ಚೆನ್ನೈ: ಪ್ರೇಕ್ಷಕರು ಮತ್ತು ವಿಮರ್ಶಕರ ಮನ್ನಣೆ ಪಡೆದಿರುವ ನಿರ್ದೇಶಕ ಮಣಿರತ್ನಂ ಅವರ ಇತ್ತೀಚಿನ ತಮಿಳು ಚಲನಚಿತ್ರ 'ಓ ಕಾದಲ್ ಕಣ್ಮಣಿ' ವಿಶ್ವಾದದ್ಯಂತ ಬಿಡುಗಡೆಯಾಗಿ ೪ ದಿನಗಳಲ್ಲಿ ೧೪ ಕೋಟಿ ಹಣ ಗಳಿಸಿದೆ.
"ತಮಿಳಿನಲ್ಲಿ ನಿರ್ಮಾಣವಾಗಿರುವ ಹಾಗೂ ತೆಲುಗಿನಲ್ಲಿ ಡಬ್ ಆಗಿರುವ 'ಓ ಕಾದಲ್ ಕಣ್ಮಣಿ' ವಿಶ್ವದಾದ್ಯಂತ ೧೪.೭೩ ಕೋಟಿ ಗಳಿಸಿದೆ. 'ಕಾಂಚನ -೨' ರ ಬಿಡುಗಡೆಯ ಹೊರತಾಗಿಯೂ ಮಲ್ಟಿಪ್ಲೆಕ್ಸ್ ಪ್ರೇಕ್ಷಕರನ್ನು ಮಣಿರತ್ನಂ ಸಿನೆಮಾ ಸೆಳೆದಿದೆ" ಎಂದು ಸಿನೆಮಾ ಮಾರಾಟ ಪಂಡಿತರೊಬ್ಬರು ತಿಳಿಸಿದ್ದಾರೆ.
ಪ್ರಣಯ ಚಿತ್ರಗಳಿಗೆ ಮಣಿರತ್ನಂ ಹಿಂದಿರುಗಿದ್ದಾರೆ ಎಂದೇ ಬಣ್ಣಿಸಲಾದ ಈ ಸಿನೆಮಾದ ಕಥೆ ಮುಂಬೈನಲ್ಲಿ ನಡೆಯುತ್ತದೆ. ಯುವ ಜೋಡಿ ಆದಿ ಮತ್ತು ತಾರಾ ಮದುವೆಗೂ ಮುಂಚಿತವಾಗಿ ಒಟ್ಟಿಗೆ ಬದುಕುವ ಕಥೆಯ ಎಳೆಯನ್ನು ಈ ಸಿನೆಮಾ ಹೊಂದಿದೆ.
ದಲ್ಕ್ವೆರ್ ಸಲ್ಮಾನ್ ಮತ್ತು ನಿತ್ಯಾ ಮೆನನ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ 'ಓ ಕಾದಲ್ ಕಣ್ಮಣಿ', ಮಣಿರತ್ನಂ ಅವರಿಗೆ ನಷ್ಟ ತಂದೊಡ್ಡಿದ್ದ 'ಕಾದಲ್' ಸಿನೆಮಾಗೆ ವಿರುದ್ಧವಾಗಿ ಹಣದ ಮಹಾಪೂರವನ್ನೇ ಹರಿಸಿದೆ ಎನ್ನಲಾಗಿದೆ.
ವಿದೇಶಗಳಲ್ಲೂ ಈ ಸಿನೆಮಾ ಒಳ್ಳೆಯ ಹಣ ಗಳಿಸಿದೆ ಎನ್ನಲಾಗಿದೆ.
