ನಟಿ ಪೂಜಾಗಾಂಧಿ ವಿರುದ್ಧ ವಾರಂಟ್

ಬೆಂಗಳೂರು: ಚೆಕ್‌ಬೌನ್ಸ್‌ ಪ್ರಕರಣದಲ್ಲಿ ನಟಿ ಪೂಜಾಗಾಂಧಿ ಮತ್ತು ಅವರ ತಂದೆ ಪವನ್‌ಗಾಂಧಿ ವಿರುದ್ಧ ನ್ಯಾಯಾಲಯ ವಾರೆಂಟ್‌ ಜಾರಿ ಮಾಡಿದೆ.

ವಿಜಯ್‌ಕುಮಾರ್‌ ಎನ್ನುವವರಿಂದ ಹಣ ಪಡೆದಿದ್ದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ 16ನೇ ಎಸಿಎಂಎಂ ನ್ಯಾಯಾಲಯದಿಂದ ವಾರೆಂಟ್‌ ಜಾರಿಯಾಗಿದೆ. ಸಿನಿಮಾ ಮಾಡುವುದಾಗಿ 4 ಕೋಟಿ ರೂ ಪಡೆದಿದ್ದರ ಸಂಬಂಧ ನ್ಯಾಯಾಲಯ ವಾರೆಂಟ್‌ ನೀಡಿದೆ.

ಸಿನಿಮಾ ಮಾಡುವುದಾಗಿ ಹೇಳಿ ಪೂಜಾಗಾಂಧಿ ಮತ್ತು ಅವರ ತಂದೆ ನನ್ನಿಂದ 4 ಕೋಟಿ ಪಡೆದಿದ್ದರು. ಸಿನಿಮಾ ನಿರ್ಮಾಣ ಮಾಡದ ಹಿನ್ನೆಲೆಯಲ್ಲಿ ಹಣವನ್ನು ವಾಪಾಸ್‌ ಕೇಳಿದ್ದೆ. ಆ ವೇಳೆ ಚೆಕ್‌ ನೀಡಿದ್ದರು. ಅವರು ನೀಡಿದ್ದ ಚೆಕ್‌ಬೌನ್ಸ್‌ ಆಗಿದೆ ಎಂದು ವಿಜಯ್‌ಕುಮಾರ್‌ ದೂರಿದ್ದಾರೆ.