ಪಾಕಿಸ್ತಾನ ಅಮೆರಿಕ-ಇರಾನ್ ಶಾಂತಿ ಮಾತುಕತೆ ನಡೆಸ್ತಿದೆ, ಜಾಗತಿಕ ವ್ಯವಹಾರಗಳಲ್ಲಿ ಭಾರತ 'ಸೈಡ್ ಪ್ಲೇಯರ್' ಆಗಿದೆ- ರಾಹುಲ್ ಗಾಂಧಿ

"ಪಾಕಿಸ್ತಾನ ಇರಾನಿಯನ್ನರು ಮತ್ತು ಅಮೆರಿಕನ್ನರೊಂದಿಗೆ ಮಾತುಕತೆಯಲ್ಲಿ ನಿರತವಾಗಿದೆ ಮತ್ತು ಭಾರತ ಕೇವಲ ನೋಡುತ್ತಿರುವ ದೇಶವಾಗಿದೆ ಎಂದು ತಿಳಿದು ನನಗೆ ಆಘಾತವಾಗಿದೆ" ಎಂದು ಗಾಂಧಿ ಹೇಳಿದರು ಎಂದು ಪಿಟಿಐ ವರದಿ ಮಾಡಿದೆ.
Rahul Gandhi
ರಾಹುಲ್ ಗಾಂಧಿonline desk
Updated on: 

ನ್ಯೂಯಾರ್ಕ್: ಕಾಂಗ್ರೆಸ್ ನಾಯಕ ಮತ್ತು ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ನರೇಂದ್ರ ಮೋದಿ ಸರ್ಕಾರದ ವಿದೇಶಾಂಗ ನೀತಿಯನ್ನು ಟೀಕಿಸಿದ್ದಾರೆ. ಭಾರತ ಜಾಗತಿಕ ವ್ಯವಹಾರಗಳಲ್ಲಿ "ಸೈಡ್ ಪ್ಲೇಯರ್" ಆಗಿ ಮಾರ್ಪಟ್ಟಿದೆ, ಆದರೆ ಪಾಕಿಸ್ತಾನ ಅಮೆರಿಕ ಮತ್ತು ಇರಾನ್ ನಡುವೆ ಶಾಂತಿ ಮಾತುಕತೆಯಲ್ಲಿ ತೊಡಗಿಸಿಕೊಂಡಿದೆ ಎಂದು ಹೇಳಿದ್ದಾರೆ.

ಬುಧವಾರ ಚಿಕಾಗೋ ವಿಶ್ವವಿದ್ಯಾಲಯದಲ್ಲಿ ವಿದ್ಯಾರ್ಥಿಗಳೊಂದಿಗೆ ನಡೆದ ಸಂವಾದದ ಸಂದರ್ಭದಲ್ಲಿ ಮಾತನಾಡಿದ ಗಾಂಧಿ, ಭಾರತ ತನ್ನ ಗಾತ್ರ ಮತ್ತು ಪ್ರಮುಖ ಶಕ್ತಿಗಳೊಂದಿಗಿನ ಸಂಬಂಧಗಳನ್ನು ಗಮನಿಸಿದರೆ, ಜಾಗತಿಕ ಸಂಭಾಷಣೆಗಳಲ್ಲಿ ಹೆಚ್ಚಿನ ಪಾತ್ರವನ್ನು ಹೊಂದಿರಬೇಕು ಎಂದು ರಾಹುಲ್ ಗಾಂಧಿ ಹೇಳಿದರು.

Rahul Gandhi
ವಿರೋಧ ಪಕ್ಷ ಚುನಾವಣೆಯಿಂದ ಹಿಂದೆ ಸರಿಯುವುದಿಲ್ಲ, ಮತದಾನ ಅಕ್ರಮಗಳನ್ನು ಬಹಿರಂಗಪಡಿಸುತ್ತೇವೆ: ಅಮೆರಿಕದಲ್ಲಿ ರಾಹುಲ್ ಗಾಂಧಿ ಹೇಳಿಕೆ

"ಪಾಕಿಸ್ತಾನ ಇರಾನಿಯನ್ನರು ಮತ್ತು ಅಮೆರಿಕನ್ನರೊಂದಿಗೆ ಮಾತುಕತೆಯಲ್ಲಿ ನಿರತವಾಗಿದೆ ಮತ್ತು ಭಾರತ ಕೇವಲ ನೋಡುತ್ತಿರುವ ದೇಶವಾಗಿದೆ ಎಂದು ತಿಳಿದು ನನಗೆ ಆಘಾತವಾಗಿದೆ" ಎಂದು ಗಾಂಧಿ ಹೇಳಿದರು ಎಂದು ಪಿಟಿಐ ವರದಿ ಮಾಡಿದೆ.

ಲೋಕಸಭೆಯಲ್ಲಿ ವಿರೋಧ ಪಕ್ಷದ ನಾಯಕರಾಗಿರುವ ರಾಹುಲ್ ಗಾಂಧಿ, ಭಾರತ ಅಮೆರಿಕ, ಇರಾನ್ ಮತ್ತು ರಷ್ಯಾದೊಂದಿಗೆ ಸಂಬಂಧವನ್ನು ಹೊಂದಿದೆ ಮತ್ತು ಅಂತರರಾಷ್ಟ್ರೀಯ ವ್ಯವಹಾರಗಳಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳಬೇಕು ಎಂದು ಹೇಳಿದರು.

ಸ್ವಾತಂತ್ರ್ಯದ ನಂತರ ಭಾರತದ ಅಲಿಪ್ತ ಚಳವಳಿಯ ನಾಯಕತ್ವವನ್ನು ಗಾಂಧಿ ನೆನಪಿಸಿಕೊಂಡರು, ಅದು ದೇಶಕ್ಕೆ ಜಾಗತಿಕವಾಗಿ ಒಂದು ನಿರ್ದಿಷ್ಟ ಸ್ಥಾನಮಾನವನ್ನು ನೀಡಿತು ಎಂದು ಹೇಳಿದರು. ಭಾರತ ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ಆ ಧ್ವನಿಯನ್ನು ಮರಳಿ ಪಡೆಯಬೇಕೆಂದು ತಾವು ಬಯಸುತ್ತಾರೆ ಎಂದು ಅವರು ಹೇಳಿದರು.

ಪ್ರಧಾನಿ ನರೇಂದ್ರ ಮೋದಿಯವರ ವಿದೇಶಾಂಗ ನೀತಿ ವಿಧಾನವನ್ನು ಅವರು ಪ್ರಶ್ನಿಸಿದರು, ಇದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರಂತಹ ಜಾಗತಿಕ ನಾಯಕರೊಂದಿಗಿನ ವೈಯಕ್ತಿಕ ಸಂಬಂಧಗಳ ಮೇಲೆ ಕೇಂದ್ರೀಕೃತವಾಗಿದೆ ಎಂದು ಅವರು ಹೇಳಿದರು.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X