ಈಜಿಪ್ಟ್‌ನ ಮಾಜಿ ಅಧ್ಯಕ್ಷ ಹೊಸ್ನಿ ಮುಬಾರಕ್ ವಿಧಿವಶ
ಕೈರೋ: ಸುಮಾರು 30 ವರ್ಷಗಳ ಕಾಲ ಈಜಿಪ್ಟ್‌ನ ಅಧ್ಯಕ್ಷರಾಗಿದ್ದು 2011ರ ಕ್ರಾಂತಿಯ ಬಳಿಕ ಅಧ್ಯಕ್ಷ ಸ್ಥಾನ ತ್ಯಜಿಸಿದ್ದ ಈಜಿಪ್ಟ್‌ನ ಮಾಜಿ ಅಧ್ಯಕ್ಷ ಹೊಸ್ನಿ ಮುಬಾರಕ್ ನಿಧನರಾಗಿದ್ದಾರೆ. ಅವರಿಗೆ 91 ವರ್ಷ ವಯಸ್ಸಾಗಿತ್ತು.
ಮುಬಾರಕ್ ಈಜಿಪ್ಟ್‌ನ ನಾಲ್ಕನೇ ಅಧ್ಯಕ್ಷರಾಗಿ 1981ರಿಂಡ 2011ರಲ್ಲಿ ಅರಬ್ ಕ್ರಾಂತಿಯಾಗುವವರೆಗೆ ಅಧಿಕಾರದಲ್ಲಿದ್ದರು.
ದಂಗೆಯ ನಂತರ ಅವರು ವರ್ಷಗಳ ಕಾಲ ಜೈಲಿನಲ್ಲಿದ್ದರು, ಆದರೆ ಹೆಚ್ಚಿನ ಆರೋಪಗಳಿಂದ ಮುಕ್ತರಾದ ನಂತರ 2017 ರಲ್ಲಿ ಅವರನ್ನು ಬಿಡುಗಡೆ ಮಾಡಲಾಯಿತು. ಅವರ ಖು;ಲಾಸೆ ಅನೇಕ ಈಜಿಪ್ಟಿನವರನ್ನು ದಿಗ್ಭ್ರಮೆಗೊಳಿಸಿತ್ತು. ಅವರಲ್ಲಿ ಅನೇಕರು ನ್ಯಾಯಾಲಯದ ತೀರ್ಮಾನವನ್ನು ವಿರೋಧಿಸಿ ಮಧ್ಯ ಕೈರೋನಲ್ಲಿ ಪ್ರತಿಭಟನೆ ನಡೆಸಿದ್ದರು.
ವಾರದ ಹಿಂದೆ ಆಸ್ಪತ್ರೆಗೆ ದಾಖಲಾಗಿ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿದ್ದ ಮುಬಾರಕ್ ಇಂದು ನಿಧನರಾದರು ಎಂದು ರಾಷ್ಟೀಯ ದೂರದರ್ಶನ ಮಂಗಳವಾರ ವರದಿ ಮಾಡಿದೆ. ಅವರು ರೋನ ಗಾಲಾ ಮಿಲಿಟರಿ ಆಸ್ಪತ್ರೆಯಲ್ಲಿ ನಿಧನರಾದರು ಎಂದು ಅವರ ಸೋದರ ಮಾವ ಜನರಲ್ ಮೌನೀರ್ ಥಾಬೆಟ್ ಎಎಫ್‌ಪಿ ಸುದ್ದಿ ಸಂಸ್ಥೆಗೆ ತಿಳಿಸಿದರು.
ತನ್ನ ಆಡಳಿತದುದ್ದಕ್ಕೂ ಅಮೆರಿಕಾದ ಮಿತ್ರರಾಗಿದ್ದ ಮುಬಾರಕ್ ಸಶಸ್ತ್ರ ಗುಂಪುಗಳ ವಿರುದ್ಧ ಬುಲ್ವಾರ್ಕ್ ಮತ್ತು ಇಸ್ರೇಲ್ ನೊಂದಿಗಿನ ಈಜಿಪ್ಟಿನ ಶಾಂತಿಯ ರಕ್ಷಕರಾಗಿ ಕೆಲಸ ಮಾಡಿದ್ದರು. ಆದರೆ ಕೈರೋನ ಕೇಂದ್ರ ತಹ್ರಿರ್ ಚೌಕದಲ್ಲಿ ಹಾಗೂ ಇತರೆಡೆಗಳಲ್ಲಿ 2011ರಲ್ಲಿ ನಡೆದ 18 ದಿನಗಳ ಕ್ರಾಂತಿಯು ಅವರನ್ನು ಸ್ಥಾನಭ್ರಷ್ಟರನ್ನಾಗಿ ಮಾಡಿತು.
1928 ರಲ್ಲಿ ನೈಲ್ ಡೆಲ್ಟಾದ ಗ್ರಾಮೀಣ ಹಳ್ಳಿಯಲ್ಲಿ ಜನಿಸಿದ ಮುಬಾರಕ್ 1949 ರಲ್ಲಿ ಈಜಿಪ್ಟ್ ವಾಯುಪಡೆಗೆ ಸೇರಿದರು, ಮುಂದಿನ ವರ್ಷ ಪೈಲಟ್ ಆಗಿ ಪದವಿ ಪಡೆದರು. ಅವರು 1972 ರಲ್ಲಿ ಈಜಿಪ್ಟ್ ವಾಯುಪಡೆಯ ಕಮಾಂಡರ್-ಇನ್-ಚೀಫ್ ಆಗಲು ಶ್ರೇಯಾಂಕಗಳ ಮೂಲಕ ಆಯ್ಕೇಯಾಗಿದ್ದರು.
ಯೋಮ್ ಕಿಪ್ಪೂರ್ ಯುದ್ಧದ ಸಮಯದಲ್ಲಿ ಸಿನೈನಲ್ಲಿ ಇಸ್ರೇಲ್ ಪಡೆಗಳಿಗೆ ಈಜಿಪ್ಟ್ ವಾಯುಪಡೆಯು ಸಾಕಷ್ಟು ಹೊಡೆತವನ್ನು ನೀಡಿತು ಎಂಬ ವರದಿಗಳೊಂದಿಗೆಮುಬಾರಕ್ ವೀರಯೋಧರಾಗಿ ಹೊರಹೊಮ್ಮಿದ್ದರು.ಭದ್ರತೆಯ ಬಗ್ಗೆ ಅವರ ಕಠಿಣ ನಿಲುವು ಇಸ್ರೇಲ್ ಜೊತೆ ಶಾಂತಿ ಒಪ್ಪಂದವನ್ನು ಉಳಿಸಿಕೊಳ್ಳಲು ಸಹಾಯ ಮಾಡಿತು.
ಅವರ ಆಳ್ವಿಕೆಯಲ್ಲಿ, ಈಜಿಪ್ಟ್ಆಫ್ರಿಕಾದಲ್ಲಿ ಅಮೇರಿಕಾದ ಪ್ರಬಲ ಮಿತ್ರರಾಷ್ಟ್ರವಾಗಿತ್ತು.ಪ್ರತಿಯಾಗಿ 2011ರ ಅವಧಿಯಲ್ಲಿ ಆ ರಾಷ್ಟ್ರಕ್ಕೆ ವರ್ಷಕ್ಕೆ 3 1.3 ಬಿಲಿಯನ್ಮಿಲಿಟರಿ ನೆರವನ್ನು ಅಮೆರಿಕಾ ನೀಡಿತ್ತು.