ಆತ್ಮಹತ್ಯೆಗಾಗಿ ವ್ಯಕ್ತಿ ಹಾರಿಸಿಕೊಂಡ ಗುಂಡು ಪ್ರಿಯತಮೆಗೂ ಹೊಕ್ಕಿ ಆಕೆಯ ಪ್ರಾಣ ತೆಗೆಯಿತು!

ವಾಷಿಂಗ್ಟನ್: ಆತ್ಮಹತ್ಯೆ ಮಾಡಿಕೊಳ್ಳಲೆಂದು ಯತ್ನಿಸಿ ವ್ಯಕ್ತಿಯೊಬ್ಬ ಹಾರಿಸಿದ ಗುಂಡೊಂದು ಆತನ ಪ್ರಿಯತಮೆಗೂ ಹೊಕ್ಕಿ ಸಾವನ್ನಪ್ಪುವಂತೆ ಮಾಡಿರುವ ಘಟನೆಯೊಂದು ನಡೆದಿದೆ. 

ವಿಕ್ಟರ್ ಸಿಬ್ಸನ್ 21 ಆತ್ಮಹತ್ಯೆಗೆ ಯತ್ನಿಸಿದ ವ್ಯಕ್ತಿಯಾಗಿದ್ದು, ಬ್ರಿಟಾನಿ-ಮಾ ಹಾಗ್ (22) ಸಾವನ್ನಪ್ಪಿದ ಪ್ರಿಯತಮೆಯಾಗಿದ್ದಾಳೆ. 

ಕಳೆದ ತಿಂಗಳು ಘಟನೆ ಮಿಡ್ ಟೌನ್ ನಲ್ಲಿರುವ ಆಪಾರ್ಟ್ ಮೆಂಟ್ ವೊಂದರಲ್ಲಿ ಘಟನೆ ನಡೆದಿತ್ತು. ಜೋಡಿಗಳಿಬ್ಬರು ರಕ್ತದ ಮಡುವಿನಲ್ಲಿ ಬಿದ್ದಿರುವ ಕುರಿತು ಮಾಹಿತಿ ತಿಳಿಯುತ್ತಿದ್ದಂತೆಯೇ ಪೊಲೀಸರು ಸ್ಥಳಕ್ಕಾಗಮಿಸಿ ಇಬ್ಬರನ್ನೂ ಆಸ್ಪತ್ರೆಗೆ ದಾಖಲಿಸಿದ್ದರು. ವಿಕ್ಟರ್ ಸಿಬ್ಸನ್ ತಲೆಗೆ ಗುಂಡು ಹೋಗಿ ನಂತರ ಆತನ ಗೆಳತಿಗೂ ಗುಂಡು ಹೊಕ್ಕಿತ್ತು. 

ಚಿಕಿತ್ಸೆ ಬಳಿಕ ಆತ್ಮಹತ್ಯೆಗೆ ಯತ್ನಿಸಿದ್ದ ಸಿಬ್ಸನ್ ಪ್ರಾಣಾಪಾಯದಿಂದ ಪಾರಾಗಿದ್ದರೆ, ಚಿಕಿತ್ಸೆ ಫಲಕಾರಿಯಾಗದೆ ಹಾಗ್ ಮೃತಪಟ್ಟಿದ್ದಳು. 

ಪ್ರಕರಣ ಸಂಬಂಧ ಕಳೆದ ಭಾನುವಾರ ಆರೋಪಿ ಸಿಬ್ಸನ್ ನ್ನು ಅಧಿಕಾರಿಗಳು ನ್ಯಾಯಾಲಯದ ಮುಂದೆ ಹಾಜರು ಪಡಿಸಿದ್ದರು. ಪ್ರಕರಣ ಸಂಬಂಧ ಒಂದು ವೇಳೆ ಆರೋಪಿ ತಪ್ಪಿತಸ್ಥ ಎಂದು ಸಾಬೀತಾಗಿದ್ದೇ ಆದರೆ, ಆರೋಪಿಗೆ 99 ವರ್ಷ ಜೈಲು ಶಿಕ್ಷೆಯಾಗುವ ಸಾಧ್ಯತೆಗಳಿವೆ ಎಂದು ಹೇಳಲಾಗುತ್ತಿದೆ.