'ಬದುಕುಳಿದೆ': ಬಂಗಲೆ ಮೇಲೆ ಗುಂಡಿನ ದಾಳಿಗೆ ಸಂಚು ರೂಪಿಸಿದ್ದ ಬೆನ್ನಲ್ಲೇ ರಸಹ್ಯ ಪೋಸ್ಟ್ ಹಂಚಿಕೊಂಡ ಅಮಿತಾಬ್ ಬಚ್ಚನ್!

1984ರ ಸಿಖ್ ವಿರೋಧಿ ಗಲಭೆಗಳಿಗೆ ಸಂಬಂಧಿಸಿದಂತೆ ಅಮಿತಾಬ್ ಬಚ್ಚನ್ ನೀಡಿದ್ದಾರೆ ಎನ್ನಲಾದ ಹೇಳಿಕೆಗಳ ಕಾರಣದಿಂದಾಗಿ, ಈ ಇಬ್ಬರು ಅವರ ಮೇಲೆ ದಾಳಿ ಮಾಡಲು ಯೋಜಿಸಿದ್ದರು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.
Amitabh Bachchan
ಅಮಿತಾಬ್ ಬಚ್ಚನ್
Updated on: 

ನವದೆಹಲಿ: ಮುಂಬೈನಲ್ಲಿರುವ ಅಮಿತಾಬ್ ಬಚ್ಚನ್ ಅವರ ಜಲ್ಸಾ ಬಂಗಲೆಯ ಹೊರಗೆ ಗುಂಡಿನ ದಾಳಿ ನಡೆಸಲು ರೂಪಿಸಲಾಗಿದ್ದ ಸಂಚನ್ನು ದೆಹಲಿ ಪೊಲೀಸರು ವಿಫಲಗೊಳಿಸಿದ್ದಾರೆ. ದೆಹಲಿ ಪೊಲೀಸ್ ವಿಶೇಷ ದಳವು ಲಾರೆನ್ಸ್ ಬಿಷ್ಣೋಯ್ ಗ್ಯಾಂಗ್‌ನ ಇಬ್ಬರು ಶೂಟರ್‌ಗಳನ್ನು - ಜಲಂಧರ್ ನಿವಾಸಿ ವಿಕಾಸ್ ಠಾಕೂರ್ ಅಲಿಯಾಸ್ ವಿಕ್ಕಿ ಮತ್ತು ಪಂಜಾಬ್‌ನ ತರಣ್ ತರಣ್ ನಿವಾಸಿ ದೀಪಕ್ ಸಿಂಗ್ ಅಲಿಯಾಸ್ ದೀಪ್ ಅವರನ್ನು ಶನಿವಾರ ಬಂಧಿಸಿದ್ದಾರೆ.

1984ರ ಸಿಖ್ ವಿರೋಧಿ ಗಲಭೆಗಳಿಗೆ ಸಂಬಂಧಿಸಿದಂತೆ ಅಮಿತಾಬ್ ಬಚ್ಚನ್ ನೀಡಿದ್ದಾರೆ ಎನ್ನಲಾದ ಹೇಳಿಕೆಗಳ ಕಾರಣದಿಂದಾಗಿ, ಈ ಇಬ್ಬರು ಅವರ ಮೇಲೆ ದಾಳಿ ಮಾಡಲು ಯೋಜಿಸಿದ್ದರು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ನವೆಂಬರ್ 15 ಮತ್ತು 16ರ ಮಧ್ಯರಾತ್ರಿ ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್‌ ಮಾಡಿರುವ ಅಮಿತಾಬ್ ಬಚ್ಚನ್, ಯಾವುದೇ ಸಂದರ್ಭವನ್ನು ಉಲ್ಲೇಖಿಸದೆಯೇ 'ಬಚ್ ಗಯೇ (ಬದುಕುಳಿದಿದ್ದಾರೆ)' ಎಂದು ಬರೆದಿದ್ದಾರೆ.

ಇಬ್ಬರು ಪ್ರಮುಖ ಶೂಟರ್‌ಗಳ ಬಂಧನದೊಂದಿಗೆ, ದೆಹಲಿ ಪೊಲೀಸ್ ವಿಶೇಷ ದಳವು ಎರಡು ಪ್ರಮುಖ ಸಂಚುಗಳನ್ನು ವಿಫಲಗೊಳಿಸಿತು: ಒಂದು ಸುಲಿಗೆ ಮಾಡುವ ಉದ್ದೇಶದಿಂದ ದೆಹಲಿ ಮೂಲದ ಉದ್ಯಮಿಯ ಮೇಲೆ ಗುಂಡು ಹಾರಿಸುವ ಪ್ರಯತ್ನ ಮತ್ತು ಇನ್ನೊಂದು ಮುಂಬೈನಲ್ಲಿ ಬಾಲಿವುಡ್ ಸೂಪರ್‌ಸ್ಟಾರ್ ಮೇಲೆ ದಾಳಿಗೆ ಸಂಚು ರೂಪಿಸಿದ್ದು.

Amitabh Bachchan
ಅಮಿತಾಬ್ ಬಚ್ಚನ್ ನಿವಾಸದ ಹೊರಗೆ ಗುಂಡಿನ ದಾಳಿಗೆ ಇದೇ ಕಾರಣ! ಬಂಧಿತ ಶೂಟರ್ ನಿಂದ ಮಹತ್ವದ ಸಂಚು ಬಯಲು

ವಿಕ್ಕಿ ಎಂದೂ ಕರೆಯಲ್ಪಡುವ ವಿಕಾಸ್ ಠಾಕೂರ್‌ಗೆ ದೆಹಲಿಯಲ್ಲಿ ಉದ್ಯಮಿ ಮೇಲೆ ಗುಂಡಿನ ದಾಳಿ ನಡೆಸುವ ಕೆಲಸವನ್ನು ವಹಿಸಲಾಗಿತ್ತು, ಇದಕ್ಕಾಗಿ ಆತ ಮುಂಬೈನಿಂದ ಪ್ರಯಾಣಿಸಿದ್ದನು. ಯೋಜನೆಯ ಪ್ರಕಾರ, ದೀಪಕ್ ಸಿಂಗ್ ಅಲಿಯಾಸ್ ದೀಪ್ ನಂತರ ಅವರೊಂದಿಗೆ ಸೇರಲು ಉದ್ದೇಶಿಸಲಾಗಿತ್ತು.

ಸುಳಿವು ಆಧರಿಸಿ, ದೆಹಲಿ ಪೊಲೀಸ್ ವಿಶೇಷ ದಳವು ವಿಕಾಸ್‌ನನ್ನು ಬಂಧಿಸಿತು ಮತ್ತು ನಂತರ ಮುಂಬೈನಲ್ಲಿ ತಲೆಮರೆಸಿಕೊಂಡಿದ್ದ ದೀಪಕ್‌ನನ್ನು ಬಂಧಿಸಿತು ಮತ್ತು ಬಾಲಿವುಡ್ ನಟನ ಮೇಲಿನ ದಾಳಿಯನ್ನು ಕಾರ್ಯಗತಗೊಳಿಸುವ ಕಾರ್ಯವನ್ನು ಅವನಿಗೆ ವಹಿಸಲಾಗಿತ್ತು ಎಂದು ವರದಿಯಾಗಿದೆ.

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X