2020 ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಗೆ ಸ್ಪರ್ಧಿಸುತ್ತೇನೆ: ಪ್ರಥಮ ಹಿಂದೂ ಸಂಸದೆ ತುಳಸಿ ಗಬಾರ್ಡ್ ಘೋಷಣೆ

2020 ರ ಅಮೆರಿಕ ಅಧ್ಯಕ್ಷೀಯ ಚುನಾವಣೆಗೆ ಸ್ಪರ್ಧಿಸುವುದಾಗಿ ಅಮೆರಿಕಾದ ಪ್ರಥಮ ಹಿಂದೂ ಸಂಸದೆ ತುಳಸಿ ಗಬಾರ್ಡ್ ಘೋಷಣೆ ಮಾಡಿದ್ದಾರೆ. 

ಹವಾಯಿಯಲ್ಲಿ ತಮ್ಮ ಉಮೇದುವಾರಿಕೆಯನ್ನು ಘೋಷಿಸಿರುವ ತುಳಸಿ ಗಬಾರ್ಡ್, ಅದೇ ಕ್ಷೇತ್ರವನ್ನು 2013 ರಿಂದ ಪ್ರತಿನಿಧಿಸುತ್ತಿದ್ದಾರೆ. ಕಾಂಗ್ರೆಸ್ ಗೆ ಆಯ್ಕೆಯಾದ ಮೊದಲ ಹಿಂದೂ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ತುಳಸಿ ಗಬಾರ್ಡ್ ಸಾರ್ವಜನಿಕ ಸಭೆಯನ್ನುದ್ದೇಶಿಸಿ ಮಾತನಾಡಿದ್ದು, ತಾನು ತಮಗಾಗಿ ಲಾಭ ಮಾಡಿಕೊಳ್ಳುವ, ದುರಾಸೆಯ ರಾಜಕಾರಣಿಗಳ ವಿರುದ್ಧ ಸ್ಪರ್ಧಿಸಿ ಅಧ್ಯಕ್ಷೀಯ ಹುದ್ದೆಯ ಘನತೆಯನ್ನು ಎತ್ತಿ ಹಿಡಿಯುವುದಾಗಿ  ಹೇಳಿದ್ದಾರೆ. 

ಸ್ವಹಿತಾಸಕ್ತಿಗಿಂತಲೂ ಸೇವೆಗೆ ಆದ್ಯತೆ ನೀಡುವುದಕ್ಕಾಗಿ ನನ್ನೊಂದಿಗೆ ಕೈ ಜೋಡಿಸಿ ಎಂದು ತುಳಸಿ ಗಬಾರ್ಡ್ ಜನತೆಗೆ ಕರೆ ನೀಡಿದ್ದಾರೆ.