ಜಗತ್ತಿನಾದ್ಯಂತ ಅಲ್ಲಲ್ಲಿ ಹಿಂದೂ ದೇವಸ್ಥಾನಗಳ ಮೇಲೆ ದಾಳಿಗಳು, ಮೂರ್ತಿ ಭಂಜನ ಘಟನೆಗಳು ಆಗಾಗ್ಗೆ ನಡೆಯುತ್ತಿರುತ್ತದೆ. ಆದರೆ ಹಿಂದೂಯೇತರ ರಾಷ್ಟ್ರಗಳು ಶಿವ ದೇವಸ್ಥಾನಕ್ಕಾಗಿ ಗಡಿಯೂದಕ್ಕೂ ಸೇನೆಯನ್ನು ತಂದು ನಿಲ್ಲಿಸಿಕೊಂಡಿದ್ದು ಯುದ್ಧದ ಭೀತಿ ಶುರುವಾಗಿದೆ. ಥೈಲ್ಯಾಂಡ್ ಮತ್ತು ಕಾಂಬೋಡಿಯಾ ಇತ್ತೀಚೆಗೆ ಗಡಿಯುದ್ದಕ್ಕೂ ವಿವಾದಿತ ಪ್ರದೇಶದ ಮೇಲೆ ಹಿಂಸಾತ್ಮಕ ಘರ್ಷಣೆಗಳಲ್ಲಿ ತೊಡಗಿಕೊಂಡಿವೆ. ಇದನ್ನು ಎರಡೂ ದೇಶಗಳು ತಮ್ಮದೇ ಎಂದು ಹೇಳಿಕೊಳ್ಳುತ್ತವೆ. ಈ ಪ್ರದೇಶವು ಎರಡೂ ದೇಶಗಳಿಗೆ ಗಮನಾರ್ಹ ಸಾಂಸ್ಕೃತಿಕ ಪ್ರಾಮುಖ್ಯತೆಯನ್ನು ಹೊಂದಿದೆ. ಪ್ರಿಯಾ ವಿಹಾರ್ ಪ್ರಾಂತ್ಯದಲ್ಲಿರುವ 900 ವರ್ಷಗಳ ಹಿಂದಿನ ಪ್ರಾಚೀನ ಹಿಂದೂ ದೇವಾಲಯ ಮತ್ತು ಶುಭ ಶಿವಲಿಂಗಕ್ಕೆ ನೆಲೆಯಾಗಿದೆ.
ಮೇ 28ರ ಬೆಳಿಗ್ಗೆ ಕಾಂಬೋಡಿಯನ್ ಮತ್ತು ಥಾಯ್ ಪಡೆಗಳ ನಡುವಿನ ಗುಂಡಿನ ಚಕಮಕಿಯಲ್ಲಿ ಕಾಂಬೋಡಿಯನ್ ಸೈನಿಕನೊಬ್ಬ ಸಾವನ್ನಪ್ಪಿದ್ದಾನೆ. ಚೋಮ್ ಕಸನ್ ಜಿಲ್ಲೆಯ ಮೊರಾಕೋಟ್ ಕಮ್ಯೂನ್‌ನಲ್ಲಿರುವ ಟೆಕೊ ಮೊರಾಕೋಟ್ ಗ್ರಾಮದಲ್ಲಿ ಈ ಘಟನೆ ನಡೆದಿದೆ ಎಂದು ವರದಿಯಾಗಿದೆ. ಎರಡೂ ದೇಶಗಳ ನಡುವೆ ದೀರ್ಘಕಾಲದ ಉದ್ವಿಗ್ನತೆಯ ನಂತರ ಈ ಘರ್ಷಣೆ ಸಂಭವಿಸಿದೆ.
ಕಾಂಬೋಡಿಯಾದ ರಕ್ಷಣಾ ಸಚಿವಾಲಯದ ಪ್ರಕಾರ, "ಅಪ್ರಚೋದಿತ" ಎಂದು ಕರೆಯಲ್ಪಡುವ ಈ ಘಟನೆಯು ಥಾಯ್ ಪಡೆಗಳು ಕಾಂಬೋಡಿಯನ್ ಸೈನ್ಯವು ದೀರ್ಘಕಾಲದವರೆಗೆ ಆಕ್ರಮಿಸಿಕೊಂಡಿದ್ದ ಸ್ಥಳದ ಮೇಲೆ ದಾಳಿ ಮಾಡಿದಾಗ ಸಂಭವಿಸಿದೆ. ಕಾಂಬೋಡಿಯನ್ ಪಡೆಗಳು ಗುಂಡು ಹಾರಿಸಿದ್ದು ಅದಕ್ಕೆ ತಕ್ಕಂತೆ ಪ್ರತಿಕ್ರಿಯಿಸಲಾಗಿದೆ ಎಂದು ರಾಯಲ್ ಥಾಯ್ ಸೈನ್ಯ ಹೇಳಿಕೆಯಲ್ಲಿ ಹೇಳಿಕೊಂಡಿದೆ. ನಮ್ಮನ್ನು ನಾವು ರಕ್ಷಿಸಿಕೊಳ್ಳಲು ಮತ್ತು ಥೈಲ್ಯಾಂಡ್‌ನ ಸಾರ್ವಭೌಮತ್ವವನ್ನು ಕಾಪಾಡಲು ಪ್ರತೀಕಾರದ ಗುಂಡಿನ ದಾಳಿ ಅಗತ್ಯ. ನಾನು ಎಚ್ಚರಿಕೆಯಿಂದ ವರ್ತಿಸುವಂತೆ ಸೂಚನೆ ನೀಡಿದ್ದೇನೆ. ಕದನ ವಿರಾಮ ಜಾರಿಯಲ್ಲಿದ್ದರೂ, ಎರಡೂ ಕಡೆಯವರು ಪರಸ್ಪರ ಮುಖಾಮುಖಿಯಾಗುತ್ತಲೇ ಇದ್ದಾರೆ" ಎಂದು ದೇಶದ ರಕ್ಷಣಾ ಸಚಿವ ಫುಮ್ಥಮ್ ವೆಚಾಯಾಚೈ ಹೇಳಿದರು.
ವಿವಾದಿತ ಪ್ರದೇಶದಲ್ಲಿ ಹೊರಠಾಣೆಗಳನ್ನು ಸ್ಥಾಪಿಸುವುದರಿಂದ ಕಾಂಬೋಡಿಯನ್ ಪಡೆಗಳನ್ನು ಹಿಂದೆ ಸರಿಯುವಂತೆ ಮನವೊಲಿಸಲು ತಮ್ಮ ಪಡೆಗಳು ಪ್ರಯತ್ನಿಸುತ್ತಿದ್ದಾಗ ದಾಳಿ ನಡೆಸಲಾಯಿತು ಎಂದು ಥೈಲ್ಯಾಂಡ್ ಹೇಳಿಕೊಂಡಿದೆ. ಥಾಯ್ ಸೇನಾ ವಕ್ತಾರ ಮೇಜರ್ ಜನರಲ್ ವಿಂಥೈ ಸುವಾರಿ, "ಕಾಂಬೋಡಿಯನ್ ಸೇನೆಯು ಪರಿಸ್ಥಿತಿಯನ್ನು ತಪ್ಪಾಗಿ ಅರ್ಥೈಸಿಕೊಂಡು ಶಸ್ತ್ರಾಸ್ತ್ರಗಳನ್ನು ಬಳಸಲು ಪ್ರಾರಂಭಿಸಿತು, ಆದ್ದರಿಂದ ಥಾಯ್ ಸೇನೆಯು ಪ್ರತೀಕಾರ ತೀರಿಸಿಕೊಂಡಿತು" ಎಂದು ಹೇಳಿದರು.
Advertisement
