'ಎಲ್ಲಿದ್ದೆ ಇಲ್ಲಿ ತನಕ’ ಚಿತ್ರಕ್ಕಾಗಿ ಹರಿಪ್ರಿಯಾ-ಸೃಜನ್ ಲೋಕೇಶ್ ಸತಿ-ಪತಿ!

ಬೆಂಗಳೂರು: ನಟಿ ಹರಿಪ್ರಿಯಾ ಹಾಗೂ ಮಜಾ ಟಾಕೀಸ್ ಖ್ಯಾತಿಯ ಸೃಜನ್ ಲೋಕೇಶ್ ಸತಿ-ಪತಿಗಳಾಗಿದ್ದಾರೆ! ಹೌದು ಹರಿಪ್ರಿಯಾ ಮುಂದಿನ ಚಿತ್ರ "ಎಲ್ಲಿದ್ದೆ ಇಲ್ಲಿ ತನಕ" ದಲ್ಲಿ ಸೃಜನ್ ಹಾಗೂ ಹರಿಪ್ರಿಯಾ ಸತಿ-ಪತಿಗಳಾಗಿ ಅಭಿನಯಿಸುತ್ತಿದ್ದಾರೆ.

ಇನ್ನು ನಟ ಸೃಜನ್ ಕೆಲ ಸಮಯದಿಂದ ಚಿತ್ರರಂಗದಿಂದ ದೂರ ಉಳಿಸ್ದಿದ್ದವರು ಈ ಮೂಲಕ ಮತ್ತೆ ಸಕ್ರಿಯ ನಟನೆಗೆ ಇಳಿದಿದ್ದಾರೆ.

"ಎಲ್ಲಿದ್ದೆ ಇಲ್ಲಿ ತನಕ" ಚಿತ್ರದ ಮಹೂರ್ತ ಸೋಮವಾರ ನೆರವೇರಿದ್ದು ಕಾರ್ಯಕ್ರಮದಲ್ಲಿ ನಟ ರವಿಚಂದ್ರನ್, ದರ್ಶನ್, ನಟಿ ತಾರಾ ಹಾಗೂ ಪ್ರಿಯಾಂಕ ಉಪೇಂದ್ರ ಸೇರಿ ಹಲವಾರು ನಟ ನಟಿಯರು ಭಾಗವಹಿಸಿದ್ದರು.

ವಿಶೇಷವೆಂದರೆ  ಮಜಾ ಟಾಕೀಸ್ ನಿರ್ದೇಶಕ ತೇಜಸ್ವಿ ಈ ಚಿತ್ರವನ್ನು ಮಾಡಲಿದ್ದಾರೆ. ಚಿತ್ರಕ್ಕಾಗಿ ಹರಿಪ್ರಿಯಾ ಹಾಗೂ ಸೃಜನ್ ಫೋಟೋಶೂಟ್ ನಡೆಸಿದ್ದು ಇಬ್ಬರೂ ಪತಿ-ಪತ್ನಿಯರಂತೆ ಪೋಸ್ ನೀಡಿದ್ದಾರೆ.