ರಾಜ್ಯಾದ್ಯಂತ 300 ತೆರೆಗಳಲ್ಲಿ 'ಚಕ್ರವ್ಯೂಹ'

ಬೆಂಗಳೂರು: ಪುನೀತ್ ರಾಜಕುಮಾರ್ ಮತ್ತು ರಚಿತಾ ರಾಮ್ ನಟಿಸಿರುವ ಬಹು ನಿರೀಕ್ಷಿತ ಚಿತ್ರ 'ಚಕ್ರವ್ಯೂಹ'ಕ್ಕೆ ಸೆನ್ಸಾರ್ ಮಂಡಲಿ ಯಾವುದೇ ಅಡಕತ್ತರಿ ಇಲ್ಲದೆ ಸೋಮವಾರ ಯು/ಎ ಪ್ರಮಾಣ ಪತ್ರ ನೀಡಿದ್ದು, ಇದೇ ಶುಕ್ರವಾರ ವಿಶ್ವದಾದ್ಯಂತ ಸಿನೆಮಾ ಬಿಡುಗಡೆಯಾಗಲಿದೆ.

ಸರವಣನ್ ನಿರ್ದೇಶಿಸಿರುವ ಈ ಸಿನೆಮಾ ಕರ್ನಾಟಕದಲ್ಲೇ ೩೦೦ ತೆರೆಗಳಲ್ಲಿ ಪ್ರದರ್ಶನ ಕಾಣಲಿದೆ.

ಒಂದು ವರ್ಷದ ಹಿಂದೆ ಪುನೀತ್ ಅವರ 'ರಣ ವಿಕ್ರಮ' ಬಿಡುಗಡೆಯಾಗಿತ್ತು, ಆದುದರಿಂದ ಅವರ ಅಭಿಮಾನಿಗಳಿಗೆ ಈ ನಿರೀಕ್ಷಿತ ಚಿತ್ರ ರಸದೌತಣ ಆಗಲಿದೆ ಎಂದೇ ನಂಬಲಾಗಿದೆ.

ಈ ಸಿನೆಮಾದಿಂದ ಹೊಸ ನಿರ್ಮಾಪಕ ಎನ್ ಕೆ ಲೋಹಿತ್ ಕನ್ನಡ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದಾರೆ.

ಅರುಣ್ ವಿಜಯ್, ಸಾಧು ಕೋಕಿಲಾ, ಭವ್ಯ, ಅಭಿಮನ್ಯು ಸಿಂಗ್ ಮತ್ತು ರಂಗಾಯಣ ರಘು ಕೂಡ ತಾರಾಗಣದ ಭಾಗವಾಗಿದ್ದಾರೆ. ತಮನ್ ಸಂಗೀತ ನೀಡಿದ್ದು ಶಣ್ಮುಗ ಸುಂದರಂ ಸಿನೆಮ್ಯಾಟೋಗ್ರಾಫರ್.