ಮಾಯಾವತಿ ವಿರುದ್ಧ ಟೀಕೆ: ನಟ ಸಂಜಯ್ ದತ್ ಗೆ ಕೋರ್ಟ್ ಸಮನ್ಸ್

ಬಾರಾಬಂಕಿ: 2009ರ ಉತ್ತರ ಪ್ರದೇಶ ಲೋಕಸಭೆ ಚುನಾವಣಾ ಪ್ರಚಾರದ ವೇಳೆ ಬಿಎಸ್ ಪಿ ನಾಯಕಿ ಮಾಯಾವತಿ ವಿರುದ್ಧ ಟೀಕೆ ಮಾಡಿದ್ದ ಬಾಲಿವುಡ್ ನಟ ಸಂಜಯ್ ದತ್ ಗೆ ಸ್ಥಳೀಯ ನ್ಯಾಯಾಲಯ ಸಮನ್ಸ್ ನೀಡಿದೆ. 

ಹೆಚ್ಚುವರಿ ಮುಖ್ಯ ನ್ಯಾಯಾಧೀಶ ಸಂಜಯ್ ಯಾದವ್ ನಿನ್ನೆ ನಟ ದತ್ ಗೆ ಸಮನ್ಸ್ ನೀಡಿದ್ದು, ನವೆಂಬರ್ 16 ರೊಳಗೆ ನ್ಯಾಯಾಲಯಕ್ಕೆ ಹಾಜರಾಗುವಂತೆ ನಿರ್ದೇಶನ ನೀಡಿದೆ. ಸಂಜಯ್ ದತ್ ಗೆ ಸಮನ್ಸ್ ನೀಡುವಂತೆ ಮುಂಬಯಿ ಪೊಲೀಸ್ ಆಯುಕ್ತರಿಗೆ ಕೋರ್ಟ್ ಸೂಚಿಸಿದೆ ಎಂದು ಕಾನೂನು ಅಧಿಕಾರಿ ರಮೇಶ್ ಚಾಂದ್ ಕನ್ನುಜಿಯಾ ಹೇಳಿದ್ದಾರೆ.

2009 ಏಪ್ರಿಲ್ 19 ರಂದು ಸಮಾಜವಾದಿ ಪಕ್ಷದ ಅಭ್ಯರ್ಥಿ ಪರ ಪ್ರಚಾರ  ಮಾಡುವಾಗ ಬಿಎಸ್ ಪಿ ನಾಯಕಿ ಮಾಯಾವತಿ ವಿರುದ್ಧ  ಅವಹೇಳನಕಾರಿಯಾಗಿ ಮಾತನಾಡಿದ್ದರು. ಜಿಲ್ಲಾಡಳಿತ ಈ ಸಾರ್ವಜನಿಕ ಸಭೆಯ ವಿಡಿಯೋ ಮಾಡಿ ಜಿಲ್ಲಾ ನ್ಯಾಯಾಧೀಶರಿಗೆ ನೀಡಿದ್ದರು. ಅದರಂತೆ ಮಸೌಲಿ ಪೊಲೀಸರು ಸಂಜಯ್ ದತ್  ವಿರುದ್ಧ ಎಫ್ ಆ ಆರ್ ದಾಖಲಿಸಿದ್ದರು.