ಮೊದಲ ಮಗುವಿನ ನಿರೀಕ್ಷೆಯಲ್ಲಿ ರಾಣಿ ಮುಖರ್ಜಿ ಆದಿತ್ಯ ಚೋಪ್ರಾ ದಂಪತಿ

ಮುಂಬಯಿ: ಬಾಲಿವುಡ್ ನಟಿ ರಾಣಿ ಮುಖರ್ಜಿ ಮತ್ತು ನಿರ್ದೇಶಕ ಆದಿತ್ಯ ಚೋಪ್ರಾ ದಂಪತಿಯ ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. 2016 ರ ಜನವರಿಯಲ್ಲಿ ರಾಣಿ ಮುಖರ್ಜಿಗೆ ಹೆರಿಗೆಯಾಗಲಿದೆ ಎಂದು ರಾಣಿ ಮುಖರ್ಜಿ ಸಹೋದರಿ ಜ್ಯೋತಿ ಮುಖರ್ಜಿ ತಿಳಿಸಿದ್ದಾರೆ.

ಬಾಲಿವುಡ್ ನ ಹೆಸರಾಂತ ನಿರ್ದೇಶಕ ಯಶ್ ರಾಜ್ ಪುತ್ರ ಆದಿತ್ಯ ಚೋಪ್ರಾರನ್ನು 2014 ರ ಏಪ್ರಿಲ್ 21 ರಂದು ಇಟಲಿಯಲ್ಲಿ ಗುಟ್ಚಾಗಿ ವಿವಾಹವಾಗಿದ್ದರು ಎಂದು ಆಂಗ್ಲ ಪತ್ರಿಕೆಯೊಂದು ವರದಿ ಮಾಡಿತ್ತು.

ರಾಣಿ ಮುಖರ್ಜಿ ಗರ್ಭಿಣಿಯಾಗಿರುವ ವಿಷಯವನ್ನು ಇದುವರೆಗೂ ಗುಟ್ಟಾಗಿ ಇಡಲಾಗಿತ್ತು. ದಂಪತಿ ಲಂಡನ್ ನಲ್ಲಿ ವಾಸವಿದ್ದು ತಮ್ಮ ಖಾಸಗಿ ಜೀವನವದ ಯಾವುದೇ ವಿಷಯವನ್ನು ಬಹಿರಂಗ ಪಡಿಸದಿರಲು ನಿರ್ಧರಿಸಿದ್ದಾರೆ.