ನಟ ಧನುಷ್‌ಗೆ ಬಿಗ್ ರಿಲೀಫ್; ಪಿತೃತ್ವ ಪ್ರಕರಣ ಅರ್ಜಿ ವಜಾ ಮಾಡಿದ ಮದುರೈ ಪೀಠ

ಚೆನ್ನೈ: ಕಾಲಿವುಡ್ ನಟ ಧನುಷ್ ತಮ್ಮ ಮಗು ಎಂದು ಹಿರಿಯ ದಂಪತಿಯೊಬ್ಬರು ಹಾಕಿದ್ದ ಅರ್ಜಿಯನ್ನು ಚೆನ್ನೈನ ಹೈ ಕೋರ್ಟ್ ನ ಮದುರೈ ಪೀಠವು ವಜಾಗೊಳಿಸಿದ್ದರಿಂದ ಧನುಷ್ ನಿರಾಳರಾಗಿದ್ದಾರೆ. 

ಮದುರೈ ಮೂಲದ 65 ವರ್ಷದ ಕದಿರೇಶನ್ ಮತ್ತು ಅವರ ಪತ್ನಿ ನಟ ಧನುಷ್ ತಮ್ಮ ಮಗ ಆತನಿಂದ ಜೀವನ ನಿರ್ವಹಣೆಗೆ ಅನುಕೂಲ ಮಾಡಿಸಿಕೊಡಬೇಕು ಎಂದು ಅರ್ಜಿ ಹಾಕಿದ್ದರು. 

ಧನುಷ್ ನಮ್ಮ ಮಗ 2002ರವರೆಗೆ ಆತನನ್ನು ನಾವೇ ಸಾಕಿದ್ದೇವೆ. ನಮ್ಮ ಜೀವನ ನಿರ್ವಹಣೆಗಾಗಿ ಆತನಿಂದ ತಿಂಗಳಿಗೆ 65 ಸಾವಿರ ರುಪಾಯಿ ಕೊಡಿಸಬೇಕು ಎಂದಿದ್ದರು. ಆ ನಂತರ ಕೋರ್ಟ್ ಸೂಚನೆಯಂತೆ ಗುರುತಗಳ ಪತ್ತೆ ಪರೀಕ್ಷೆ ಹಾಗೂ ವೈದ್ಯಕೀಯ ಪರೀಕ್ಷೆಯನ್ನು ಮಾಡಲಾಗಿತ್ತು. ಆದೆರ ಆ ದಂಪತಿ ಹೇಳಿದಂಥ ಯಾವುದೇ ಗುರುತುಗಳು ಇಲ್ಲ ಎಂದು ಮದುರೈ ವೈದ್ಯಕೀಯ ಕಾಲೇಜು ತನ್ನ ವರದಿಯಲ್ಲಿ ತಿಳಿಸಿತ್ತು. 

ದಂಪತಿ ಹೇಳಿದಂತೆ ಧನುಷ್ ಮೇಲೆ ಯಾವುದೇ ಮಚ್ಚೆ ಹಾಗೂ ಗಾಯದ ಗುರುತು ಇಲ್ಲ. ಮಚ್ಚೆಯನ್ನಾದರೆ ತೆಗೆಯುವುದಕ್ಕೆ ಸಾಧ್ಯತೆಯಿದೆ. ಆದರೆ ಗಾಯದ ಗುರುತನ್ನು ಪ್ಲಾಸ್ಟಿಕ್ ಸರ್ಜರಿಯಿಂದ ಕಡಿಮೆ ಮಾಡಬಹುದೇ ವಿನಾ ತೆಗೆದುಹಾಕಲು ಸಾಧ್ಯವಿಲ್ಲ ಎಂದು ವೈದ್ಯರು ವರದಿಯಲ್ಲಿ ತಿಳಿಸಿದ್ದರು. ಇದೀಗ ತಿಂಗಳ ಕಾಲ ವಿಚಾರಣೆ ನಡೆಸಿದ ನ್ಯಾಯಾಲಯ ಪ್ರಕರಣವನ್ನು ವಜಾ ಮಾಡಿದೆ.