ಕಾಬೂಲ್: ದಕ್ಷಿಣ ಕಂದಹಾರ್ ನಲ್ಲಿ ತಾಲಿಬಾನ್ ಉಗ್ರರು ಹಾಗೂ ಆಫ್ಗಾನ್ ಭದ್ರತಾ ಸಿಬ್ಬಂದಿ ನಡುವೆ ನಡೆದ ಗುಂಡಿನ ದಾಳಿಯಲ್ಲಿ 12 ಆಫ್ಗಾನ್ ಭದ್ರತಾ ಸಿಬ್ಬಂದಿ ಮೃತಪಟ್ಟಿದ್ದಾರೆ.
ಮರೂಫ್ ಜಿಲ್ಲೆಯಿಂದ ತಾಲಿಬಾನ್ ಉಗ್ರರನ್ನು ಹೊರಗೆ ಓಡಿಸಲು ಭದ್ರತಾ ಸಿಬ್ಬಂದಿ ಕಾರ್ಯಾಚರಣೆ ಕೈಗೊಂಡಿತ್ತು. ಈ ಗುಂಡಿನ ದಾಳಿಯಲ್ಲಿ 12 ಮಂದಿ ಆಫ್ಗಾನ್ ಯೋಧರು ಮೃತಪಟ್ಟಿರುವುದಾಗಿ ವಕ್ತಾರ ಜಿಯಾ ದುರಾನಿ ಹೇಳಿದ್ದಾರೆ.
ಮಾರೂಫ್ ಅನ್ನು ತಾಲಿಬಾನ್ ಉಗ್ರರು ಕೈವಶ ಮಾಡಿಕೊಂಡಿದ್ದರು. ಈ ವೇಳೆ ಆಫ್ಗಾನ್ ಭದ್ರತಾ ಸಿಬ್ಬಂದಿಗಳ ಕಾರ್ಯಾಚರಣೆಯಿಂದಾಗಿ ನಾವು ಅಲ್ಲಿಂದ ಹೊರಬಂದೆವು ಎಂದು ತಾಲಿಬಾನ್ ವಕ್ತಾರ ಖಾರಿ ಯೂಸೂಫ್ ಅಹಮ್ಮದಿ ಹೇಳಿದ್ದಾರೆ.
