ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಆರೋಗ್ಯ ಕುರಿತು ಮತ್ತೊಮ್ಮೆ ಚರ್ಚೆಗಳು ಆರಂಭವಾಗಿವೆ. ಬ್ರಿಟನ್ ರಾಜ ರಾಜ ಕಿಂಗ್ ಚಾರ್ಲ್ಸ್ III ಅವರನ್ನು ವೈಟ್ ಹೌಸ್ನಲ್ಲಿ ಭೇಟಿಯಾದ ಸಂದರ್ಭದ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಟ್ರಂಪ್ ಅವರ ಎಡಗೈ ಮೇಲೆ ಕಾಣಿಸಿಕೊಂಡಿರುವ ಬಣ್ಣ ಬದಲಾವಣೆ ಈ ಚರ್ಚೆಗೆ ಕಾರಣವಾಗಿದೆ.
ಈ ಫೋಟೋಗಳಲ್ಲಿ ಟ್ರಂಪ್ ಅವರ ಎಡಗೈ ಮೇಲೆ ಕಾಣಿಸಿಕೊಂಡಿರುವ ಬಣ್ಣ ಬದಲಾವಣೆ ಮತ್ತು ಸ್ವಲ್ಪ ಊತದ ಲಕ್ಷಣಗಳು ಕಂಡು ಬಂದಿವೆ.
ಈ ಚಿತ್ರಗಳಲ್ಲಿ ಟ್ರಂಪ್ ಅವರ ಕೈ ಸ್ವಲ್ಪ ಊದಿಕೊಂಡಂತೆ ಹಾಗೂ ಬಣ್ಣ ಬದಲಾದಂತೆ ಕಾಣುತ್ತಿರುವುದು ಕಂಡು ಬಂದಿದ್ದು, ಇದು, ಅಮೆರಿಕಾ ಅಧ್ಯಕ್ಷ ಆರೋಗ್ಯ ಕುರಿತು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ.
ಕೆಲವು ವರದಿಗಳ ಪ್ರಕಾರ, ಇದು ಕೇವಲ ಸಣ್ಣ ಗಾಯ ಅಥವಾ ಔಷಧಿಗಳ ಪರಿಣಾಮವಾಗಿರಬಹುದು ಎಂದು ಹೇಳಲಾಗುತ್ತಿದ್ದರೂ, ವೈಟ್ ಹೌಸ್ನಿಂದ ಸ್ಪಷ್ಟನೆ ಇಲ್ಲದಿರುವುದು ಊಹಾಪೋಹಗಳಿಗೆ ಕಾರಣವಾಗಿದೆ.
ಟ್ರಂಪ್ ಅವರ ಕೈಯಲ್ಲಿ ಕಾಣಿಸಿಕೊಂಡಿರುವ ಇಂತಹ ಗುರುತುಗಳು ಹೊಸದಲ್ಲ. ಈ ಹಿಂದೆಯೂ ಅವರ ಬಲಗೈಯಲ್ಲಿ ಗಾಯದ ಗುರುತುಗಳು ಹಾಗೂ ಬಣ್ಣ ಬದಲಾವಣೆ ಕಾಣಿಸಿಕೊಂಡಿದ್ದು, ಅದಕ್ಕೆ “ಹೆಚ್ಚು ಹ್ಯಾಂಡ್ಶೇಕ್ ಮಾಡುವುದು” ಮತ್ತು ಆಸ್ಪಿರಿನ್ ಔಷಧ ಸೇವನೆಯೇ ಕಾರಣ ಎಂದು ಅಧಿಕೃತವಾಗಿ ಹೇಳಲಾಗಿತ್ತು.
ಆದರೆ, ಈ ಬಾರಿ ವಿಶೇಷವಾಗಿ ಎಡಗೈಯಲ್ಲೂ ಇಂತಹ ಲಕ್ಷಣಗಳು ಕಾಣಿಸಿಕೊಂಡಿರುವುದು ಮತ್ತಷ್ಟು ಪ್ರಶ್ನೆಗಳನ್ನು ಹುಟ್ಟುಹಾಕಿದೆ. ಕೆಲವು ವರದಿಗಳು ಈ ಸಂದರ್ಭದಲ್ಲಿ ಮೇಕಪ್ ಬಳಸಿ ಗುರುತುಗಳನ್ನು ಮುಚ್ಚಲು ಪ್ರಯತ್ನಿಸಲಾಗಿದೆ ಎಂದು ಸೂಚಿಸುತ್ತವೆ, ಆದರೆ ಇದಕ್ಕೂ ಅಧಿಕೃತ ದೃಢೀಕರಣ ಇಲ್ಲ.
ಸಾಮಾನ್ಯವಾಗಿ ರಾಜಕೀಯ ನಾಯಕರು ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವ ಪ್ರತಿಯೊಂದು ವಿವರವನ್ನು ಸೂಕ್ಷ್ಮವಾಗಿ ಗಮನಿಸಲಾಗುತ್ತದೆ, ಇದೀಗ ಟ್ರಂಪ್ ಅವರ ಪೋಟೋ ದೊಡ್ಡ ಚರ್ಚೆಗೆ ಕಾರಣವಾಗಿದೆ.
ಈ ಚಿತ್ರಗಳು ಹೊರಬಂದ ನಂತರ, ಟ್ರಂಪ್ ಅವರ ಆರೋಗ್ಯದ ಬಗ್ಗೆ ಹಲವು ರೀತಿಯ ಊಹಾಪೋಹಗಳು ಆರಂಭವಾಗಿವೆ.
ಕೆಲವು ಮಂದಿ ಇದು ಕೇವಲ ಸಣ್ಣ ಗಾಯವಾಗಿರಬಹುದು ಅಥವಾ ದಿನನಿತ್ಯದ ಚಟುವಟಿಕೆಗಳಿಂದ ಉಂಟಾಗುವ ಸಾಮಾನ್ಯ ಸಮಸ್ಯೆಯಾಗಿರಬಹುದು ಎಂದು ಅಭಿಪ್ರಾಯಪಟ್ಟರೆ, ಇತರರು ಇದನ್ನು ಔಷಧ ಸೇವನೆಯ ಪರಿಣಾಮ ಅಥವಾ ರಕ್ತನಾಳಗಳಿಗೆ ಸಂಬಂಧಿಸಿದ ಸಮಸ್ಯೆಗಳ ಸೂಚನೆಯಾಗಿರಬಹುದು ಎಂದು ಅಂದಾಜಿಸುತ್ತಿದ್ದಾರೆ.
ವಿಶೇಷವಾಗಿ ವಯಸ್ಸು ಹೆಚ್ಚಾದ ನಾಯಕರಲ್ಲಿ ಇಂತಹ ಲಕ್ಷಣಗಳು ಕಾಣಿಸಿಕೊಂಡರೆ, ಅವು ಸಾಮಾನ್ಯವೇ ಅಥವಾ ಗಂಭೀರವೇ ಎಂಬ ಪ್ರಶ್ನೆಗಳು ಸಹಜವಾಗಿಯೇ ಉದ್ಭವಿಸುತ್ತವೆ.
ಸಾರ್ವಜನಿಕ ಕಾರ್ಯಕ್ರಮಗಳಲ್ಲಿ ನಾಯಕರು ತಮ್ಮ ದೈಹಿಕ ರೂಪವನ್ನು ನಿರ್ವಹಿಸುವುದು ಸಾಮಾನ್ಯವಾದರೂ, ಆರೋಗ್ಯದ ವಿಷಯದಲ್ಲಿ ಪಾರದರ್ಶಕತೆ ಅಗತ್ಯವೆಂಬ ಅಭಿಪ್ರಾಯವನ್ನು ಕೆಲವರು ವ್ಯಕ್ತಪಡಿಸುತ್ತಿದ್ದಾರೆ.
ವೈಟ್ ಹೌಸ್ನಿಂದ ಈ ವಿಷಯಕ್ಕೆ ಸಂಬಂಧಿಸಿದ ಸ್ಪಷ್ಟ ಮತ್ತು ವಿವರವಾದ ಪ್ರತಿಕ್ರಿಯೆ ಇನ್ನೂ ಹೊರಬಂದಿಲ್ಲದಿರುವುದು ಈ ಚರ್ಚೆಯನ್ನು ಮತ್ತಷ್ಟು ಹೆಚ್ಚಿಸಿದೆ.
ರಾಜಕೀಯ ದೃಷ್ಟಿಯಿಂದಲೂ ಈ ಬೆಳವಣಿಗೆ ಮಹತ್ವದ್ದಾಗಿದೆ. ಹಿರಿಯ ನಾಯಕರ ಆರೋಗ್ಯ ಯಾವಾಗಲೂ ಸಾರ್ವಜನಿಕ ಚರ್ಚೆಯ ವಿಷಯವಾಗಿರುತ್ತದೆ, ವಿಶೇಷವಾಗಿ ಅವರು ಅಧಿಕಾರದಲ್ಲಿರುವಾಗ ಅಥವಾ ಪ್ರಮುಖ ರಾಜಕೀಯ ನಿರ್ಧಾರಗಳನ್ನು ಕೈಗೊಳ್ಳುತ್ತಿರುವ ಸಂದರ್ಭದಲ್ಲಿ.
ಟ್ರಂಪ್ ಅವರಂತಹ ಜಾಗತಿಕ ಮಟ್ಟದ ನಾಯಕನ ಆರೋಗ್ಯ ಸ್ಥಿತಿ, ಅವರ ಕಾರ್ಯಕ್ಷಮತೆ ಮತ್ತು ನಿರ್ಧಾರಗಳ ಮೇಲೆ ಪರಿಣಾಮ ಬೀರುತ್ತದೆಯೇ ಎಂಬ ಪ್ರಶ್ನೆಯೂ ಸಹಜವಾಗಿಯೇ ಉದ್ಭವಿಸುತ್ತದೆ.
ಒಟ್ಟಾರೆ, ಈ ಬೆಳವಣಿಗೆ ಸಣ್ಣದಾಗಿಯೇ ಕಂಡು ಬರುತ್ತಿದ್ದರೂ, ಅದು ದೊಡ್ಡ ಮಟ್ಟದ ಚರ್ಚೆಗೆ ಕಾರಣವಾಗಿದೆ. ಸ್ಪಷ್ಟ ಮಾಹಿತಿ ಲಭ್ಯವಾಗುವವರೆಗೆ ಈ ವಿಷಯದ ಕುರಿತು ಊಹಾಪೋಹಗಳು ಮುಂದುವರಿಯುವ ಸಾಧ್ಯತೆ ಇದೆ.
Advertisement
