ಪೆಟ್ರೋಲ್, ಡೀಸೆಲ್ ಮೇಲಿನ ಎಕ್ಸೈಸ್ ಸುಂಕ ಏರಿಕೆ

ನವದೆಹಲಿ: ಪೆಟ್ರೋಲ್ ಮೇಲಿನ ಎಕ್ಸೈಸ್ ಸುಂಕವನ್ನು ಪ್ರತಿ ಲೀಟರ್ ಮೇಲೆ ರು.1, ಪ್ರತಿ ಲೀಟರ್ ಡೀಸೆಲ್ ಮೇಲೆ ರು.1.50ರಷ್ಟು ಹೆಚ್ಚಿಸಲಾಗಿದೆ. 

ಇದರಿಂದಾಗಿ ಕೇಂದ್ರ ಸರ್ಕಾರದ ಬೊಕ್ಕಸಕ್ಕೆ ಹೆಚ್ಚುವರಿಯಾಗಿ ರು.3.200 ಕೋಟಿ ಜಮೆಯಾಗಲಿದೆ. 1 ತಿಂಗಳ ಅವಧಿಯಲ್ಲಿ 3ನೇ ಬಾರಿ ಸುಂಕ ಏರಿಕೆಯಾಗಿದೆ. ಒಟ್ಟಾರೆಯಾಗಿ 3 ತಿಂಗಳಲ್ಲಿ ರು.17 ಸಾವಿರ ಕೋಟಿ ತೆರಿಗೆ ಸಂಗ್ರಹ ಸರ್ಕಾರದ ಗುರಿಯಾಗಿದೆ. 

ಇದರ ಜತೆಗೆ ಬ್ರಾಂಡೆಡ್ ಅಲ್ಲದ ಪೆಟ್ರೋಲ್ ಮೇಲೆಯೂ ರು.8.48 ರಿಂದ ರು.9.48, ಬ್ರಾಂಡೆಡ್ ಅಲ್ಲದ ಡೀಸೆಲ್ ಮೇಲೆ ಪ್ರತಿ ಲೀಟರ್ ಗೆ ರು.9.83ರಿಂದ ರು.11.33ಕ್ಕೆ ಹೆಚ್ಚಿಸಲಾಗಿದೆ.