ವಾಷಿಂಗ್ಟನ್: 2018ನೇ ಸಾಲಿನ ಹೆಚ್-1ಬಿ ಉದ್ಯೋಗ ವೀಸಾಕ್ಕೆ ಅರ್ಜಿಗಳನ್ನು ಸ್ವೀಕರಿಸಲು ಅಮೆರಿಕಾ ಸರ್ಕಾರ ಆರಂಭಿಸಿದ್ದು, ಏಪ್ರಿಲ್ 3ರಿಂದ ಆರಂಭವಾಗಲಿದೆ. ಆದರೆ ಯಾವ ದಿನಾಂಕದವರೆಗೆ ಅರ್ಜಿಗಳನ್ನು ಸ್ವೀಕರಿಸಲಾಗುತ್ತದೆ ಎಂದು ಅಮೆರಿಕ ನಾಗರಿಕತ್ವ ಮತ್ತು ವಲಸೆ ಸೇವೆ ಇಲಾಖೆ ಅಧಿಕೃತ ಘೋಷಣೆ ಮಾಡಿಲ್ಲ.
ಸಾಮಾನ್ಯವಾಗಿ ಇಲಾಖೆ ಮೊದಲ 5 ದಿನಗಳ ವ್ಯವಹಾರ ದಿನಗಳಲ್ಲಿ ಅರ್ಜಿಗಳನ್ನು ಸ್ವೀಕರಿಸುತ್ತದೆ. ಕಳೆದ ಕೆಲ ವರ್ಷಗಳಿಂದ ಸುಮಾರು 80,000ಕ್ಕೂ ಅಧಿಕ ಹೆಚ್-1ಬಿ ವೀಸಾ ಕೋರಿ ಅರ್ಜಿಗಳು ಬಂದಿದ್ದವು.
ಸಾಮಾನ್ಯ ವಿಭಾಗದಲ್ಲಿ 65,000 ವೀಸಾಗಳನ್ನು ನೀಡಿದರೆ ಅಮೆರಿಕಾದ ಶಿಕ್ಷಣ ಸಂಸ್ಥೆಗಳಲ್ಲಿ ಉನ್ನತ ವ್ಯಾಸಂಗಕ್ಕೆ ತೆರಳುವ ವಿದೇಶಿ ವಿದ್ಯಾರ್ಥಿಗಳಿಗೆ 20,000 ವೀಸಾ ಜಾರಿಗೊಳಿಸಲಾಗುತ್ತದೆ.
ಸಂಶೋಧನೆ ಮತ್ತು ವಿಜ್ಞಾನ ಶಿಕ್ಷಣ ಸಂಸ್ಥೆಗಳಲ್ಲಿ ಕಲಿಯಲು ಹೋಗುವವರಿಗೆ ಹೆಚ್-1ಬಿ ವೀಸಾ ನೀಡಿಕೆಯಲ್ಲಿ ವಿನಾಯ್ತಿ ನೀಡಲಾಗುತ್ತದೆ. ಆದರೆ ತ್ವರಿತ ವೀಸಾ ನೀಡಿಕೆಗೆ ತಾತ್ಕಾಲಿಕ ತಡೆ ನೀಡಿರುವುದರಿಂದ ವೃತ್ತಿಪರರ ವೀಸಾಕ್ಕೆ ಈ ವರ್ಷ ತಡೆ ಬಿದ್ದಿದೆ.
ಅಮೆರಿಕಾದಲ್ಲಿ 2018ನೇ ಸಾಲಿನ ಆರ್ಥಿಕ ವರ್ಷ ಅಕ್ಟೋಬರ್ 1ಕ್ಕೆ ಆರಂಭವಾಗುತ್ತದೆ.
