ಇನ್ನು 'ಕಳೆದ ಈಸ್ಟರ್ ಸಂಡೆ ದಿನದಂದು ನಡೆದಿದ್ದ ಭೀಕರ ಸರಣಿ ಬಾಂಬ್ ಸ್ಫೋಟ ಪ್ರಕರಣದಲ್ಲಿ ದಾಳಿ ನಡೆಸಿದ್ದ 8 ಮಂದಿ ದಾಳಿಕೋರರ ಗುರುತು ಪತ್ತೆ ಮಾಡಲಾಗಿದ್ದು, ದಾಳಿಕೋರರ ಪೈಕಿ ಓರ್ವ ಮಹಿಳೆ ಕೂಡ ಸೇರಿದ್ದಾರೆ. ದಾಳಿಕೋರರೆಲ್ಲರೂ ಶ್ರೀಲಂಕಾ ನಿವಾಸಿಗಳು ಎಂದು ತಿಳಿದುಬಂದಿದ್ದು, ದಾಳಿಯಲ್ಲಿ ಇಸಿಸ್ ನೊಂದಿಗೆ ಎರಡು ಸ್ಥಳೀಯ ಉಗ್ರ ಸಂಘಟನೆಗಳಾದ ನ್ಯಾಷನಲ್ ಥೌವೀದ್ ಜಮಾತ್ ಮತ್ತು ಜಮಾಯತುಲ್ ಮಿಲಾಥು ಇಬ್ರಾಹಿಂ ಸಂಘಟನೆ ಕೂಡ ಕೈ ಜೋಡಿಸಿವೆ. ಈ ಬಗ್ಗೆ ಅಧಿಕಾರಿಗಳು ಮಾಹಿತಿ ಕಲೆಹಾಕಿದ್ದಾರೆ ಎಂದು ಸಿರಿಸೇನಾ ಹೇಳಿದರು.