ಇಸ್ರೇಲಿ ದಾಳಿಯಲ್ಲಿ ಹಮಾಸ್ ಉಪನಾಯಕನ ಹತ್ಯೆ: ಭದ್ರತಾ ಅಧಿಕಾರಿಗಳು

ಬೈರುತ್: ಇಸ್ರೇಲ್-ಹಮಾಸ್ ಯುದ್ಧ ಮುಂದುವರೆದಿದ್ದು, ಇಸ್ರೇಲಿ ದಾಳಿಯಲ್ಲಿ ಹಮಾಸ್ ಚಳವಳಿಯ ಉಪ ನಾಯಕ ಸಲೇಹ್ ಅಲ್-ಅರುರಿ ಸಾವನ್ನಪ್ಪಿದ್ದಾರೆ ಎಂದು ಇಬ್ಬರು ಭದ್ರತಾ ಅಧಿಕಾರಿಗಳು ತಿಳಿಸಿದ್ದಾರೆ.

ಮಿತ್ರ ಹೆಜ್ಬುಲ್ಲಾದ ದಕ್ಷಿಣ ಬೈರುತ್ ಭದ್ರಕೋಟೆಯಲ್ಲಿ ಮಂಗಳವಾರ ನಡೆದ ದಾಳಿಯಲ್ಲಿ ಅರುರಿ ಸಾವನ್ನಪ್ಪಿರುವುದಾಗಿ ಹಮಾಸ್ ದೃಢಪಡಿಸಿದೆ. ಇಸ್ರೇಲಿ ಡ್ರೋನ್ ದಾಳಿಯಲ್ಲಿ ಒಟ್ಟು ಆರು ಜನರನ್ನು ಬಲಿತೆಗೆದುಕೊಂಡಿದೆ ಎಂದು ಲೆಬನಾನಿನ ರಾಜ್ಯ ಮಾಧ್ಯಮ ಹೇಳಿದೆ.

ಇದನ್ನೂ ಓದಿ: ಹಮಾಸ್ ಉಗ್ರ ನನ್ನನ್ನು ರೇಪ್ ಮಾಡದಿರಲು ಅದೊಂದೇ ಕಾರಣ: ಇಸ್ರೇಲಿ ಒತ್ತೆಯಾಳು ಮಿಯಾ ಸ್ಕೆಮ್

ಈ ದಾಳಿಯು  ಗಾಜಾದಲ್ಲಿ  ಹಮಾಸ್ ಮತ್ತು ಇಸ್ರೇಲ್ ನಡುವಿನ ಸುಮಾರು ಮೂರು ತಿಂಗಳ ಯುದ್ಧದ ತೀವ್ರತೆಯನ್ನು ತೋರಿಸಿದೆ. ಹಮಾಸ್‌ನ ಪ್ರಮುಖ ಮಿಲಿಟರಿ ತಂತ್ರಜ್ಞರಲ್ಲಿ ಒಬ್ಬರಾದ ಅರುರಿಯು ಯುದ್ಧದ ಸಮಯದಲ್ಲಿ ಹತ್ಯೆಗೀಡಾದ ಚಳುವಳಿಯ ಮೊದಲ ಹಿರಿಯ ಅಧಿಕಾರಿಯಾಗಿದ್ದಾರೆ.