ಬಾಲಿವುಡ್ ನ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ಅವರಿಗೆ 82 ವರ್ಷ ತುಂಬಿದೆ. ಇತ್ತೀಚೆಗೆ ಅಕ್ಟೋಬರ್ 11ರಂದು ಅವರು ತಮ್ಮ 83ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದರು. ಈ ವಿಶೇಷ ಸಂದರ್ಭದಲ್ಲಿ ಅವರಿಗೆ ಎಲ್ಲಾ ಕಡೆಯಿಂದ ಅಭಿನಂದನೆಗಳು ಬಂದಿವೆ. ಈ ವಯಸ್ಸಿನಲ್ಲಿಯೂ ಸಹ ಬಿಗ್ ಬಿ ದಣಿವರಿಯಿಲ್ಲದೆ ಕೆಲಸ ಮಾಡುತ್ತಿದ್ದು ತಮ್ಮ ಅಭಿಮಾನಿಗಳನ್ನು ಮೆಚ್ಚಿಸುವ ಅವಕಾಶವನ್ನು ಎಂದಿಗೂ ಕಳೆದುಕೊಳ್ಳುವುದಿಲ್ಲ. ಚಲನಚಿತ್ರಗಳ ಜೊತೆಗೆ, ಅಮಿತಾಬ್ ಪ್ರಸ್ತುತ ಟಿವಿಯಲ್ಲಿ ಕೌನ್ ಬನೇಗಾ ಕರೋಡ್ ಪತಿ ಕಾರ್ಯಕ್ರಮವನ್ನು ಸಹ ನಡೆಸಿಕೊಡುತ್ತಿದ್ದಾರೆ. ಈ ಗೇಮ್ ಶೋನ ಇತ್ತೀಚಿನ ಸಂಚಿಕೆ ಮೆಗಾಸ್ಟಾರ್ ಅಭಿಮಾನಿಗಳನ್ನು ಕೆರಳಿಸಿದೆ.
ಕೆಬಿಸಿಯ ಇತ್ತೀಚಿನ ಸಂಚಿಕೆಯಲ್ಲಿ, ಗುಜರಾತ್‌ನ ಆರನೇ ತರಗತಿಯ ವಿದ್ಯಾರ್ಥಿ ಮಯಾಂಕ್ ಹಾಟ್ ಸೀಟಿನಲ್ಲಿ ಕುಳಿತಿದ್ದರು. ಮಯಾಂಕ್ ಅವರ ಉತ್ಸಾಹ ಎಷ್ಟು ತೀವ್ರವಾಗಿದೆಯೆಂದರೆ ಮೊದ ಮೊದಲು ಬಾಲಕ ನಿಜವಾಗಿಯೂ ಪ್ರತಿಭಾನ್ವಿತನಂತೆ ಕಾಣುತ್ತಾನೆ. ನಂತರ ಅಮಿತಾಬ್ ಬಚ್ಚನ್ ಕಾರ್ಯಕ್ರಮದ ನಿಯಮಗಳನ್ನು ಮಯಾಂಕ್ ಗೆ ಪರಿಚಯಿಸಲು ಮುಂದಾದಾಗ ಬಾಲಕ ನೇರವಾಗಿ ವಿಷಯಕ್ಕೆ ಬರೋಣ. ಆಟದ ನಿಯಮಗಳನ್ನು ಹೇಳಲು ಚಿಂತಿಸಬೇಡಿ, ಏಕೆಂದರೆ ನನಗೆ ಅವೆಲ್ಲವೂ ಗೊತ್ತಿದೆ" ಎಂದು ಹೇಳುತ್ತಾನೆ.
ಬಿಗ್ ಬಿ ಮಗುವಿಗೆ ಪ್ರಶ್ನೆ ಕೇಳಿದಾಗ, ಅದು ಮುಗಿಯುವ ಮೊದಲೇ ಅವನು ಉತ್ತರಿಸಲು ಪ್ರಾರಂಭಿಸುತ್ತಾನೆ. ಬಿಗ್ ಬಿ ಇದನ್ನು ಒಂದೆರಡು ಬಾರಿ ನಿರ್ಲಕ್ಷಿಸುತ್ತಾರೆ. ಅಂತಿಮವಾಗಿ 20000ದ ಐದನೇ ಪ್ರಶ್ನೆ ಬಂದಾಗ ಮಗುವಿನ ಅತಿಯಾದ ಆತ್ಮವಿಶ್ವಾಸ ಅವನನ್ನು ಆವರಿಸುತ್ತದೆ. ಬಿಗ್ ಬಿ ಮಗುವನ್ನು "ರಾಮಾಯಣದ ಮೊದಲ ಅಧ್ಯಾಯ ಯಾವುದು?" ಎಂದು ಕೇಳಿದಾಗ, ಮಗು "ಅಯೋಧ್ಯಾಕಾಂಡ" ಎಂದು ಬೇಗನೆ ಉತ್ತರಿಸುತ್ತಾನೆ. ಆದರೂ ಸರಿಯಾದ ಉತ್ತರ "ಬಾಲಕಂಡ" ಎಂದಿತ್ತು. ಈ ಉತ್ತರ ತಪ್ಪು ಎಂದು ಸಾಬೀತಾಗಿದೆ ಮತ್ತು ಅವನು ಗೆದ್ದ ಮೊತ್ತವನ್ನು ಕಳೆದುಕೊಳ್ಳುತ್ತಾನೆ. ಬಚ್ಚನ್ ಅವನನ್ನು ಪ್ರಶ್ನಿಸಿದಾಗಲೆಲ್ಲಾ ಮಗುವಿನ ನಡವಳಿಕೆಯಿಂದ ಆಶ್ಚರ್ಯಚಕಿತನಾಗಿದ್ದರೂ, ಬಚ್ಚನ್ ಏನನ್ನೂ ಹೇಳಲಿಲ್ಲ. ಬಿಗ್ ಬಿ ಮಗುವಿನೊಂದಿಗೆ ಶಾಂತವಾಗಿ ಮತ್ತು ತಾಳ್ಮೆಯಿಂದ ಸಂವಹನ ನಡೆಸುವುದನ್ನು ಮುಂದುವರೆಸಿದರು.
ಮಯಾಂಕ್ ಸೋತಾಗ ದುಃಖದ ಮುಖದಿಂದ, "ಸರ್, ನನಗೆ ಈಗ ಫೋಟೋ ಸಿಗುವುದಿಲ್ಲ" ಎಂದು ಹೇಳುತ್ತಾನೆ. ನಂತರ ಅಮಿತಾಬ್ ಬಚ್ಚನ್ ಮಗುವಿಗೆ ನಯವಾಗಿ, "ಅದು ಹಾಗಲ್ಲ. ಬಾ ಇಲ್ಲಿಗೆ ಬಂದು ಇನ್ನೊಂದು ಫೋಟೋ ತೆಗೆದುಕೊಳ್ಳಿ ಎಂದು ಹೇಳುತ್ತಾರೆ. ಇದಾದ ನಂತರ, ಬಿಗ್ ಬಿ ಮಗುವನ್ನು ಪ್ರೋತ್ಸಾಹಿ ನಂತರ ಹೋಗುವಂತೆ ಹೇಳುತ್ತಾರೆ. ಇನ್ನು ಆಟದಲ್ಲಿ ಮಾಯಾಂಕ್ ಕೇವಲ 10,000 ರೂಪಾಯಿಗಳನ್ನು ಮಾತ್ರ ಗೆದ್ದಿದ್ದನು.
ಕೋಪಗೊಂಡ ಬಿಗ್ ಬಿ ಅಭಿಮಾನಿಗಳು
ಇದರ ಕ್ಲಿಪ್ ಈಗ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಬಿಗ್ ಬಿ ಅಭಿಮಾನಿಗಳು ಮಗುವಿನ ಮೇಲೆ ತಮ್ಮ ಕೋಪವನ್ನು ವ್ಯಕ್ತಪಡಿಸುತ್ತಿದ್ದಾರೆ. ಪೋಷಕರು ಮಗುವಿಗೆ ಉತ್ತಮ ಮೌಲ್ಯಗಳನ್ನು ಕಲಿಸಬೇಕಾಗಿದೆ ಎಂದು ಹೇಳುತ್ತಾರೆ. ಮಗುವಿನ ಪೋಷಕರು ಸಹ ಇದರ ಬಗ್ಗೆ ಗಮನ ಹರಿಸಬೇಕು. ಅನೇಕ ಬಳಕೆದಾರರು ಮಗುವಿನ ನಡವಳಿಕೆಯ ಬಗ್ಗೆ ತಮ್ಮ ಕೋಪವನ್ನು ವ್ಯಕ್ತಪಡಿಸಿದ್ದಾರೆ. ಅದೇ ಸಮಯದಲ್ಲಿ, ಬಿಗ್ ಬಿ ತಮ್ಮ ಶಾಂತತೆಯನ್ನು ಕಾಯ್ದುಕೊಂಡು ಮಗುವಿನೊಂದಿಗೆ ಇನ್ನೂ ಸಭ್ಯವಾಗಿ ಮಾತನಾಡಿದ್ದಕ್ಕಾಗಿ ಪ್ರಶಂಸಿಸಲಾಗಿದೆ.
Advertisement
