ಮುಂಬೈ: ಅಭಿಶೇಕ್ ಬಚ್ಚನ್ ಮತ್ತು ರಿಷಿ ಕಪೂರ್ ಅಭಿನಯದ 'ಆಲ್ ಇಸ್ ವೆಲ್' ಸಿನೆಮಾಗೆ ಸೆನ್ಸಾರ್ ಮಂಡಲಿಯಿಂದ 'ಯು' ಪ್ರಮಾಣಪತ್ರ ದೊರೆತಿದ್ದು, ಸಿನೆಮಾಗೆ ಯಾವುದೇ ಕತ್ತರಿ ಬಿದ್ದಿಲ್ಲ ಎಂಬುದು ವಿಶೇಷ.
ನಿರ್ಮಾಣ ಸಂಸ್ಥೆ ಟಿ-ಸೀರೀಸ್ ಅಧಿಕೃತ ಘೋಷಣೆಯಲ್ಲಿ ಈ ವಿಷಯ ತಿಳಿಸಿದ್ದು, 'ಆಲ್ ಇಸ್ ವೆಲ್' ಎಂದಿದೆ.
'ಓ ಮೈ ಗಾಡ್' ಸಿನೆಮಾ ಖ್ಯಾತಿಯ ಉಮೇಶ್ ಶುಕ್ಲಾ ಈ ಸಿನೆಮಾವನ್ನು ನಿರ್ದೇಶಿಸಿದ್ದು, ಒಡಕು ಮೂಡಿದ ಕುಟುಂಬದಲ್ಲಿ ಹೊಂದಾಣಿಕೆಯಿಲ್ಲದೆ ಬದುಕುವವರ ಕಥಾಹಂದರ ಹೊಂದಿದೆ. ತಮ್ಮ ಭಿನ್ನಾಭಿಪ್ರಾಯಗಳನ್ನು ಬಗೆಹರಿಸಿಕೊಳ್ಳಲು ಈ ಕುಟುಂಬ ವರ್ಗ ರಸ್ತೆ ಪ್ರವಾಸ ಹೊರಡುವ ಕಥೆ ಹೊಂದಿದೆ.
ಅಭಿಶೇಕ್ ಅವರೊಂದಿಗೆ ರಿಷಿ, ಆಸಿನ್ ಮಾತು ಸುಪ್ರಿಯಾ ಪಾಠಕ್ ಮುಖ್ಯಭೂಮಿಕೆಯಲ್ಲಿದ್ದಾರೆ.
'ಆಲ್ ಇಸ್ ವೆಲ್' ಈ ಶುಕ್ರವಾರ ತೆರೆ ಕಾಣಲಿದೆ.
Advertisement