ನಿರ್ದೇಶಕ ಪವನ್ ಕುಮಾರ್ ಸಸ್ಪೆನ್ ಥ್ರಿಲ್ಲರ್ ಕಥೆಯಾಧಾರಿತ ಚಿತ್ರ ಯೂಟರ್ನ್ 2016ರಲ್ಲಿ ಜನರ ಮೆಚ್ಚುಗೆ ಗಳಿಸಿದ ಚಿತ್ರಗಳಲ್ಲಿ ಒಂದಾಗಿದ್ದು ಗೋವಾದಲ್ಲಿ ನಡೆಯುವ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಳ್ಳಲಿದೆ.
ನವೆಂಬರ್ 20 ರಿಂದ 28ರವರೆಗೆ ನಡೆಯಲಿರುವ ಪಮೋರಮಾ ಚಲನಚಿತ್ರ ಉತ್ಸಮದಲ್ಲಿ ಯೂಟರ್ನ್ ಜತೆಗೆ ಹಿರಿಯ ನಿರ್ದೇಶಕ ಟಿಎಸ್ ನಾಗಾಭರಣ ನಿರ್ದೇಶನದ ಇನ್ನು ತೆರೆಕಾಣದ ಚಿತ್ರ ಅಲ್ಲಮ ಮತ್ತು ಅನನ್ಯ ಕಾಸರವಳ್ಳಿ ನಿರ್ದೇಶನದ ಹರಿಕಥಾ ಪ್ರಸಂಗ ಚಿತ್ರಗಳು ಪ್ರೀಮಿಯರ್ ಆಗಲಿದೆ.
ಸ್ಯಾಂಡಲ್ ವುಡ್ ನ ಹಿರಿಯ ನಿರ್ದೇಶಕ ಎಸ್.ವಿ ರಾಜೇಂದ್ರ ಸಿಂಗ್ ಬಾಬು ನೇತೃತ್ವದ 13 ಸದಸ್ಯರ ಸಮಿತಿಯು 230 ಚಿತ್ರಗಳ ಪೈಕಿ 22 ಚಿತ್ರಗಳನ್ನು ಆಯ್ಕೆ ಮಾಡಿದ್ದು ಕನ್ನಡ 3 ಚಿತ್ರಗಳು ಸೇರಿದಂತೆ ಇನ್ನಿಂತರ ಭಾಷೆಗಳ 19 ಚಿತ್ರಗಳು ಪನೋರಮಾದಲ್ಲಿ ಪ್ರದರ್ಶನಗೊಳ್ಳಲಿವೆ.
