ಈಕ್ವೆಡಾರ್‌ನ ಕ್ಯಾಥೊಲಿಕ್ ಪಾದ್ರಿಯೊಬ್ಬರು ಧರ್ಮೋಪದೇಶ ನೀಡುತ್ತಿದ್ದ ವೇಳೆ ಹಿಂದೆ ಗೋಡೆಯ ಮೇಲೆ ನೇತು ಹಾಕಿದ್ದ ದೊಡ್ಡ ಶಿಲುಬೆ ಇದ್ದಕ್ಕಿದ್ದಂತೆ ಅವರ ತಲೆ ಮೇಲೆ ಬಿದ್ದು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಈ ದೃತ್ಯ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ನ್ಯೂಯಾರ್ಕ್ ಪೋಸ್ಟ್‌ನಲ್ಲಿನ ವರದಿಯ ಪ್ರಕಾರ, ಮೃತ ಪಾದ್ರಿಯನ್ನು ಫಾದರ್ ಪ್ಯಾಟ್ರಿಸಿಯೊ ಆಲ್ಫ್ರೆಡೊ ಸ್ಯಾಂಚೆಜ್ ಮೊಲಿನಾರಿ ಎಂದು ಗುರುತಿಸಲಾಗಿದೆ. ಅವರು ಈಕ್ವೆಡಾರ್‌ನ ಗುವಾಕ್ವಿಲ್‌ನಲ್ಲಿರುವ ಅವರ್ ಲೇಡಿ ಆಫ್ ಪರ್ಪೆಚುಯಲ್ ಹೆಲ್ಪ್ ಚರ್ಚ್‌ನ ಪಾದ್ರಿಯಾಗಿದ್ದರು. ಗುವಾಕ್ವಿಲ್‌ನ ಆರ್ಚ್‌ಡಯೋಸಿಸ್ ಶನಿವಾರ ಅಪಘಾತದಲ್ಲಿ ಅವರು ಸಾವನ್ನಪ್ಪಿದ್ದಾರೆ ಎಂದು ಹೇಳಿದೆ.
ಘಟನೆಯ ಸಮಯದಲ್ಲಿ, ಪಾದ್ರಿ ಬಲಿಪೀಠದ ಹಿಂದೆ ಜನಸಮೂಹವನ್ನು ಉದ್ದೇಶಿಸಿ ಮಾತನಾಡುತ್ತಿದ್ದರು. ಅವರ ಹಿಂದೆ ಗೋಡೆಯ ಮೇಲೆ ನೇತು ಹಾಕಿದ್ದ ಭಾರವಾದ ಶಿಲುಬೆ ಬೀಳಲಿದೆ ಎಂದು ಅವರಿಗೆ ತಿಳಿದಿರಲಿಲ್ಲ. ಏತನ್ಮಧ್ಯೆ, ಶಿಲುಬೆ ಇದ್ದಕ್ಕಿದ್ದಂತೆ ಗೋಡೆಯಿಂದ ಮುಕ್ತವಾಗಿ ಅವರ ತಲೆಯ ಮೇಲೆ ಬಿದ್ದಿತು. ಪಾದ್ರಿ ಎದ್ದೇಳಲು ಸಾಧ್ಯವಾಗಲಿಲ್ಲ.
ಅಪಘಾತ ಸಂಭವಿಸಿದ ತಕ್ಷಣ ಚರ್ಚ್‌ನಲ್ಲಿ ಆತಂಕ ಸೃಷ್ಟಿಯಾಯಿತು. ಅಲ್ಲಿದ್ದ ಜನರು ಕಿರುಚುತ್ತಾ ಅಳಲು ಪ್ರಾರಂಭಿಸಿದರು. ಅನೇಕರು ಪಾದ್ರಿಯ ಸಹಾಯಕ್ಕೆ ಧಾವಿಸಿದ್ದು ಆಂಬ್ಯುಲೆನ್ಸ್‌ಗೆ ಕರೆ ಮಾಡಲಾಯಿತು. ರಕ್ಷಣಾ ತಂಡಗಳು ಸಹ ಸ್ಥಳಕ್ಕೆ ಬಂದವು, ಆದರೆ ಅಧಿಕಾರಿಗಳ ಪ್ರಕಾರ, ಪಾದ್ರಿ ಅದೇ ದಿನ ಸಾವನ್ನಪ್ಪಿದ್ದಾರೆ ಎಂದು ಘೋಷಿಸಲಾಯಿತು. ಪ್ರಾರ್ಥನಾ ಸೇವೆಯ ನೇರ ಪ್ರಸಾರದ ಸಮಯದಲ್ಲಿ ಘಟನೆಯ ವೀಡಿಯೊವನ್ನು ರೆಕಾರ್ಡ್ ಮಾಡಲಾಗಿದೆ, ಆದರೆ ನಂತರ ಡಿಲೀಟ್ ಮಾಡಲಾಗಿದೆ.
ಈ ಘಟನೆಯ ಅತ್ಯಂತ ದುರಂತ ಅಂಶವೆಂದರೆ ಅಪಘಾತಕ್ಕೆ ಕೆಲವೇ ಕ್ಷಣಗಳ ಮೊದಲು, ಪಾದ್ರಿ ಜೀವನ ಮತ್ತು ಸಾವಿನ ಬಗ್ಗೆ ಮಾತನಾಡುತ್ತಿದ್ದರು. ತಮ್ಮ ಧರ್ಮೋಪದೇಶದಲ್ಲಿ, ಅವರು ಯೇಸುಕ್ರಿಸ್ತನ ಮಾತುಗಳನ್ನು ಉಲ್ಲೇಖಿಸಿದರು. ಜನರು ತಮ್ಮ ಮೊಬೈಲ್ ಫೋನ್‌ಗಳ ಮೂಲಕ ಸ್ಕ್ರೋಲ್ ಮಾಡುತ್ತಾ ತಮ್ಮ ಅಮೂಲ್ಯ ಸಮಯವನ್ನು ವ್ಯರ್ಥ ಮಾಡಬೇಡಿ ಎಂದು ಒತ್ತಾಯಿಸಿದರು. ಬದಲಾಗಿ, ಅವರು ದೇವರು ಮತ್ತು ಅವರ ಪ್ರೀತಿಪಾತ್ರರೊಂದಿಗೆ ಸಮಯ ಕಳೆಯಬೇಕು ಎಂದರು. ಒಂದು ದಿನ, ನಾವೆಲ್ಲರೂ ಸಾಯುತ್ತೇವೆ ಎಂದು ಅವರು ಹೇಳಿದರು. ಕೆಲವೊಮ್ಮೆ ನಾವು ನಮ್ಮ ಸಮಯವನ್ನು ಕಳೆಯುವ ವಿಷಯಗಳು ನಾವು ದೇವರೊಂದಿಗೆ ಕಳೆಯುವ ಸಮಯದಷ್ಟು ಮುಖ್ಯವಲ್ಲ ಎಂದು ಹೇಳುತ್ತಿದ್ದಾಗಲೇ ಶಿಲುಬಿ ಬಿದ್ದಿತ್ತು.
