ಸಿದ್ಧಾರ್ಥ್ ಗೆ 'ಅತ್ಯುತ್ತಮ ಕಿಸ್ಸರ್' ಪ್ರಮಾಣಪತ್ರ ನೀಡಿದ ಆಲಿಯಾ

ಬಾಲಿವುಡ್ ನಟಿ ನೇಹಾ ಧೂಪಿಯಾ ನಡೆಸಿಕೊಡುವ #ನೋಫಿಲ್ಟರ್ ನೇಹಾ ಜನಪ್ರಿಯ ಕಾರ್ಯಕ್ರಮ. ಈ ಕಾರ್ಯಕ್ರಮದಲ್ಲಿ ಇತ್ತೀಚಿಗೆ ಭಾಗವಹಿಸಿದ್ದ ನಟಿ ಆಲಿಯಾ ಭಟ್. 

ಸಾಮನ್ಯವಾಗಿ ವೈಯಕ್ತಿಕ ಜೀವನವನ್ನು ಹೆಚ್ಚು ಬಿಚ್ಚಿಡದ ನಟಿ, ನೇಹಾ ಧೂಪಿಯಾ ನಡೆಸಿಕೊಡುವ ಈ ಕಾರ್ಯಕ್ರಮದಲ್ಲಿ ಸಿದ್ಧಾರ್ಥ್ ಅತ್ಯುತ್ತಮ 'ಕಿಸ್ಸರ್' ಎಂದು ಹೇಳಿ ಅಚ್ಚರಿ ಮೂಡಿಸಿದ್ದಾರೆ. 

ನಟ ಅರ್ಜುನ್ ಕಪೂರ್ ಅವರು ನಿಮಗೆ 'ಅತ್ಯುತ್ತಮ ಕಿಸ್ಸರ್' ಬಿರುದು ನೀಡಿದ್ದಾರೆ ಎಂದು ನೇಹಾ ಹೇಳಿದಾಗ, ಆಲಿಯಾ ಆ ಬಿರುದನ್ನು ನಟ ಸಿದ್ಧಾರ್ಥ್ ಮಲಹೋತ್ರ ಅವರಿಗೆ ನೀಡುವುದಾಗಿ ಹೇಳಿದ್ದಾರೆ. ನಕ್ಕು ಮಾತು ಮುಂದುವರೆಸಿದ ಆಲಿಯಾ "ನೋಡಿ. ನಾನು ಅರ್ಜುನ್ ಅವರನ್ನು ಒಂದು ಸಿನೆಮಾದಲ್ಲಿ ಚುಂಬಿಸಿದ್ದೇನೆ ಅವರು ಕೂಡ ಒಳ್ಳೆಯ ಕಿಸ್ಸರ್ ಆದರೆ ಸಿದ್ ಅವರನ್ನು ನಾನು ಎರಡು ಸಿನೆಮಾಗಳಲ್ಲಿ ಚುಂಬಿಸಿದ್ದೇನೆ, ಆದುದರಿಂದ ಅವರ ಜೊತೆಗೆ ಹೆಚ್ಚು ತರಬೇತಿ ಇತ್ತು. ಆದುದರಿಂದ ಅವರಿಗೆ ಈ ಪ್ರಶಸ್ತಿ ಕೊಡುವುದು ಸೂಕ್ತ" ಎಂದಿದ್ದಾರೆ.