ಬೆಂಗಳೂರು: ವರನಟ ಡಾ. ರಾಜಕುಮಾರ್ ಕುಟುಂಬದ ಕುಡಿಯೊಬ್ಬರು ನಟನಾಗದೇ ನಿರ್ಮಾಪಕನಾಗಿ ತಮ್ಮ ಸಿನೆಮಾ ವೃತ್ತಿಜೀವನ ಆರಂಭಿಸಿದ್ದಾರೆ. ರಾಜಕುಮಾರ್ ಅವರ ಮೊಮ್ಮಗ, ರಾಘವೇಂದ್ರ ರಾಜಕುಮಾರ್ ಅವರ ಪುತ್ರ ಗುರು ರಾಜಕುಮಾರ್, ತಮ್ಮ ಸಹೋದರ ವಿನಯ್ ರಾಜಕುಮಾರ್ ನಟಿಸಿರುವ 'ರನ್ ಆಂಟನಿ' ಸಿನೆಮಾದ ನಿರ್ಮಾಪಕ.
"ಸಿನೆಮಾದ ಎಲ್ಲ ವಿಭಾಗಗಳಲ್ಲೂ ನಮ್ಮ ಕುಟುಂಬ ತೊಡಗಿಸಿಕೊಂಡಿದೆ. ನನ್ನ ಬಾಲ್ಯವನ್ನೆಲ್ಲ ನನ್ನ ತಾತ, ನನ್ನ ತಂದೆ ಮತ್ತು ನನ್ನ ಚಿಕ್ಕಪ್ಪ (ಪುನೀತ್ ರಾಜಕುಮಾರ್ ) ಅವರ ಚಿತ್ರೀಕರಣದದಲ್ಲಿ ಕಳೆದಿದ್ದೇನೆ. ನನಗೆ ಈ ಸಿನೆಮ ಮಾಡುವ ಯೋಜನೆಯ ಚಕ್ರ ಅರ್ಥವಾಗಿದೆ. ಆದುದರಿಂದ ನಾನು ನಿರ್ಮಾಪಕನ ಜವಾಬ್ದಾರಿ ಹೊತ್ತಿದ್ದೇನೆ" ಎನ್ನುತ್ತಾರೆ ಗುರು.
'ರನ್ ಆಂಟನಿ', 'ಸಿದ್ಧಾರ್ಥ' ನಂತರ ವಿನಯ್ ರಾಜಕುಮಾರ್ ಅವರಿಗೆ ಎರಡನೇ ಸಿನೆಮಾ. ಎಂ ಎಸ್ ರಾಮಯ್ಯ ಕಾಲೇಜಿನಿಂದ ಇತ್ತಿಚೆಗಷ್ಟೇ ಆರ್ಕಿಟೆಕ್ಚರ್ ನಲ್ಲಿ ಪದವಿ ಪಡೆದಿರುವ ಗುರು "ಇದು ನನಗೆ ಸರಿಯಾದ ಯೋಜನೆ ಎಂದೆನಿಸಿ, ಇದರಲ್ಲಿ ತೊಡಗಿಸಿಕೊಂಡೆ" ಎನ್ನುತ್ತಾರೆ.
ರಘು ಶಾಸ್ತ್ರಿ ನಿರ್ದೇಶನದ ಬಗ್ಗೆಯೂ ಮೆಚ್ಚುಗೆ ವ್ಯಕ್ತಪಡಿಸುವ ಗುರು ನಟನಾಗುವ ಬಗ್ಗೆ "ಶೀಘ್ರದಲ್ಲೇ ನಟನಾಗುವುದಕ್ಕೆ ಆಸಕ್ತಿಯೇನಿಲ್ಲ. ಸಿನೆಮಾದ ಎಲ್ಲ ವಿಭಾಗಗಳನ್ನು ನಿಖರತೆಯಿಂದ ಕಲಿತು ಆಲ್ ರೌಂಡರ್ ಆಗುವಾಸೆ" ಎನ್ನುತ್ತಾರೆ.
Advertisement