ಆರೋಪ ಸಂಬಂಧ ಪ್ರತಿಕ್ರಿಯೆ ನೀಡಿರುವ ನಿರ್ದೇಶಕ ಎಸ್. ರವಿಂದ್ರನಾಥ್ ಅವರು ಸ್ಪಷ್ಟನೆನೀಡಿದ್ದು, ಪುಷ್ಪಕ ವಿಮಾನ ಚಿತ್ರ ಮಿರಾಕಲ್ ಇನ್ ಸೆಲ್ ನಂ.7 ಚಿತ್ರದ ರಿಮೇಕ್ ಅಲ್ಲ. ಆದರೆ, ನಾಲ್ಕು ಚಿತ್ರದ ಮೂಲಕ ಪ್ರೇರಣ ಪಡೆದುಕೊಂಡು ಚಿತ್ರವನ್ನು ನಿರ್ಮಿಸಲಾಗಿದೆ. ಸಿನಿಮಾದ ಪರಿಕಲ್ಪನೆ ವಿಮಾನವಾಗಿದ್ದು, ಲೈಫ್ ಇಸ್ ಬ್ಯೂಟಿಫುಲ್, ಐ ಅ್ಯಮ್ ಸ್ಯಾಮ್, ಮಿರಾಕಲ್ ಇನ್ ಸೆಲ್ ನಂ.7 ಮತ್ತು ಪರ್ಸ್ಯೂಟ್ ಆಪ್ ಹ್ಯಾಪಿನೆಸ್ ಎಂಬ ನಾಲ್ಕು ಚಿತ್ರಗಳ ಮೂಲಕ ನಾನು ಪ್ರೇರಣೆಯನ್ನು ಪಡೆದುಕೊಂಡಿದ್ದೆ. ಸಿನಿಮಾ ಆರಂಭವಾಗುತ್ತಿದ್ದಂತೆಯೇ ಈ ನಾಲ್ಕು ಚಿತ್ರಗಳ ನಿರ್ದೇಶಕರಿಗೆ ಕೃಪೆಗಳನ್ನು ಸಲ್ಲಿಸಿದ್ದೆವು. ಟೈಟಲ್ ನಲ್ಲಿಯೂ ನಿರ್ದೇಶಕರಿಗೆ ಧನ್ಯವಾದಗಳನ್ನು ಸಲ್ಲಿಸಿದ್ದೇವೆಂದು ಹೇಳಿದ್ದಾರೆ.