ಮಲಯಾಳಂ ನಟ ಜಿಷ್ಣು ರಾಘವನ್ ವಿಧಿವಶ

ಕೊಚ್ಚಿ: ಕಳೆದ ಎರಡು ವರ್ಷಗಳಿಂದ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ಮಲಯಾಳಂ ನಟ ಜಿಷ್ಣು ರಾಘವನ್ ಅಲಿಂಗ್ಕಿಲ್ ನಿಧನರಾಗಿದ್ದಾರೆ.

ಜಿಷ್ಣು ರಾಘವನ್ ಅವರು 1987ರಲ್ಲಿ ತೆರೆಗೆ ಬಂದ ಕಲಿಪತ್ ಚಿತ್ರದಲ್ಲಿ ಬಾಲ ನಟನಾಗಿ ಪಾದಾರ್ಪಣೆ ಮಾಡಿದ್ದರು. ನಂತರ ನಮ್ಮಲ್ ಚಿತ್ರದ ಮೂಲಕ ಹೀರೋ ಆಗಿ ಎಂಟ್ರಿಕೊಟ್ಟಿದ್ದರು.

ಕಳೆದ ಎರಡು ವರ್ಷಗಳ ಹಿಂದೆ ಜಿಷ್ಣು ರಾಘವನ್ ಅವರಿಗೆ ಕ್ಯಾನ್ಸರ್ ಇರುವುದಾಗಿ ತಿಳಿದಿತ್ತು. ಚಿಕಿತ್ಸೆ ಬಳಿಕ ಗುಣಮುಖರಾಗಿದ್ದ ಅವರಿಗೆ ಕಳೆದ ವರ್ಷದ ಮತ್ತೆ ಕ್ಯಾನ್ಸರ್ ಮರುಕಳಿಸಿದ್ದು, ಕೊಚ್ಚಿಯ ಖಾಸಗಿ ಆಸ್ಪತ್ರೆಯಲ್ಲಿ ಇಂದು ಬೆಳಗ್ಗೆ ಕೊನೆಯುಸಿರೆಳೆದಿದ್ದಾರೆ.