ತಮ್ಮ "ಮೇನ್ ಸ್ಟ್ರೀಮಿಂಗ್ ಇಸ್ಲಾಮಿಸ್ಟ್ಸ್: ಎ ಡೇಂಜರಸ್ ಚಾಯ್ಸ್ ಫಾರ್ ಪಾಕಿಸ್ತಾನ್ " ("Mainstreaming Islamists: A Dangerous Choice for Pakistan") ಲೇಖನದಲ್ಲಿ ಈ ಬಗ್ಗೆ ಉಲ್ಲೇಖ ಮಾಡಿರುವ ಉಪನ್ಯಾಸಕ ಮಹಮದ್ ದೈಮ್ ಫೈಜಲ್ ಅವರು "ಇಸ್ಲಾಮಿಕ್ ಉಗ್ರವಾದಿಗಳಿಗೆ ಅವಕಾಶ ಮಾಡಿಕೊಟ್ಟ ಬಳಿಕ ಪಾಕಿಸ್ತಾನದಲ್ಲಿ ನಡೆದ ಕಹಿಘಟನೆಗಳು ಇನ್ನೂ ಹಸಿರಾಗಿಯೇ ಇವೆ. ಪೇಶಾವರ ಶಾಲೆ ಮೇಲಿನ ದಾಳಿ, ಲಾಹೋರ್ ಕ್ರಿಕೆಟಿಗರ ಮೇಲಿನ ದಾಳಿ ಪಾಕಿಸ್ತಾನವನ್ನು ವಿಶ್ವ ಸಮುದಾಯದ ಮುಂದು ಮುಜುಗರಕ್ಕೀಡಾಗುವಂತೆ ಮಾಡಿದೆ. ಇನ್ನು ಕೆಲ ಸಂಘಟನೆಗಳಂತೂ ಉಗ್ರತ್ವದ ಮೂಲಕವೇ ಈ ಸಂಘಟನೆಗಳು ರಾಜಕೀಯದಲ್ಲಿ ಗುರುತಿಸಿಕೊಳ್ಳಲು ಹವಣಿಸುತ್ತಿವೆ. ಇದಕ್ಕೆ ಪಾಕಿಸ್ತಾನದಲ್ಲಿ ನಡೆದ ಕೆಲ ಚುನಾವಣೆಗಳು ಉದಾಹರಣೆಯಂತಿದ್ದು, ವೃತ್ತಿಪರ ರಾಜಕಾರಣಿಗಳಿಗಿಂತಲೂ ಉಗ್ರತ್ವದ ಮೂಲಕ ಗುರುತಿಸಿಕೊಂಡ ಕೆಲ ಮುಖಂಡರು ರಾಜಕೀಯದಲ್ಲಿ ಜಯಿಸಿರುವುದು ಪಾಕ್ ಆತಂಕ ಹೆಚ್ಚಾಗುವಂತೆ ಮಾಡಿದೆ.
