ಹೈದರಾಬಾದ್: ಶನಿವಾರ, (ಆ.22 ) ರಂದು ನಡೆಯಲಿರುವ ಮೇಘಾ ಸ್ಟಾರ್ ಚಿರಂಜೀವಿ 60 ನೇ ಹುಟ್ಟುಹಬ್ಬದ ಆಚರಣೆಯಲ್ಲಿ ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ಹಾಗೂ ಅಮೀರ್ ಖಾನ್ ಪಾಲ್ಗೊಳ್ಳುವ ನಿರೀಕ್ಷೆ ಇದೆ.
ತಂದೆಯ ಹುಟ್ಟುಬದ ಅಂಗವಾಗಿ ಟಾಲಿವುಡ್ ನ ನಟ ರಾಮ್ ಚರಣ್ ತೇಜ್ ಔತಣಕೂಟ ಆಯೋಜಿಸಿದ್ದಾರೆ. ಕಾರ್ಯಕ್ರಮದಲ್ಲಿ ಭಾಗವಹಿಸುವಂತೆ ಅಮಿತಾಬ್ ಬಚ್ಚನ್ ಹಾಗೂ ಅಮೀರ್ ಖಾನ್ ಗೆ ಆಮಂತ್ರಣ ನೀಡಲಾಗಿದ್ದು, ಬರುವಿಕೆಯನ್ನು ಇಬ್ಬರೂ ನಟರು ಖಚಿತಪಡಿಸಿದ್ದಾರೆ ಎಂದು ರಾಮ್ ಚರಣ್ ಅವರ ಆಪ್ತರು ಸುದ್ದಿ ಸಂಸ್ಥೆಗಳಿಗೆ ತಿಳಸಿದ್ದಾರೆ.
ಬಚ್ಚನ್ ಕುಟುಂಬದೊಂದಿಗೆ ರಾಮ್ ಚರಣ್ ತೇಜ್ ನಿಕಟ ಸಂಪರ್ಕಹೊಂದಿದ್ದು ಸ್ವತಃ ಆಹ್ವಾನಿಸಿದ ಕೂಡಲೆ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಅಮಿತಾಬ್ ಬಚ್ಚನ್ ಒಪ್ಪಿದ್ದಾರೆ ಎಂದು ತಿಳಿದುಬಂದಿದೆ. ಚಿರಂಜೀವಿ ಅಭಿಮಾನಿಗಳು ಈಗಾಗಲೇ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದಾರೆ.
ಟಾಲಿವುಡ್ ನ ಇತರ ನಟರಾದ ವೆಂಕಟೇಶ್, ನಾಗಾರ್ಜುನ, ಜಗಪತಿ ಬಾಬು ಹಾಗೂ ಚಿರಂಜೀವಿ ಸಹೋದರ ಪವನ್ ಕಲ್ಯಾಣ್ ಅವರೂ ಔತಣಕೂಟದಲ್ಲಿ ಭಾಗವಹಿಸುವ ನಿರೀಕ್ಷೆ ಇದೆ. ಇದೇ ವೇಳೆ ರಾಮ್ ಚರಣ್ ತೇಜ್ ನಟನೆಯ ಚಿತ್ರದಲ್ಲಿ ಚಿರಂಜೀವಿ ಕಿರು ಪಾತ್ರವೊಂದರಲ್ಲಿ ನಟಿಸುತ್ತಿದ್ದಾರೆ ಎಂದು ಚಿತ್ರ ತಂಡ ತಿಳಿಸಿವೆ.
Advertisement