ಟ್ರಂಪ್ ಅಧ್ಯಕ್ಷರಾಗುತ್ತಿದ್ದಂತೆ ದೇಶ ತೊರೆಯುವಂತೆ ಅಮೆರಿಕ ಮುಸ್ಲಿಂಮರಿಗೆ ಬೆದರಿಕೆ ಪತ್ರ

ಕ್ಯಾಲಿಫೋರ್ನಿಯಾ: ಮುಸ್ಲಿಂರು ಸೈತಾನನ ಮಕ್ಕಳು ಎಂದು ಸಂಬೋಧಿಸಲಾಗಿರುವ ಮುಸ್ಲಿಂ ವಿರೋಧಿ ಪತ್ರಗಳು ಉತ್ತರ ಕ್ಯಾಲಿಫೋರ್ನಿಯಾ ಸ್ಯಾನ್ ಓಸೆಯಲ್ಲಿನ ಮಸೀದಿ ಮಾತ್ರವಲ್ಲದೆ ಲಾಸ್ ಏಂಜಲಿಸ್ ನ ಲಾಂಗ್ ಬೀಚ್ ಮತ್ತು ಕ್ಲಾರಾಮಾಂಟ್ ಮಸೀದಿಗಳಿಗೆ ಬಂದಿವೆ ಎಂದು ಅಮೆರಿಕನ್ ಇಸ್ಲಾಮಿಕ್ ರಿಲೇಶನ್ಸ್ ಕೌನ್ಸಿಲ್ ಹೇಳಿದೆ. 

ಬೆದರಿಕೆ ಪತ್ರದಲ್ಲಿ ಮುಸ್ಲಿಂರು ಕೊಳಕರು ಮತ್ತು ಜುಗುಪ್ಸೆ ಹುಟ್ಟಿಸುವವರು ಎಂದು ಜರಿಯಲಾಗಿದೆ. ಅಲ್ಲದೆ ಅಮೆರಿಕ ನೂತನ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಅಮೆರಿಕವನ್ನು ಶುದ್ಧೀಕರಿಸುವ ಕೆಲಸವನ್ನು ಮುಸ್ಲಿಂರಿಂದ ಆರಂಭಿಸಲಿದ್ದಾರೆ ಎಂದು ಬರೆಯಲಾಗಿದೆ. 

ಸೈತಾನನ ಮಕ್ಕಳಾದ ನೀವು ಇನ್ನು ಗಂಟು ಮೂಟೆ ಕಟ್ಟಿಕೊಂಡು ಅಮೆರಿಕದಿಂದ ಹೊರ ನಡೆಯಿರಿ ಎಂದು ತಾಕೀತು ಮಾಡಲಾಗಿರುವುದಾಗಿ ಕೌನ್ಸಿಲ್ ಹೇಳಿದೆ. ಬೆದರಿಕೆ ಪತ್ರ ಹಿನ್ನೆಲೆ ಅಮೆರಿಕನ್ ಮುಸ್ಲಿಂ ಸಂಘದ ಕ್ಯಾಲಿಫೋರ್ನಿಯ ಘಟಕವು ಮಸೀದಿಗಳಿಗೆ ಪೊಲೀಸ್ ರಕ್ಷಣೆಯನ್ನು ಕೋರಿದೆ.