ನ್ಯೂಯಾರ್ಕ್‌: ಲಾಗಾರ್ಡಿಯಾ ವಿಮಾನ ನಿಲ್ದಾಣದಲ್ಲಿ Air Canada Express ವಿಮಾನ ಅಗ್ನಿಶಾಮಕ ವಾಹನಕ್ಕೆ ಡಿಕ್ಕಿ, ಇಬ್ಬರಿಗೆ ಗಂಭೀರ ಗಾಯ

ಭಾನುವಾರ ರಾತ್ರಿ ಲಾಗಾರ್ಡಿಯಾ ವಿಮಾನ ನಿಲ್ದಾಣಕ್ಕೆ ಆಗಮಿಸುತ್ತಿದ್ದ ಏರ್ ಕೆನಡಾ ವಿಮಾನವು ರಕ್ಷಣಾ ಟ್ರಕ್‌ಗೆ ಡಿಕ್ಕಿ ಹೊಡೆದ ಪರಿಣಾಮ, ಕನಿಷ್ಠ ಇಬ್ಬರು ಪೋರ್ಟ್ ಅಥಾರಿಟಿ ಪೊಲೀಸರಿಗೆ ಗಂಭೀರ ಗಾಯಗಳಾಗಿವೆ ಎಂದು ಮೂಲಗಳು ತಿಳಿಸಿವೆ.

LaGuardia Airport (ಕ್ವೀನ್ಸ್) ನಲ್ಲಿ ಕಳೆದ ರಾತ್ರಿ ಸುಮಾರು 11:40ಕ್ಕೆ, ಮಾಂಟ್ರಿಯಲ್‌ನಿಂದ ಬರುತ್ತಿದ್ದ ಪ್ರಾದೇಶಿಕ ಜೆಟ್ ವಿಮಾನವು ಅಗ್ನಿಶಾಮಕ ವಾಹನಕ್ಕೆ ಡಿಕ್ಕಿ ಹೊಡೆದ ನಂತರ ರನ್‌ವೇ 4 ಕಡೆ ತುರ್ತು ವಾಹನಗಳು ದೌಡಾಯಿಸಿದವು ಎಂದು ನ್ಯೂಯಾರ್ಕ್ ಸಿಟಿ ಅಗ್ನಿಶಾಮಕ ದಳ ಮತ್ತು ಸಿಟಿಜೆನ್ ಆಪ್ ಗಳ ದೃಶ್ಯಾವಳಿಗಳು ಸೂಚಿಸುತ್ತಿವೆ.

FlightRadar24 ಪ್ರಕಾರ, ಈ ವಿಮಾನವು ಮಾಂಟ್ರಿಯಲ್‌ನಿಂದ ಪ್ರಯಾಣಿಸಿ ನ್ಯೂಯಾರ್ಕ್‌ನಲ್ಲಿ ಲ್ಯಾಂಡಿಂಗ್ ವೇಳೆ ಅಗ್ನಿಶಾಮಕ ವಾಹನಕ್ಕೆ ಡಿಕ್ಕಿ ಹೊಡೆದಿದೆ.

Federal Aviation Administration (FAA) ಪ್ರಕಟಿಸಿದ ಸೂಚನೆಯ ಪ್ರಕಾರ, ವಿಮಾನ ನಿಲ್ದಾಣದಲ್ಲಿ ಎಲ್ಲಾ ವಿಮಾನಗಳ ಹಾರಾಟಕ್ಕೆ ತಾತ್ಕಾಲಿಕ ನಿರ್ಬಂಧ ವಿಧಿಸಲಾಗಿದೆ. ಈ ನಿರ್ಬಂಧಕ್ಕೆ ಕಾರಣ ತುರ್ತು ಪರಿಸ್ಥಿತಿ ಆಗಿದ್ದು, ಇದರ ಅವಧಿ ವಿಸ್ತರಿಸುವ ಸಾಧ್ಯತೆಯೂ ಇದೆ ಎಂದು ಹೇಳಲಾಗಿದೆ.

ಪ್ಯಾಸೆಂಜರ್ ವಿಮಾನದ ಮುಂಭಾಗ ಹಾನಿಗೊಂಡಿದ್ದು, ಸ್ವಲ್ಪ ಮೇಲಕ್ಕೆ ಏರಿದ ಸ್ಥಿತಿಯಲ್ಲಿ ತಿರುಗಿರುವಂತೆ ಕಾಣಿಸಿದೆ. ಗಾಯಗೊಂಡ ಪೊಲೀಸರು ಪೋರ್ಟ್ ಅಥಾರಿಟಿ ಪೊಲೀಸ್ ಇಲಾಖೆಯ ಏರ್‌ಕ್ರಾಫ್ಟ್ ರೆಸ್ಕ್ಯೂ ಫೈರ್ ಫೈಟರ್ ಘಟಕದಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ಈ ಘಟಕವು ವಿಮಾನ ತುರ್ತು ಪರಿಸ್ಥಿತಿಗಳಿಗೆ ಪ್ರತಿಕ್ರಿಯಿಸಲು ನಿಯೋಜಿಸಲ್ಪಟ್ಟಿದೆ ಎಂದು ಮೂಲಗಳು ತಿಳಿಸಿವೆ.

ಈ ವಿಮಾನವು ಬೊಂಬಾರ್ಡಿಯರ್ ಸಿಆರ್ ಜೆ-900 ಮಾದರಿಯದ್ದಾಗಿದ್ದು, ಅದರಲ್ಲಿ ಸುಮಾರು 100 ಪ್ರಯಾಣಿಕರು ಇದ್ದರು. ಅವರ ಆರೋಗ್ಯ ಸ್ಥಿತಿಯನ್ನು ಪರಿಶೀಲಿಸಲಾಗುತ್ತಿದೆ. ಮೂಲಗಳ ಪ್ರಕಾರ, ಈ ವಿಮಾನದಲ್ಲಿ ನ್ಯೂಯಾರ್ಕ್ ಪ್ರದೇಶದ ಆರ್ಥಡಾಕ್ಸ್ ಯಹೂದಿ ಸಮುದಾಯದ ಸದಸ್ಯರ ಗುಂಪು ಪ್ರಯಾಣಿಸುತ್ತಿದ್ದರು.