ಚಿನ್ನ ಮೂರು ತಿಂಗಳಲ್ಲೇ ಕನಿಷ್ಠ

ನವದೆಹಲಿ: ಸತತ ಮೂರನೆ ದಿನ ಕುಸಿತ ಕಂಡ ಚಿನ್ನ ಗುರುವಾರದ ವಹಿವಾಟಿನಲ್ಲಿ ರು.210 ನಷ್ಟ ಕಂಡು ರು.26,500ಕ್ಕೆ ವಹಿವಾಟು ಮುಗಿಸಿತು.

ಇದರೊಂದಿಗೆ ಕಳೆದ ಮೂರು ತಿಂಗಳಲ್ಲೇ ಕನಿಷ್ಠ ಮಟ್ಟಕ್ಕೆ ಚಿನ್ನದ ದರ ಕುಸಿಯಿತು. ಬೆಳ್ಳಿ ಸಹ ಮಾರಾಟ ಒತ್ತಡಕ್ಕೆ ಸಿಲುಕಿತ್ತು. ಗುರುವಾರದ ವಹಿವಾಟಿನಲ್ಲಿ ರು.300 ನಷ್ಟದೊಂದಿಗೆ ರು.35,750ಕ್ಕೆ ತಲುಪಿತು. ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿ ದರಗಳು ಇಳಿಮುಖ ಕಂಡಿದ್ದು ದೇಶೀಯ ಮಾರುಕಟ್ಟೆ ಮೇಲೂ ಪರಿಣಾಮ ಬೀರಿತು. ಇದರೊಂದಿಗೆ ಷೇರು ಮಾರುಕಟ್ಟೆಗಳು ಚೇತರಿಕೆ ಕಂಡಿದ್ದರಿಂದ ಹೂಡಿಕೆದಾರರು ಅತ್ತ ಮುಖ ಮಾಡಿದ್ದು ದರ ಇಳಿಯಲು ಮತ್ತೊಂದು ಕಾರಣವಾಗಿದೆ.