರುವ 5ನೇ ಪರಮಾಣು ಪರೀಕ್ಷೆಯಾಗಿದ್ದು, ಸರ್ವಾಧಿಕಾರಿಯ ಈ ಕೃತ್ಯ ಅಮೆರಿಕ, ದಕ್ಷಿಣ ಕೊರಿಯಾ ಮುಂತಾದ ರಾಷ್ಟ್ರಗಳ ನಿದ್ದೆಗೆಡಿಸಿದೆ. ಉತ್ತರ ಕೊರಿಯಾ ರಾಜಧಾನಿ  ಪ್ಯೊಂಗ್ಯಾಂಗ್ ನಲ್ಲಿ ತನ್ನ ಪಟ್ಟಾಭಿಷೇಕ ಕಾರ್ಯಕ್ರಮದಲ್ಲಿ ಮುಳಿಗಿರುವ ಕಿಮ್ ಜಾಂಗ್ ಉನ್, ತಾನೊಬ್ಬಸರ್ವಾಧಿಕಾರಿ ಎಂದು ಘೋಷಣೆ ಮಾಡಿಕೊಳ್ಳಲ್ಲಿದ್ದಾನೆ. ಈ ವೇಳೆ ಇಡೀ ವಿಶ್ವಕ್ಕೆ  ಉತ್ತರ ಕೊರಿಯಾ ಅಣ್ವಸ್ತ್ರ ರಾಷ್ಟ್ರವೆಂದು ಬಿಂಬಿಸವ ವಿಶ್ವಸಂಸ್ಥೆ ಸೇರಿದಂತೆ ವಿಶ್ವ ಸಮುದಾಯದ ವಿರೋಧದ ಹೊರತಾಗಿಯೂ 5ನೇ ಬಾರಿಗೆ ಅಣ್ವಸ್ತ್ರ ಪರೀಕ್ಷೆಗೆ ಮುಂದಾಗಿದ್ದಾನೆ ಎಂದು  ಹೇಳಲಾಗುತ್ತಿದೆ.

ಜಾನ್ ಹಾಪ್ಕಿನ್ಸ್ ವಿಶ್ವವಿದ್ಯಾಲಯದ ಅಮೆರಿಕ-ಕೊರಿಯಾ ಸಂಸ್ಥೆಯು ಇದನ್ನು ಖಚಿತಪಡಿಸಿದ್ದು, ಸ್ಯಾಟಲೈಟ್ ಚಿತ್ರಗಳ ಮೂಲಕ ಪರಮಾಣು ಪರಿಕ್ಷಾ ಘಟಕದಲ್ಲಿ ವಾಹನಗಳ ಸಂಚಾರವನ್ನು  ಗಮನಿಸಲಾಗಿ ಈ ನಿರ್ಧಾರಕ್ಕೆ ಬರಲಾಗಿದೆ. ಭವಿಷ್ಯದಲ್ಲಿ ಮತ್ತೊಂದು ಪರಮಾಣು ಪರೀಕ್ಷೆ ನಡೆಸುವ ಉದ್ದೇಶದಿಂದಲೇ ಉತ್ತರ ಕೊರಿಯಾದ ಪರಮಾಣ ಪರೀಕ್ಷಾ ಕೇಂದ್ರದಲ್ಲಿ  ಚಟುವಟಿಕೆಗಳು ಗರಿಗೆದರಿವೆ ಎಂದು ಹೇಳಲಾಗುತ್ತಿದೆ.

ಪ್ಯೊಂಗ್ಯಾಂಗ್​ನಲ್ಲಿ 5ನೇ ಪರಮಾಣು ಪರೀಕ್ಷೆಗೆ ಉತ್ತರ ಕೊರಿಯಾ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಸಹಿ ಮಾಡಿದ್ದು,  ಜನವರಿ 6ಕ್ಕೆ ಭರ್ಜರಿಯಾದ ಮತ್ತು ಥ್ರಿಲ್ಲಿಂಗ್ ಪರಮಾಣು ಪರೀಕ್ಷೆ  ನಡೆಯಲಿದೆ. ಈ ಮೂಲಕ ಪ್ಯೊಂಗ್ಯಾಂಗ್ ಶಕ್ತಿಶಾಲಿ ಹೈಡ್ರೊಜನ್ ಬಾಂಬ್ ಹೊಂದಲಿದೆ ಎಂದು ಈ ಹಿಂದೆ ಕಿಮ್ ಜಾಂಗ್ ಉನ್ ಚುನಾವಣಾ ಪ್ರಚಾರದ ವೇಳೆ ಘೊಷಿಸಿದ್ದ. ಅದರಂತೆ ಈಗ  ಉತ್ತರ ಕೊರಿಯಾದಲ್ಲಿ ಪರಮಾಣ ಪರೀಕ್ಷೆಯ ಚಟುವಟಿಕಿಗಳು ಗರಿಗೆದರಿದ್ದು, ಯಾವುದೇ ಕ್ಷಣದಲ್ಲಿ ಉತ್ತರ ಕೊರಿಯಾ ಪರಮಾಣ ಪರೀಕ್ಷೆ ನಡೆಸಬಹುದು ಎಂದು ಶಂಕಿಸಲಾಗುತ್ತಿದೆ.