ಹೆಲ್ಸಿಂಕಿ: ಸ್ಪೇನ್ ನಲ್ಲಿ ಉಗ್ರರು ಅಟ್ಟಹಾಸ ಮೆರೆದ ಬೆನ್ನಲ್ಲೇ, ಫಿನ್ ಲ್ಯಾಂಡ್ ನ ಟರ್ಕುನಲ್ಲೂ ಶುಕ್ರವಾರ ನಡೆದ ದಾಳಿಯೊಂದರಲ್ಲಿ ಸಿಕ್ಕಸಿಕ್ಕವರಿಗೆ ಯದ್ವಾತದ್ವಾ ಇರಿದ ಘಟನೆ ನಡೆದಿದ್ದು, ಘಟನೆಯಲ್ಲಿ ಇಬ್ಬರು ಮೃತಪಟ್ಟು 8 ಮಂದಿ ಗಾಯಗೊಂಡಿದ್ದಾರೆ.
ದಾಳಿಯಾಗುತ್ತಿದ್ದಂತೆಯೇ ಅಲ್ಲಿನ ಸೇನಾ ಪಡೆಗಳು ದೇಶದಾದ್ಯಂತ ಭದ್ರತೆಯನ್ನು ಹೆಚ್ಚಿಸಿದ್ದಾರೆ.
ಘಟನೆಯಲ್ಲಿ 8 ಮಂದಿ ಗಾಯಗೊಂಡಿದ್ದಾರೆ. ಇದರಲ್ಲಿ ಇಬ್ಬರು ಸಾವನ್ನಪ್ಪಿದ್ದು, ಇನ್ನುಳಿದ 6 ಮಂದಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಟರ್ಕು ಪೊಲೀಸರು ಟ್ವೀಟ್ ಮಾಡಿದ್ದಾರೆ.
ದಾಳಿಯಾದ ಕೆಲವೇ ನಿಮಿಷಗಳಲ್ಲಿ ಸ್ಥಳಕ್ಕಾಗಮಿಸಿ ಭದ್ರತಾ ಸಿಬ್ಬಂದಿಗಳು ದಾಳಿಕೋರನ ಮೇಲೆ ಗುಂಡು ಹಾರಿಸಿದರು. ಗಾಯಗೊಂಡು ಕಳೆದ ಬಿದ್ದ ದಾಳಿಕೊರನನ್ನು ನಂತರ ಬಂಧನಕ್ಕೊಳಪಡಿಸಲಾಗಿದೆ.
ದಾಳಿಕೋರನ ಕುರಿತ ಮಾಹಿತಿ ಈ ನರೆಗೂ ಬಹಿರಂಗಗೊಂಡಿಲ್ಲ. ದಾಳಿಯ ಹಿಂದಿರುವ ಉದ್ದೇಶ ಕುರಿತಂತೆ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
ದಾಳಿಕೋರ ವಿದೇಶಿ ಮೂಲದವನಾಗಿದ್ದಾನೆಂದು ಹೇಳಿರುವ ಅಧಿಕಾರಿಗಳು, ದಾಳಿಕೋರನ ಮಾಹಿತಿಯನ್ನು ಬಹಿರಂಗಗೊಳಿಸಲು ನಿರಾಕರಿಸಿದ್ದಾರೆ.