ಐಂದ್ರಿತಾ ರೇ ಈಗ ಜಡ್ಜ್!

ಜಡ್ಜ್‍ಗಳ ಸಂಖ್ಯೆ ಜಾಸ್ತಿ ಆಗ್ತಿದೆ! ಪ್ರಿಯಾಮಣಿ, ರಕ್ಷಿತಾ ಬಳಿಕ ಈಗಿನ ಸೇರ್ಪಡೆ ಐಂದ್ರಿತಾ ರೇ. ಚಿತ್ರನಟಿಯರಿಗೆ ಸಿನಿಮಾದಲ್ಲಿ ಆಫರ್ ಕಡಿಮೆ ಆದಾಗ ಮುಖ ಮಾಡುವುದು ಕಿರುತೆರೆಯತ್ತ. 

ಐಂದ್ರಿತಾ ರೇ ಮಟ್ಟಿಗೆ ಈ ಮಾತು ನಿಜವೇ ಇದ್ದಿರಬಹುದು. ಸುವರ್ಣ ಚಾನೆಲ್‍ನಲ್ಲಿ ಮೂಡಿಬರಲಿರುವ `ಸೈ ಟು ಡ್ಯಾನ್ಸ್' ಶೋಗೆ ಐಂದ್ರಿತಾ ರೇ ಜಡ್ಜ್ ಆಗಲಿದ್ದಾಳಂತೆ. ಜಗ್ಗೇಶ್ ಕೂಡ ಜಡ್ಜ್ ಆಗಿ ಪಕ್ಕದಲ್ಲಿರುತ್ತಾರೆಂದು ಸುದ್ದಿ ಆಗಿದೆ. 

ಈ ಶೋ ಪ್ರತಿ ಶನಿವಾರ ರಾತ್ರಿ 8ಕ್ಕೆ ಪ್ರಸಾರವಾಗಲಿದ್ದು, ಮೊದಲ ಎಪಿಸೋಡ್‍ಗೆ ಗೆಸ್ಟ್ ಜಡ್ಜ್ ಆಗಿ ಶರ್ಮಿಳಾ ಮಾಂಡ್ರೆ ಕಾಣಿಸಿಕೊಳ್ತಿದ್ದಾಳೆ. ಅಂದಹಾಗೆ, ಈ ಶೋ ಇರುವುದು ಅಮ್ಮಂದಿರಿಗಂತೆ. ಡ್ಯಾನ್ಸ್, ಗೇಮ್ಸ್ ನಂತಹ ಬೇರೆ ಬೇರೆ ಟಾಸ್ಕ್‍ಗಳು ಇಲ್ಲಿದ್ದು ಒಟ್ಟು 10 ಸ್ಪರ್ಧಿಗಳು ಪಾಲ್ಗೊಳ್ಳುತ್ತಾರೆ. ಪ್ರತಿವಾರ ಎಲಿಮಿನೇಶನ್ ಇರುತ್ತದೆ.