ಬೆಂಗಳೂರು: ಯುವ ನಿರ್ದೇಶಕ ಬಿ ಎಂ ಗಿರಿರಾಜ್ ನಿರ್ದೇಶನದ ಮೈತ್ರಿ ಕರ್ನಾಟಕದಲ್ಲಿ ೫೦ ದಿನಗಳನ್ನು ದಾಟುತ್ತಿದೆ. ಈಗ ಇದೆ ಸಿನೆಮಾದ ಮಲಯಾಳಮ್ ಅವತರಿಣಿಕೆ 'ಮೈ ಹೀರೋ ಮೈತ್ರಿ'ಯಾಗಿ ಬಿಡುಗಡೆಗೆ ಸಿದ್ಧವಾಗುತ್ತಿದೆ. ಸಿನೆಮಾದ ಸೆನ್ಸಾರ್ ಗಾಗಿ ನಿರ್ಮಾಪಕ ಎನ್ ಎಸ್ ರಾಜಕುಮಾರ್ ಮತ್ತು ಚಿತ್ರತಂಡ ತ್ರಿವೆಂಡ್ರಮ್ ಕಡೆಗೆ ಮುಖ ಮಾಡಿದೆ. "ಈ ಸಿನೆಮಾವನ್ನು ಏಪ್ರಿಲ್ ೨೪ ರಂದು ಬಿಡುಗಡೆ ಮಾಡಲು ಪ್ರಯತ್ನಿಸುತ್ತಿದ್ದೇವೆ, ಅದು ತಪ್ಪಿದರೆ ಮೇ ೧ರಂದು ಖಂಡಿತಾ ಬಿಡುಗಡೆಯಾಗಲಿದೆ" ಎನ್ನುತ್ತಾರೆ ನಿರ್ಮಾಪಕ ರಾಜಕುಮಾರ್.
ದ್ವಿಭಾಷಾ ಚಲನಚಿತ್ರ ಮೈತ್ರಿಯ ಮೂಲಕ ಪುನೀತ್ ರಾಜಕುಮಾರ್ ಮಲಯಾಳಮ್ ನಲ್ಲಿ ಪಾದಾರ್ಪಣೆ ಮಾಡಲಿದ್ದಾರೆ. "ಅತಿಥಿ ಪಾತ್ರಗಳಲ್ಲಿ ಕೆಲವು ಬದಲಾವಣೆಗಳಿವೆ. ಉಳಿದಂತೆ ಇನ್ನೆಲ್ಲವೂ ಹಾಗೆಯೇ ಇದೆ. ಸಾಮಾನ್ಯವಾಗಿ ಪುನೀತ್ ಸಿನೆಮಾಗಳನ್ನು ಮಲಯಾಳಮ್ ಗೆ ಡಬ್ ಮಾಡಲಾಗುತ್ತದೆ, ಆದರೆ ಈಗ ಮೈತ್ರಿ ಸಿನೆಮಾವನ್ನು ಎರಡು ಭಾಷೆಗಳಲ್ಲಿ ಚಿತ್ರೀಕರಣ ಮಾಡಿದ್ದೇವೆ" ಎನ್ನುತ್ತಾರೆ ರಾಜಕುಮಾರ್.
Advertisement